လံာ်စီၤပၤအခီၣ်ထံးတဘ့ၣ် 10:12 - Sgaw Karen Common Bible

¹² စီၤၡလိၤမိၤသူဝဲသ့ၣ်န့ၣ်လၢကဘှီစုဖီၣ်ကျိၤတဖၣ်လၢယွၤ အတၢ်လုၢ်ဟံၣ်ပူၤဒီးလၢနီပူၤ, ဒီးမၤန့ၢ်စ့ၢ်ကီးတနၢ်တဖၣ်ဒီးသီတူၢ်တဖၣ်လၢပှၤဒ့တၢ်အူတၢ် ဖိတဖၣ်အဂီၢ်န့ၣ်လီၤ. တၢ်တဖၣ်န့ၣ်မ့ၢ်သ့ၣ်အလၤမူးအဂ့ၤကတၢၢ်တဖၣ်လီၤ. တၢ်ဂ့ၤဒ်န့ၣ်အသိးလၢညါတၢ်တဟဲစိာ်တ့ၢ်အီၤမ့ၢ်ဂ့ၤလၢခံ တၢ်တဟဲစိာ်နုာ်လၢၤအီၤမ့ၢ်ဂ့ၤဆူကီၢ်အံၣ်စရ့လးအပူၤနီတစု ဘၣ်.

လံာ်စီၤပၤအခီၣ်ထံးတဘ့ၣ် 10:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:11

စီၤဃံရၣ်အကဘီတကရူၢ်လၢအဟဲစိာ်ထူဧိၤလွဲဧိၤလၢကီၢ်အိဖ့ၢ် န့ၣ်ဟဲစိာ်သ့ၣ်အလၤမူးအါအါကလဲာ်ဒီးတၢ်မျၢ်တဖၣ်လၢန့ၣ်စ့ၢ် ကီးလီၤ.

လံာ်စီၤပၤအခီၣ်ထံးတဘ့ၣ် 10:13

လၢကယဲၢ်တၢ်ဟ့ၣ်ကနၢၤညီနုၢ်တဖၣ်လၢအဝဲဟ့ၣ်ကီၢ်ၡဘၤအနီၢ်ပၤ မုၣ်အါအါဂီၢ်ဂီၢ်အမဲာ်ညါန့ၣ်, စီၤပၤၡလိၤမိၤဟ့ၣ်လီၤစ့ၢ်ကီးအီၤလၢကယဲၢ်တၢ်ကိးမံၤဒဲး လၢအဝဲဃ့ဝဲန့ၣ်လီၤ. အန့ၣ်ဝံၤဒီးအဝဲဒီးအခ့အပှၤတဖၣ်, က့ၤကဒါက့ၤဆူကီၢ်ၡဘၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:11

စီၤၡလိၤမိၤသူတ့ၢ်သ့ၣ်န့ၣ်လၢကမၤဃီသွါတဖၣ်လၢယွၤအတၢ်လုၢ် ဟံၣ်အဂီၢ်ဒီးလၢအနီအဂီၢ်, ဒီးလၢကမၤသီတူၢ်တဖၣ်ဒီးတနၢ်တဖၣ်လၢပှၤသးဝံၣ်တၢ်ဖိအဂီၢ် န့ၣ်လီၤ. လၢကီၢ်ယူဒၤအပူၤန့ၣ်, တၢ်ဒ်န့ၣ်အသိးတဘၣ်တၢ်ထံၣ်ဘၣ်အီၤလၢညါ, နီတစုဘၣ်.)