လံာ်စီၤပၤအခီၣ်ထံးတဘ့ၣ် 1:6 - Sgaw Karen Common Bible

⁶ စီၤဒၤဝံးတသိၣ်က့ၤသီက့ၤဘၣ်အီၤဆါဆါကလဲာ်လၢကယဲၢ်တၢ်ဂ့ၢ် တမံၤလၢ်လၢ်အဃိနီတစုဘၣ်. အဝဲမ့ၢ်ပှၤတဂၤလၢအက့ၢ်ဂီၤဂ့ၤဘၣ်ဒိၣ်မး, ဒီးအိၣ်ဖျဲၣ်ဝဲလၢစီၤအးဘၡါလိၣ်အလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:25

လၢကီၢ်အံၣ်စရ့လးအပူၤန့ၣ် ပှၤတအိၣ်ဝဲနီတဂၤလၢအမံၤကဟူသၣ်ကဖျါဝဲလၢအဒိၣ်တၢ်ဂ့ၤအဃိဒ်သိးစီၤအးဘၡါလိၣ်န့ၣ်ဘၣ်. စးထီၣ်လၢအခိၣ်တုၤလီၤလၢအခီၣ်န့ၣ် နီၢ်ခိအတၢ်လီၤတူာ်လီၤကာ်တအိၣ်နီတမံၤဘၣ်.

လံာ်စီၤပၤအခီၣ်ထံးတဘ့ၣ် 2:22

စီၤပၤစံးဘၣ်အီၤ, “ဘၣ်မနုၤနဃ့ယၤလၢယကဟ့ၣ်နီၢ်အဘံၡးဆူ အီၤန့ၣ်လဲၣ်. နဂ့ၤဃ့ဃုာ်စ့ၢ်ကီးလၢယကဟ့ၣ်အီၤစီၤပၤအလီၢ်ပစိာ်န့ၣ်လီၤ. အဂ့ၢ်ဒ်အံၤအဝဲမ့ၢ်ယဝဲၢ်, ဒီးပှၤလုၢ်တၢ်အခိၣ်စီၤအ့ဘယၤသၢ် ဒီးစီၤယိၤအာ်အိၣ်လၢအအိၣ်တကပၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 3:2

စီၤအးဘၡါလိၣ်လၢအမိၢ်မ့ၢ်ကၡူၢ်အစီၤပၤစီၤတးလမဲ အဖိမုၣ်နီၢ်မၤကၤ, စီၤအဒိနံၤယၤလၢအမိၢ်မ့ၢ်နီၢ်ဃးကံၤ,

တၢ်ကတိၤဒိ. 22:15

ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

တၢ်ကတိၤဒိ. 29:15

တၢ်သိၣ်ဂ့ၤသီဘၣ်အနီၣ်တီၢ်န့ၣ်ဟ့ၣ်လီၤတၢ်ကူၣ်သ့လီၤ. မ့မ့ၢ်, တၢ်ပျဲဖိသၣ်အိၣ်ဒၣ်အတၢ်န့ၣ်ကဒုးမဲာ်ဆှးအမိၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:23

မၤသးဒ်န့ၣ်ဒီး, အဝဲသ့ၣ်လဲၤဃ့ၢ်ဒီးဟဲကိးထီၣ်စီၤစီလူးလၢ ပှၤဂီၢ်မုၢ်အမဲာ်ညါ, ဒီးအဝဲသ့ၣ်ထံၣ်ဘၣ်ဝဲလၢအဝဲဒၣ်အဂီၤထီ န့ၣ်ပှၤအဂၤကိးဂၤဒဲးခိၣ်တဖျၢၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 9:2

အဝဲအိၣ်ဒီးအဖိခွါတဂၤလၢအမံၤမ့ၢ်ဝဲစီၤစီလူး, ပှၤဒိၣ်တၢ်ဂ့ၤဖဲအဒိၣ်တုာ်ခိၣ်ပှဲၤဂ့ၤအကတီၢ်န့ၣ်လီၤ. စီၤစီလူးမ့ၢ်ပှၤအဂီၤထီန့ၣ်ပှၤအဂၤခဲလၢာ်လၢကီၢ်အံၣ်စရ့လးအပူၤ, ခိၣ်တဖျၢၣ်ဒီးဒိၣ်တၢ်ဂ့ၤန့ၣ်ပှၤအဂၤစ့ၢ်ကီးလီၤ.