လံာ်စီၤပၤအခီၣ်ထံးတဘ့ၣ် 10:9 - Sgaw Karen Common Bible

⁹ စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 5:12

လၢတၢ်န့ၣ်အဃိ, စီၤဒၤဝံးသ့ၣ်ညါဝဲလၢယွၤပာ်ထီၣ်အီၤဂၢၢ်ဂၢၢ်ကျၢၤကျၢၤ ဒ်ကီၢ်အံၣ်စရ့လးအစီၤပၤအသိးဒီးမၤဘီၣ်ထီၣ် ညီထီၣ်အဘီအမုၢ်လၢအပှၤဂီၢ်မုၢ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:7

ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 17:22

နဒုးကဲထီၣ်တ့ၢ်အံၣ်စရ့လးလၢနပှၤဂီၢ်မုၢ်ဒၣ်နဲလီၤထူလီၤ ယိာ်, ဒီးနၤ, ယွၤဧၢ, နကဲထီၣ်အဝဲသ့ၣ်အကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:11

စီၤပၤဃံရၣ်ဆှၢလီၤကဒါလံာ်ပရၢစံးဆၢတၢ်တဘ့ၣ်ဆူ စီၤၡလိၤမိၤအအိၣ်န့ၣ်လီၤ. အဝဲကွဲးတၢ်စံးဝဲ, “မ့ၢ်လၢယွၤအဲၣ်အပှၤဂီၢ်မုၢ်အဃိ အဝဲပာ်ထီၣ်လံနၤလၢအဝဲသ့ၣ်အစီၤပၤအလီၢ်န့ၣ်လီၤ.

စံးထီၣ်ပတြၢၤ 18:19

အဝဲထုးထီၣ်ယၤလၢတၢ်ဘၣ်ယိၣ်ဘၣ်ဘီအလီၢ်, အဝဲမၤပူၤဖျဲးယၤမ့ၢ်လၢ အဝဲဘၣ်သူၣ်ဘၣ်သးယၤအဃိန့ၣ်လီၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

စံးထီၣ်ပတြၢၤ 72:2

မ်အစံၣ်ညီၣ်နပှၤဂီၢ်မုၢ်လၢတၢ်တီတၢ်လိၤ ဒီးနပှၤဖှီၣ်ဖိယာ်ဖိလၢတၢ်စံၣ်ညီၣ်တီန့ၣ်တက့ၢ်.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 31:3

ယလီၣ်ဖျါထီၣ်တ့ၢ် ယသးဆူ အဝဲသ့ၣ်လၢ အယံၤန့ၣ်လီၤ. ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ယတၢ်အဲၣ်ခၢၣ်သနၢၣ်တထံၣ်ဃီန့ၣ်လီၤ.

လံာ်မၤလကံ 1:2

ဒီးယွၤစံးဘၣ်အပှၤဂီၢ်မုၢ်, “ယအဲၣ်သုထီဘိလီၤ.” ဘၣ်ဆၣ်ဒီးအဝဲသ့ၣ်စံးဆၢဝဲ, “နဒုးနဲၣ်နတၢ်အဲၣ်ပှၤဒ်လဲၣ်.” ယွၤစံးဆၢဝဲ, “စီၤဧ့ၡီၤဒီးစီၤယၤကိာ်မ့ၢ်ပှၤဒီပုၢ်ဝဲၢ်, ဘၣ်ဆၣ်ယအဲၣ်စီၤယၤကိာ်ဒီးအစၢၤအသွဲၣ်တဖၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.