လံာ်စီၤပၤအခီၣ်ထံးတဘ့ၣ် 10:22 - Sgaw Karen Common Bible

²² အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:22 Iomraidhean Croise

လံာ်တၢ်ကဲထီၣ်အခီၣ်ထံး 10:4

ဒီးစီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ဝဲအလံၡၤ, ကီၢ်စပၤနံ, ကီးကူပြူး, ဒီးကီးရိဒံးအပှၤဂီၢ်မုၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:18

အဝဲမၤစ့ၢ်ကီးလီၢ်ပစိာ်ဖးဒိၣ်တဖျၢၣ်န့ၣ်လီၤ. လီၢ်ပစိာ်အံၤဘၣ်တၢ်မၤအီၤလၢကဆီမဲဒီးတၢ်ပီၤအီၤလၢထူစီန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:21

ကယဲၢ်စီၤၡလိၤမိၤအလီခီအီတၢ်တဖၣ်န့ၣ်ဘၣ်တၢ်ပိာ်အီၤလၢထူ, ဒီးကယဲၢ်တၢ်ပီးတၢ်လီတဖၣ်လၢအအိၣ်ဝဲလၢလဘၤနိၣ်အပှၢ်လၢ်ကျါ အဒၢးဖးဒိၣ်အပူၤန့ၣ်မ့ၢ်ထူစီခဲလၢာ်န့ၣ်လီၤ. စ့တဘၣ်တၢ်သူအီၤနီတစဲးမ့ၢ်လၢ, စီၤၡလိၤမိၤအမုၢ်နံၤန့ၣ်, စ့တဘၣ်တၢ်ပာ်လုၢ်ပာ်ပှ့ၤအီၤဘၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:48

စီၤပၤယဟိၡၤဖးအိၣ်ဒီးအကဘီတဖၣ်လၢအလဲၤတၢ်လၢပီၣ်လဲၣ်ပူၤ လၢကလဲၤတၢ်ဆူကီၢ်အိဖ့ၢ်လၢတၢ်မၤန့ၢ်ထူအဂီၢ်န့ၣ်လီၤ. ဘၣ်ဆၣ်အဝဲသ့ၣ်ဟးဂီၤကွံာ်ဝဲဖဲဝ့ၢ်ဧးစယိၣ်က့ဘ့ၢ်ဒီးတလဲၤ တၢ်နီတစုလၢၤဘၣ်.

လံာ်စီၤပၤအခီၣ်ထံးတဘ့ၣ် 22:49

အန့ၣ်ဒီးကီၢ်အံၣ်စရ့လးအစီၤပၤစီၤအဃၤစယၤအဲၣ်ဒိးပျဲလီၤ အပှၤတဖၣ်လၢကလဲၤဃုာ်တၢ်ဒီးစီၤယဟိၡၤဖးအပှၤတဖၣ်, ဘၣ်ဆၣ်ဒီးစီၤယဟိၡၤဖးတတူၢ်လိာ်ဘၣ်တၢ်သးအိၣ်န့ၣ်ဘၣ်လီၤ.

လံာ်စီၤပၤအခီၣ်ထံးတဘ့ၣ် 9:26

စီၤၡလိၤမိၤဘှီထီၣ်စ့ၢ်ကီးကဘီတကရူၢ်ဖဲဝ့ၢ်ဧ့းစယိၣ်က့ ဘ့ၢ်လၢအအိၣ်ဘူးဒီးအ့လိးလၢအအိၣ်ဖဲပီၣ်လဲၣ်က့ၣ်ကျီၤအကၣ် ဘၣ်အနံၤ, လၢကီၢ်အဒိၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:21

အဝဲအိၣ်ဒီးတၢ်မၤကူၣ်မၤကၤအကဘီတဖုလၢအလဲၤဆူဝ့ၢ်တၢ်ၡံၣ် ဒီးကဘီဖိတဖၣ်မ့ၢ်စီၤပၤဃံရၣ်အပှၤတဖၣ်န့ၣ်လီၤ. သၢနံၣ်တဘျီန့ၣ်, ကဘီတဖၣ်အံၤဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတၤသွီၣ်တဖၣ်န့ၣ်လီၤ.

