လံာ်စီၤပၤအခီၣ်ထံးတဘ့ၣ် 10:21 - Sgaw Karen Common Bible

²¹ ကယဲၢ်စီၤၡလိၤမိၤအလီခီအီတၢ်တဖၣ်န့ၣ်ဘၣ်တၢ်ပိာ်အီၤလၢထူ, ဒီးကယဲၢ်တၢ်ပီးတၢ်လီတဖၣ်လၢအအိၣ်ဝဲလၢလဘၤနိၣ်အပှၢ်လၢ်ကျါ အဒၢးဖးဒိၣ်အပူၤန့ၣ်မ့ၢ်ထူစီခဲလၢာ်န့ၣ်လီၤ. စ့တဘၣ်တၢ်သူအီၤနီတစဲးမ့ၢ်လၢ, စီၤၡလိၤမိၤအမုၢ်နံၤန့ၣ်, စ့တဘၣ်တၢ်ပာ်လုၢ်ပာ်ပှ့ၤအီၤဘၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:21 Iomraidhean Croise

လံာ်စီၤပၤအခီၣ်ထံးတဘ့ၣ် 10:17

အဝဲမၤစ့ၢ်ကီးကတီၤလၢအဆံးတစဲးအဘ့ၣ်သၢကယၤ, ကျးဘၢဝဲတဘ့ၣ်ဘၣ်တဘ့ၣ်ဒီးထူလီၤတယၢၢ်ၡက့လးသၢကယၤန့ၣ်လီၤ. ကယဲၢ်ကတီၤတဖၣ်အံၤအဝဲပာ်ဝဲလၢလဘၤနိၣ်အပှၢ်လၢ်ကျါအဒၢးဖး ဒိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:20

တၢ်သန့ၤလီၤအလီၢ်လၢလီၢ်ပစိာ်အချၢမ့ၢ်ဂီၤဖံးဖါတဒုအခိၣ် အက့ၢ်အဂီၤ, ဒီးလၢတၢ်ပာ်ထီၣ်စုတီၤအလီၢ်ခံခါအကပၤန့ၣ်, တကပၤစုာ်စုာ်အိၣ်ဒီးခ့ယုၢ်တဒုစုာ်စုာ်အက့ၢ်အဂီၤန့ၣ်လီၤ. လီၢ်ပစိာ်ဒ်သိးအံၤ, တအိၣ်ထီၣ်တ့ၢ်ဘၣ်လၢဘီမုၢ်အဂၤနီတဘ့ၣ်အပူၤဘၣ်.

လံာ်စီၤပၤအခီၣ်ထံးတဘ့ၣ် 10:22

အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:2

နီလၢအအိၣ်လၢလဘၤနိၣ်အပှၢ်လၢ်ကျါအံၤ, အထီအိၣ်ဝဲ အပျၢ်တကယၤ, အဒီၣ်ဃီၤအိၣ်ဝဲအပျၢ်ယဲၢ်ဆံ, ဒီးအကစီၤထီၣ်အိၣ်ဝဲအပျၢ်သၢဆံန့ၣ်လီၤ. နီအံၤအိၣ်ဒီးအထူၣ်, သ့ၣ်ဆှိအ့ရ့းတဖၣ်လၢအရဲၣ်လီၤအသးသၢ ဂ့ၢ်ဒီးတဂ့ၢ်န့ၣ်အိၣ်ဝဲတဆံယဲၢ်ထူၣ်လီၤ. လၢထူၣ်တဖၣ်အဖီခိၣ်န့ၣ်တၢ်ပာ်ထီၣ်ကျိၤတဖၣ်လၢသ့ၣ်ဆှိအ့ရ့းန့ၣ်လီၤ.

လံာ်နီၢ်အ့ၤစတၢ် 1:7

တၢ်အီတဖၣ်ဘၣ်တၢ်ဟ့ၣ်အီအီၤလၢလီ ခီထူလီၤဆီလိာ်အသးတဖၣ်အပူၤ, ဒီးစီၤပၤဟ့ၣ်အီအစပံးထံလၢ တၢ်သူၣ်အိၣ်သးအိၣ်အပူၤန့ၣ်လီၤ.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

လံာ်စကၤရယၤ 9:3

ဝ့ၢ်ထါယၢၣ်ဘှီထီၣ်တိာ်တဖၣ်လၢအဂီၢ်ဒၣ်ဝဲဒီးပာ်ပူၣ်ထီၣ်စ့ဒီး ထူအါမးတလီၤဆီဘၣ်ဒီးတၢ်ကမူၣ်ကဖ့ဘၣ်လီၤ.

လံာ်သိၣ်လီၤသီလီၤတၢ် 17:17

စီၤပၤန့ၣ်တဘၣ်အိၣ်ဒီးအမါတဖၣ်အါဂၤဘၣ်, မ့ၢ်လၢတၢ်အံၤကဒုးဃၣ်ကွံာ်အီၤလၢယွၤအအိၣ်ဒီးအဝဲတဘၣ်မၤ ထူးထီၣ်တီၤထီၣ်အသးလၢစ့ဒီးထူန့ၣ်ဘၣ်.