လံာ်စီၤပၤအခီၣ်ထံးတဘ့ၣ် 11:1 - Sgaw Karen Common Bible

¹ စီၤၡလိၤမိၤအဲၣ်တ့ၢ်ပှၤတခီဘီမုၢ်ဖိပိာ်မုၣ်အါဂၤန့ၣ်လီၤ. အဝဲဟံးန့ၢ်ကီၢ်အဲၤကူပတူးအစီၤပၤဖိမုၣ်တကးဒံးဘၣ်, အဝဲဒိးတ့ဒိးဖျီတ့ၢ်အသးဒီးပှၤဃ့ၤသးမုၣ်တဖၣ်, ဒီးပှၤပိာ်မုၣ်တဖၣ်လၢကီၢ်မိၤအး, ကီၢ်ဧၣ်မိၣ်, ကီၢ်အဒိၣ်ဒီးကီၢ်စံဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:1 Iomraidhean Croise

လံာ်စီၤပၤအခီၣ်ထံးတဘ့ၣ် 11:8

အဝဲမၤထီၣ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ်တဖၣ်ဖဲ ကယဲၢ်အဝဲအမါပှၤတခီဘီမုၢ်ဖိတဖၣ်ဆူးကဲၤထီၣ်တၢ်နၢမူ ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအဝဲသ့ၣ်အကစၢ်တဖၣ်အအိၣ်, ကသ့ဝဲအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:21

စီၤၡလိၤမိၤအဖိခွါစီၤရဃၤဘၣ်ကဲထီၣ်ကီၢ်ယူဒၤအစီၤပၤဖဲ အသးအိၣ်လွံၢ်ဆံတနံၣ်, ဒီးအဝဲပၢတၢ်တဆံနွံနံၣ်လၢဝ့ၢ်ယရူၤ ၡလ့ၣ်အပူၤ, ဝ့ၢ်တဝ့ၢ်လၢယွၤဃုထၢတ့ၢ်ဒ်တၢ်လီၢ်တတီၤဖဲအဝဲကဘၣ်တၢ်ဘူၣ် ထီၣ်ဘါထီၣ်အီၤလၢကယဲၢ်ကီၢ်အံၣ်စရ့လးအလီၢ်ကဝီၤခဲလၢာ်အကျါ န့ၣ်လီၤ. စီၤရဃၤဘၣ်အမိၢ်မ့ၢ်ဝဲနီၢ်နၤဧမၤလၢကီၢ်ဧၣ်မိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:31

စီၤရဃၤဘၣ်သံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်အပူၤန့ၣ်လီၤ. ဒီးအဖိခွါစီၤအဘံယၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:31

တၢ်မၤတၢ်ဒဲးဘးဒ်စီၤယၤရၤဘၣ်အသိးန့ၣ်, လၢအဂီၢ်တလၢမၤဘၣ် အီၤအဃိအဝဲမၤအါထီၣ်ဝဲဒီးဟံးန့ၢ်အမါလၢကီၢ်စံဒိၣ်အစီၤ ပၤအ့သဘၤလးအဖိမုၣ်နီၢ်အံၤစ့ဘ့ၤလးဒီးဘူၣ်ထီၣ်ဘါထီၣ် ဘဧၤလးန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:1

စီၤၡလိၤမိၤမၤတၢ်ဒီသိၣ်ဒီမှံၤဒီးကီၢ်အဲၤကူပတူးအစီၤ ပၤခီဖျိအဝဲအတၢ်ဒိးတ့ဒိးဖျီအသးဒီးကီၢ်အဲၤကူပတူးအစီၤပၤအဖိ မုၣ်န့ၣ်လီၤ. အဝဲဟဲက့ၤကိးအီၤလၢကအိၣ်ဝဲဆိးဝဲလၢစီၤဒၤဝံးအဝ့ၢ်ပူၤ တုၤလီၤလၢအဝဲသူၣ်ထီၣ်အနီ, ယွၤအတၢ်လုၢ်ဟံၣ်ဒီးဝ့ၢ်ခိၣ်ဒူဝးတရံးဝ့ၢ်ယရူၤၡလ့ၣ်ဝံၤဝဲ တစုန့ၣ်လီၤ.

လံာ်စီၤဧ့စြၤ 10:44

ကယဲၢ်ပှၤပိာ်ခွါတဖၣ်အံၤအိၣ်ဒီးအမါပှၤတခီဘီမုၢ်ဖိတဖၣ် လီၤ. အဝဲသ့ၣ်ပာ်မၢ်ကွံာ်အမါတဖၣ်ဒီးဆှၢဖျိးကွံာ်အဝဲသ့ၣ်ဒီးအဝဲ သ့ၣ်အဖိတဖၣ်န့ၣ်လီၤ.

