လံာ်စီၤပၤအခီၣ်ထံးတဘ့ၣ် 1:7 - Sgaw Karen Common Bible

⁷ အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:35

ပှၤလုၢ်တၢ်အခိၣ်စီၤစၤဒိးဒီးစီၤအ့ဘယၤသၢ်ကအိၣ်ဖဲန့ၣ်လီၤ. တဲဘၣ်အဝဲသ့ၣ်ကယဲၢ်တၢ်ကိးမံၤဒဲးလၢနနၢ်ဟူလၢစီၤပၤအနူၢ်ပူၤစီၤပၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:25

စီၤၡဝၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်, စီၤစၤဒိးဒီးစီၤအ့ဘယၤသၢ် မ့ၢ်ပှၤလုၢ်တၢ်အခိၣ်တဖၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:16

စီၤယိၤအာ်, လၢအမိၢ်အမံၤမ့ၢ်နီၢ်စရူယၤ, မ့ၢ်သုးမုၢ်အသုး ခိၣ်ကျၢၢ်န့ၣ်လီၤ. စီၤအဃံလူးအဖိခွါစီၤယဟိၡၤဖးမ့ၢ်ပှၤကွၢ်ထွဲတၢ်ကွဲးနီၣ် ကွဲးဃါတဖၣ်အခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:22

စီၤပၤစံးဘၣ်အီၤ, “ဘၣ်မနုၤနဃ့ယၤလၢယကဟ့ၣ်နီၢ်အဘံၡးဆူ အီၤန့ၣ်လဲၣ်. နဂ့ၤဃ့ဃုာ်စ့ၢ်ကီးလၢယကဟ့ၣ်အီၤစီၤပၤအလီၢ်ပစိာ်န့ၣ်လီၤ. အဂ့ၢ်ဒ်အံၤအဝဲမ့ၢ်ယဝဲၢ်, ဒီးပှၤလုၢ်တၢ်အခိၣ်စီၤအ့ဘယၤသၢ် ဒီးစီၤယိၤအာ်အိၣ်လၢအအိၣ်တကပၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 11:6

စီၤဒၤဝံးစံးဝဲ, “ပှၤအဆိကတၢၢ်တဂၤလၢအမၤသံဘၣ်ပှၤယဘူၣ် ဖိအဆိကတၢၢ်တဂၤန့ၣ်ကကဲထီၣ်သုးမုၢ်အခိၣ်ဖးဒိၣ်န့ၣ်လီၤ.” နီၢ်စရူၤယၤအဖိခွါစီၤယိၤအာ်မ့ၢ်ပှၤအဆိ ကတၢၢ်တဂၤလၢအတီခိၣ်ရိၣ်မဲလၢတၢ်ဒုးအပူၤ, ဒီးအဝဲကဲထီၣ်သုးခိၣ်ဖးဒိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:34

ဖဲစီၤအဃံသဖ့ၤလးသံဝံၤအလီၢ်ခံန့ၣ်စီၤအ့ဘယၤသၢ်ဒီးစီၤ ဘနါယၤအဖိခွါစီၤယဟိယဒါကဲထီၣ်ပှၤဟ့ၣ်ကူၣ်ဟ့ၣ်ဖးတၢ်တဖၣ် န့ၣ်လီၤ. စီၤယိၤအာ်မ့ၢ်စီၤပၤအပှၤသုးမုၢ်, သုးခိၣ်ကျၢၢ်န့ၣ်လီၤ.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.