လံာ်စီၤပၤအခီၣ်ထံးတဘ့ၣ် 10:1 - Sgaw Karen Common Bible

¹ ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:1 Iomraidhean Croise

လံာ်တၢ်ကဲထီၣ်အခီၣ်ထံး 10:28

ဧူးဘလး, အဘံမအ့လး, ၡဘၤ, အိဖ့ၢ်, ဃဝံၤလၤ, ဒီးယိဘာ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤလီၤစၢၤလီၤသွဲၣ်လၢစီၤယးကတၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 10:7

ဒီးစီၤကူၤၡးအစၢၤအသွဲၣ်တဖၣ်န့ၣ်မ့ၢ်ဝဲ, စီၤစဘၤ, စီၤဃဝံၤလၤ, စီၤစၤဘတၤ, စီၤရၤဧၤမၤဒီးစီၤစၤဘတံကၤတဖၣ် လီၤ. ဒီးစီၤရၤဧၤမၤအစၢၤအသွဲၣ်တဖၣ်န့ၣ်မ့ၢ်ဝဲၡဘၤဒီးဒဒၣ်အပှၤ ဂီၢ်မုၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 25:3

ဒီးစီၤယးကၡၣ်မ့ၢ်စီၤၡဘၤဒီးစီၤဒဒၣ်အပၢ်လီၤ. ဒီးစီၤဒဒၣ်အစၢၤအသွဲၣ်တဖၣ်မ့ၢ်ဝဲပှၤအၤၡူရးဖိ, ပှၤလတူၡးဖိဒီးပှၤလူမးဖိလီၤ.

လံာ်စီၤပၤအခီၣ်ထံးတဘ့ၣ် 10:24

ဒီးပှၤအိၣ်လၢဟီၣ်ခိၣ်ဒီဘ့ၣ်ညါသးအိၣ်ဟဲဒီးဒိကနၣ်အဝဲ အတၢ်ကူၣ်သ့လၢကစၢ်ယွၤဟ့ၣ်လီၤတ့ၢ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:31

အဝဲမ့ၢ်ပှၤကူၣ်ဘၣ်ကူၣ်သ့အဒိၣ်ကတၢၢ်လၢပှၤခဲလၢာ်အကျါ, ကူၣ်သ့ဒိၣ်န့ၢ်ဒံးပှၤအ့စရၤဃးဖိစီၤအ့သၣ်, ဒီးစီၤမၤဃိလးအဖိခွါတဖၣ်လၢအမ့ၢ်ဝဲစီၤဟ့မၣ်, စီၤကးလကိးလး, စီၤဒၢ်ဒၤန့ၣ်လီၤ. ဒီးအဝဲအတၢ်မံၤဟူသၣ်ဖျါရၤလီၤအသး သကုၤကယဲၢ်ထံကီၢ်အိၣ်ဘူးအိၣ်တံၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:34

စီၤပၤတဖၣ်လၢဟီၣ်ခိၣ်ဒီဘ့ၣ်ညါနၢ်ဟူတ့ၢ်အဝဲအတၢ်ကူၣ်သ့ အဂ့ၢ်ဒီးဆှၢလီၤပှၤဂီၢ်မုၢ်လၢကလဲၤဒိကနၣ်အီၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:14

ဒီးပာ်လီၤစီၤအဒိနံရၣ်ဒ်ပှၤအခိၣ်လၢကပၢဆှၢအဝဲသ့ၣ်န့ၣ်လီၤ. စီၤၡလိၤမိၤနီၤဖးလီၤအဝဲသ့ၣ်ဆူပှၤတကလးစုာ်စုာ်, သၢကရူၢ်ဒီးပှၤတကရူၢ်ဘၣ်တကရူၢ်စုာ်စုာ်မၤတၢ်လၢကီၢ်လဘၤနိၣ်တလါ, ဒီးလၢအထံအကီၢ်အပူၤခံလါန့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

လံာ်စီၤယိၤဘး 6:19

တ့မၤဒီးၡဘၤအပှၤလဲၤတၢ်ဖိသ့ၣ်တဖၣ်ဃုဝဲလၢတၢ်မုၢ်လၢ်အ ပူၤ,

စံးထီၣ်ပတြၢၤ 49:4

ယကဒိးယနၢ်ဆူတၢ်ကတိၤဒိ, ဒီးယကပာ်ဖျါထီၣ် အခီပညီဖဲယဒ့တနၢ်အဖၢမုၢ်န့ၣ်လီၤ.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 72:15

မ်စီၤပၤကအိၣ်ကၢအိၣ်ခိးဝဲ, မ်တၢ်ကဟ့ၣ်အီၤလၢၡဘၤအထူ, မ်ပှၤဂီၢ်မုၢ်ကဘါထုကဖၣ်န့ၢ်တၢ်လၢအဂီၢ်တထံၣ်ဃီ ဒီးကဘၣ်တၢ်စံးထီၣ်ပတြၢၤအီၤ ကိးမုၢ်နံၤန့ၣ်တက့ၢ်.

