လံာ်စီၤပၤအခီၣ်ထံးတဘ့ၣ် 10:18 - Sgaw Karen Common Bible

¹⁸ အဝဲမၤစ့ၢ်ကီးလီၢ်ပစိာ်ဖးဒိၣ်တဖျၢၣ်န့ၣ်လီၤ. လီၢ်ပစိာ်အံၤဘၣ်တၢ်မၤအီၤလၢကဆီမဲဒီးတၢ်ပီၤအီၤလၢထူစီန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:18 Iomraidhean Croise

လံာ်စီၤပၤအခီၣ်ထံးတဘ့ၣ် 10:19

လီၢ်ပစိာ်န့ၣ်အိၣ်ဒီးအဃီဃုသွါလၢခ့ယုၢ်အဂီၤအိၣ်ဝဲလၢဃီ သွါတသွါစုာ်စုာ်အကပၤခံခီယၢ်ဘး, ဒီးခ့ယုၢ်အိၣ်ဝဲတဆံခံဒုန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:22

အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:39

ကယဲၢ်တၢ်အဂုၤအဂၤတမံၤလၢ်လၢ်လၢစီၤပၤအၤဃာ်မၤတ့ၢ်ဝဲ, ဃုာ်ဒီးတၢ်ကွဲးနီၣ်ဘၣ်ထွဲဒီးအဝဲအနီလၢအဘၣ်တၢ်ကယၢကယဲ အီၤလၢကဆီမဲဒီးကယဲၢ်ဝ့ၢ်တဖၣ်လၢအဝဲသူၣ်ထီၣ်တ့ၢ်ဝဲ အဂ့ၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤ ပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

စံးထီၣ်ပတြၢၤ 122:5

အဂ့ၢ်ဒ်အံၤ, တၢ်စံၣ်ညီၣ်အလီၢ်ပစိာ်တဖၣ်, စီၤဒၤဝံးအဟံၣ်အလီၢ်ပစိာ်တဖၣ်န့ၣ် အိၣ်ဝဲဖဲန့ၣ်လီၤ.

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

စံးထီၣ်ပတြၢၤ 45:8

နကူနသိးတဖၣ်နၢမူဝဲဒီးမူရၣ်, အကၠီၣ်ဒီးကဒါနါန့ၣ်လီၤ. သီတူၢ်တနၢ်တဖၣ်မၤသးခုနၤလၢ နီကဆီမဲအပူၤန့ၣ်လီၤ.

လံာ်ယဃ့းစက့လး 27:6

အဝဲသ့ၣ်ဟံးန့ၢ် ကီၢ်ဘၤၡၣ်အသ့ထိးအီၣ်တဖၣ်လၢကမၤ နီၣ်ဝၢ်တဖၣ်အဂီၢ်လီၤ. အဝဲသ့ၣ်မၤနကဘီအဒါလၢကီး ကူပြူးအသ့ၣ်ဆှိတအၤၡူၢ်ဒီး ကယၢကယဲအီၤဒီးကဆီမဲန့ၣ်လီၤ.

လံာ်ဧၤမိၣ် 6:4

ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

လံာ်လီၣ်ဖျါ 18:12

ထဲပှၤတဂၤဧိၤဒၣ်လဲာ်တပှ့ၤအဝဲသ့ၣ်အထူ, အစ့, လၢၢ်လုၢ်ဒိၣ်ပှ့ၤဒိၣ်တဖၣ်, ဒီးတၢ်မျၢ်ပလဲတဖၣ်, တၢ်ကံးယာ်အလွဲၢ်ဝါ, တၢ်ကံးယာ်အလွဲၢ်လုးတကုာ်, သတိၢ်, ဒီးတၢ်ကံးယာ်အလွဲၢ်ဂီၤ, သ့ၣ်လၢအကၤကိးကလုာ်ဒဲး ဒီးကယဲၢ်မ့ၢ်တၢ်ဖိတၢ်လံၤတမံၤလၢ်လၢ်လၢအဘၣ်တၢ်ဘှီ အီၤလၢကဆီမဲ, ဒီးလၢသ့ၣ်လုၢ်ဒိၣ်ပှ့ၤဒိၣ်, လၢတိၢ်ဘီ, ထး, ဒီးလၢၢ်ဝါ

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.