လံာ်စီၤဧ့စြၤ 9:1

ဖဲတၢ်တဖၣ်အံၤဘၣ်တၢ်မၤဝံၤအီၤအလီၢ်ခံန့ၣ်, အံၣ်စရ့လးအပှၤဂီၢ်မုၢ်အခိၣ်အနၢ်တနီၤဟဲဒီးတဲဘၣ်ယၤလၢပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်တအိၣ်မၤလီၤဖးအသး ဒီးထံကီၢ်အိၣ်ဘူးအိၣ်တံၢ်တဖၣ်လၢအမ့ၢ်ဝဲကီၢ်ဧၣ်မိၣ်, ကီၢ်မိၤအး, ဒီးကီၢ်အဲၤကူပတူးအပှၤဂီၢ်မုၢ်တဖၣ်မ့ၢ်ဂ့ၤ, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤယဘူၣ်ဖိတဖၣ်, ဒီးပှၤအမိၢ်ဖိတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤတၢ်လၢအလီၤသးဘၣ်အၢတဖၣ်တမံၤဃီဒ်ပှၤဂီၢ်မုၢ်တဖၣ် အံၤမၤတ့ၢ်ဝဲအသိးန့ၣ်လီၤ.

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:16

ဒီးသုဖိခွါတဖၣ်ကဖျီဃုာ်အသးဒီးပှၤတခီဘီမုၢ်ဖိပိာ်မုၣ် တဖၣ်လၢအကမၢန့ၢ်ဆီၣ်ထွဲအဝဲသ့ၣ်ဆူတၢ်သူၣ်တတီသး တလိၤဒီးယၤဒီးဘူၣ်ထီၣ်ဘါထီၣ်အဝဲသ့ၣ်အပှၤတစူၢ် တနာ်တၢ်အယွၤတဖၣ်န့ၣ်လီၤ.

တၢ်ကတိၤဒိ. 2:16

နမၤပူၤဖျဲးနသးထီဒါပိာ်မုၣ်ဟးဂီၤလၢအကျဲးစၢးကလံာ်န့ၢ်နၤ ခီဖျိအတၢ်ကတိၤလၢအဘျ့ဝဲ,

တၢ်ကတိၤဒိ. 22:14

တၢ်အဲၣ်ဘၢမါအဲၣ်ဘၢဝၤန့ၣ်မ့ၢ်ပျံၤသကွီၤတခါလၢအဖီၣ်န့ၢ်ပှၤ တဖၣ်လၢယွၤသးဒိၣ်ဘၣ်အီၤန့ၣ်လီၤ.

တၢ်ကတိၤဒိ. 23:33

နမဲာ်ချံကထံၣ်နါမုၢ်နါစိၤတၢ်ဒီးနဆိကမိၣ်တၢ်မ့ၢ်ဂ့ၤ, နကတိၤတၢ်ထံထံဆးဆးမ့ၢ်ဂ့ၤ, တသ့ဘၣ်န့ၣ်လီၤ.

တၢ်ကတိၤဒိ. 31:3

မၤလၢာ်နဂံၢ်နဘါခဲလၢာ်လၢတၢ်မုာ်ဖံးမုာ်ညၣ်ဒီးနကျိၣ်နစ့ခဲ လၢာ်လၢပိာ်မုၣ်တဖၣ်အဃိတဂ့ၤ. အဝဲသ့ၣ်တဖၣ်မၤဟးဂီၤတ့ၢ် စီၤပၤတဖၣ်ဒၣ်လဲာ်လီၤ.

တၢ်ကတိၤဒိ. 6:24

ကတြီဃာ်နၤလၢပိာ်မုၣ်ဟးဂီၤတဖၣ်, ဒီးလၢပှၤဂၤအမါတဖၣ်အတၢ် ကတိၤကလံာ်န့ၢ်နၤန့ၣ်လီၤ.

တၢ်ကတိၤဒိ. 7:5

အဝဲသ့ၣ်ကဟံးဃာ်နၤယံၤဒီးပှၤအမါတဖၣ်, ဒီးပိာ်မုၣ်တဖၣ်လၢအအိၣ်ဒီးတၢ်ကတိၤကလံာ်န့ၢ်တၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:18

သုတဟံးန့ၢ်နမါအဒီပုၢ်ဝဲၢ်မုၣ်ဒ်နမါအသိးဖဲနမါမူဒံးအဖၢမုၢ်န့ၣ်တဂ့ၤ.

လံာ်သိၣ်လီၤသီလီၤတၢ် 17:17

စီၤပၤန့ၣ်တဘၣ်အိၣ်ဒီးအမါတဖၣ်အါဂၤဘၣ်, မ့ၢ်လၢတၢ်အံၤကဒုးဃၣ်ကွံာ်အီၤလၢယွၤအအိၣ်ဒီးအဝဲတဘၣ်မၤ ထူးထီၣ်တီၤထီၣ်အသးလၢစ့ဒီးထူန့ၣ်ဘၣ်.