လံာ်ယၡါယၤ 60:6

ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်ယဃ့းစက့လး 16:14

နကဲထီၣ်ပှၤလၢအမံၤဟူသၣ်ဖျါလၢပှၤကိးကလုာ်ဒဲး အကျါလၢနတၢ်ဃံတၢ်လၤအလၢအပှဲၤအဃိန့ၣ်လီၤ. အဂ့ၢ်ဒ်အံၤ, ယမ့ၢ်တ့ၢ်ပှၤတဂၤလၢအဒုးဃံဒုးလၤနၤထဲထဲအံၤညါန့ၣ်လီၤ. တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 38:13

ပှၤဂီၢ်မုၢ်လၢကီၢ်ၡဘၤဒီးကီၢ်ဒံဒၣ်, ဒီးပှၤကူၣ်တၢ်ကၤတၢ်တ ဖၣ်လၢကီၢ်စပၤနံအဝ့ၢ်တဖၣ်ကသံကွၢ်နၤ, မ့ၢ်နကရၢကရိထီၣ်နသုး မုၢ်ဒီးဒုးလံတၢ်လၢနကဂုာ်ဆူၣ်ပျိဆူၣ်ဒီးဂုာ်န့ၢ်တၢ်အဂီၢ်လံဧါ. မ့ၢ်နတိာ်ပာ်လၢနကမၤန့ၢ်စ့ဒီးထူ, ဆၣ်ဖိကီၢ်ဖိအဒၢဒီးတၢ် စုလီၢ်ခီၣ်ခိၣ်, ဒီးဟးထီၣ်ကွံာ်ဃုာ်ဒီးတၢ်လၢအဘၣ် တၢ်ဂုာ်ဆူၣ်ပျိဆူၣ်န့ၢ်အီၤတဖၣ်လံန့ၣ်ဧါ.”

လံာ်မးသဲ 12:42

လၢမုၢ်စံၣ်ညီၣ်အနံၤန့ၣ်ၡဘၤ အနီၢ်ပၤမုၣ်ကဂဲၤဆၢထၢၣ်ဒီး ပှၤတစိၤအံၤဒီးကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤအဝဲဟဲဝဲလၢတၢ်ဒ့ၣ်စၢၤဖးယံၤ, ဒ်သိးအကဒိကနၣ်စီၤၡလိၤမိၤအတၢ်ကူၣ်ဘၣ်ကူၣ်သ့အတၢ်သိၣ်လီၤသီ လီၤတဖၣ်လီၤ. ယစံးဘၣ်တဲဘၣ်သု, တၢ်တမံၤလၢအဒိၣ်န့ၢ်ဒံးစီၤၡလိၤမိၤအိၣ်ဖဲအံၤလီၤ.”

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 13:35

အဝဲမၤတၢ်အံၤမ့ၢ်ဒ်သိးဒီး တၢ်လၢဝံတဂၤစံးတ့ၢ်ဝဲ ကလၢထီၣ်ပှဲၤထီၣ်အဂီၢ်လီၤ. “ယကကတိၤတၢ်လၢတၢ်ကတိၤဒိ, တၢ်လၢအအိၣ်လီၤဘၢလၢဟီၣ်ခိၣ် အိၣ်ထီၣ်လံၤလံၤတဖၣ်န့ၣ်, ယကတဲဖျါထီၣ်န့ၢ်အဝဲသ့ၣ်လီၤ” (စံး. ၇၈:၂).

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်လူၤကၣ် 11:31

လၢမုၢ်စံၣ်ညီၣ်အနံၤန့ၣ်, ၡဘၤအနီၢ်ပၤမုၣ်ကဂဲၤဆၢထၢၣ်ဒီး ပာ်တၢ်ကမၣ်ထီဒါပှၤတစိၤအံၤ, အဂ့ၢ်မ့ၢ်လၢအဝဲဒၣ်ဟဲလၢတၢ်လီၢ်ဖးယံၤဖးစၢၢ်ဒ်သိး အကနၢ်ဟူဘၣ်စီၤၡလိၤမိၤအတၢ်သိၣ်လိလၢ အလၢပှဲၤဒီးတၢ်ကူၣ်ဘၣ်ကူၣ်သ့အဃိလီၤ. မ့မ့ၢ်, ယစံးဘၣ်သု, ပှၤလၢအဒိၣ်န့ၢ်ဒံးစီၤၡလိၤမိၤအိၣ်မးဝဲဖဲအံၤတဂၤလီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.