လံာ်စီၤပၤအခီၣ်ထံးတဘ့ၣ် 10:17 - Sgaw Karen Common Bible

¹⁷ အဝဲမၤစ့ၢ်ကီးကတီၤလၢအဆံးတစဲးအဘ့ၣ်သၢကယၤ, ကျးဘၢဝဲတဘ့ၣ်ဘၣ်တဘ့ၣ်ဒီးထူလီၤတယၢၢ်ၡက့လးသၢကယၤန့ၣ်လီၤ. ကယဲၢ်ကတီၤတဖၣ်အံၤအဝဲပာ်ဝဲလၢလဘၤနိၣ်အပှၢ်လၢ်ကျါအဒၢးဖး ဒိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:17 Iomraidhean Croise

လံာ်စီၤပၤအခီၣ်ထံးတဘ့ၣ် 14:26

အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ မိၤမၤတ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:2

နီလၢအအိၣ်လၢလဘၤနိၣ်အပှၢ်လၢ်ကျါအံၤ, အထီအိၣ်ဝဲ အပျၢ်တကယၤ, အဒီၣ်ဃီၤအိၣ်ဝဲအပျၢ်ယဲၢ်ဆံ, ဒီးအကစီၤထီၣ်အိၣ်ဝဲအပျၢ်သၢဆံန့ၣ်လီၤ. နီအံၤအိၣ်ဒီးအထူၣ်, သ့ၣ်ဆှိအ့ရ့းတဖၣ်လၢအရဲၣ်လီၤအသးသၢ ဂ့ၢ်ဒီးတဂ့ၢ်န့ၣ်အိၣ်ဝဲတဆံယဲၢ်ထူၣ်လီၤ. လၢထူၣ်တဖၣ်အဖီခိၣ်န့ၣ်တၢ်ပာ်ထီၣ်ကျိၤတဖၣ်လၢသ့ၣ်ဆှိအ့ရ့းန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:9

စီၤပၤၡံၡးဟဲဃီၤဆူဝ့ၢ်ယရူၤရှလ့ၣ်ဒီးဟံးန့ၢ်ကွံာ်တၢ်ပာ် ဖှိၣ်လုၢ်ဒိၣ်ပှ့ၤဒိၣ်တဖၣ်လၢယွၤအတၢ်လုၢ်ဟံၣ်ဒီးလၢစီၤပၤ အနီပူၤန့ၣ်လီၤ. အဝဲဟံးန့ၢ်ကွံာ်တၢ်ခဲလၢာ်ပၣ်ဃုာ်ဒီးကတီၤထူတဖၣ်လၢစီၤပၤ ၡလိၤမိၤမၤတ့ၢ်ဝဲန့ၣ်လီၤ.

လံာ်ယၡါယၤ 22:8

ကီၢ်ယူဒၤအတိာ်ဧိၤတာ်ဧိၤခဲလၢာ်လီၤပှီၢ်ကွံာ်ဝဲလီၤ. ဖဲတၢ်န့ၣ်မၤအသးဒီး, သုဟဲထုးထီၣ်တၢ်စုကဝဲၤတဖၣ်လၢ တၢ်ပာ်စုကဝဲၤအလီၢ်န့ၣ်လီၤ.