လံာ်စီၤယိၤဘး 39:13

ထိၣ်ကီၤလၤအူးတပျုာ်အဒံးဆ့တဖၣ်ချ့ထဲလဲၣ်, ဘၣ်ဆၣ်ထိၣ်ကီၤလၤအူးယူၤဝဲဒ်ထိၣ်လဲးဝါတသ့ဘၣ်.

စံးထီၣ်ပတြၢၤ 48:7

ဒ်တၢ်ၡံၣ်အကဘီတဖၣ်လၢအဘၣ်တၢ်မၤဟးဂီၤ ကွံာ်အီၤလၢကလံၤလၢမုၢ်ထီၣ်အသိးန့ၣ်လီၤ.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

လံာ်ယၡါယၤ 2:16

အဝဲကမၤလီၤဘျၢကွံာ်ကဘီလၢအဒိၣ်ကတၢၢ်ဒီးအဃံလၤ ကတၢၢ်တဖၣ်ဒၣ်လဲာ်န့ၣ်လီၤ.

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယၡါယၤ 23:10

သုဝဲပှၤကီၢ်စပၤနံဖိသ့ၣ်ဧၢ, လဲၤဒီးထူစံာ်ထူပှဲၤတက့ၢ်. ပှၤလၢကဒီဒၣ်အိၣ်ပှိၤသုတအိၣ်လၢၤနီတဂၤဘၣ်.

လံာ်ယၡါယၤ 23:6

ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤဂီၢ်မုၢ်လၢကီၢ်ဖံၤနံက့ၤအပူၤသ့ၣ်ဧၢ, ကျဲးစၢးထွးထီၣ်ဃ့ၢ်ဆူကီၢ်စပၤနံတက့ၢ်.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယဃ့းစက့လး 27:12

နမၤပနံၣ်တၢ်ကၤအတၢ်မၤဒီး ကီၢ်စပၤနံဒီးနဟံးန့ၢ်စ့, ထး, ထးဝါဒီးပှာ်သူဒ်တၢ်အပှ့ၤအသိး လၢနတၢ်ဖိတၢ်လံၤအါအါ ကလဲာ်အဂီၢ်န့ၣ်လီၤ.

လံာ်ယဃ့းစက့လး 27:15

ပှၤဂီၢ်မုၢ်လၢ ကီၢ်ဒံဒၣ်မၤတၢ်ပနံၣ်တၢ်ကၤဒီးနၤ, ပှၤဂီၢ်မုၢ်လၢ ပီၣ်လဲၣ်နံၤထံကီၢ်အါဘ့ၣ် ဟ့ၣ်လီၤနၤကဆီမဲဒီးသ့ၣ်သီလမူာ်လၢ ကလဲလိာ်ဝဲဒီး နတၢ်ဖိတၢ်လံၤတဖၣ်အဂီၢ်န့ၣ်လီၤ.

လံာ်ဧၤမိၣ် 3:15

ယကမၤဟးဂီၤကွံာ်တၢ်ဂိၢ်ကတီၢ်အဟံၣ်တဖၣ် ဒီးတၢ်ကိၢ်ကတီၢ်အဟံၣ်တဖၣ်လီၤ. ဟံၣ်တဖၣ်လၢအဘၣ်တၢ်ကယၢကယဲအီၤလၢကဆီမဲ ကလီၤပှီၢ်ကွံာ်ဝဲဒၣ်ဆူတၢ်ဟးဂူာ်ဟးဂီၤအပူၤ, ဒီးကယဲၢ်ဟံၣ်ဖးဒိၣ် ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.