လံာ်စီၤပၤအခီၣ်ထံးတဘ့ၣ် 10:20 - Sgaw Karen Common Bible

²⁰ တၢ်သန့ၤလီၤအလီၢ်လၢလီၢ်ပစိာ်အချၢမ့ၢ်ဂီၤဖံးဖါတဒုအခိၣ် အက့ၢ်အဂီၤ, ဒီးလၢတၢ်ပာ်ထီၣ်စုတီၤအလီၢ်ခံခါအကပၤန့ၣ်, တကပၤစုာ်စုာ်အိၣ်ဒီးခ့ယုၢ်တဒုစုာ်စုာ်အက့ၢ်အဂီၤန့ၣ်လီၤ. လီၢ်ပစိာ်ဒ်သိးအံၤ, တအိၣ်ထီၣ်တ့ၢ်ဘၣ်လၢဘီမုၢ်အဂၤနီတဘ့ၣ်အပူၤဘၣ်.

လံာ်စီၤပၤအခီၣ်ထံးတဘ့ၣ် 10:20 Iomraidhean Croise

လံာ်တၢ်ကဲထီၣ်အခီၣ်ထံး 49:9

စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

လံာ်စီၤပၤအခီၣ်ထံးတဘ့ၣ် 10:19

လီၢ်ပစိာ်န့ၣ်အိၣ်ဒီးအဃီဃုသွါလၢခ့ယုၢ်အဂီၤအိၣ်ဝဲလၢဃီ သွါတသွါစုာ်စုာ်အကပၤခံခီယၢ်ဘး, ဒီးခ့ယုၢ်အိၣ်ဝဲတဆံခံဒုန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:21

ကယဲၢ်စီၤၡလိၤမိၤအလီခီအီတၢ်တဖၣ်န့ၣ်ဘၣ်တၢ်ပိာ်အီၤလၢထူ, ဒီးကယဲၢ်တၢ်ပီးတၢ်လီတဖၣ်လၢအအိၣ်ဝဲလၢလဘၤနိၣ်အပှၢ်လၢ်ကျါ အဒၢးဖးဒိၣ်အပူၤန့ၣ်မ့ၢ်ထူစီခဲလၢာ်န့ၣ်လီၤ. စ့တဘၣ်တၢ်သူအီၤနီတစဲးမ့ၢ်လၢ, စီၤၡလိၤမိၤအမုၢ်နံၤန့ၣ်, စ့တဘၣ်တၢ်ပာ်လုၢ်ပာ်ပှ့ၤအီၤဘၣ်အဃိန့ၣ်လီၤ.

လံာ်တၢ်ဂံၢ် 23:24

ကီၢ်အံၣ်စရ့လးအပှၤကလုာ်အံၤလီၤဂာ်ဒ်ခ့ယုၢ်လၢအဂံၢ်ဆူၣ်ဘါ ဆူၣ်တဒုအသိးန့ၣ်လီၤ. တချုးလၢအအ့ၣ်ဖှီတၢ်ဒီးအီၣ်ကွံာ်တၢ်ဒံးဘၣ်, တချုးအအီဘၣ်တၢ်တဖၣ်လၢအမၤသံဝဲအသွံၣ်ဘၣ်န့ၣ်, တအိၣ်ဘှံးဝဲဘၣ်.”

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

လံာ်လီၣ်ဖျါ 5:5

တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”