လံာ်စီၤပၤအခီၣ်ထံးတဘ့ၣ် 1:52 - Sgaw Karen Common Bible

⁵² စီၤၡလိၤမိၤစံးဆၢဝဲ, “အဝဲအသးမ့ၢ်တီန့ၣ်, အခိၣ်သူတဘိလၢအခိၣ်လိၤဒၣ်လဲာ်န့ၣ်တဘၣ်တၢ်ထိးအီၤဘၣ်. ဘၣ်ဆၣ်အသးမ့ၢ်တတီဘၣ်န့ၣ်ဒီးအဝဲကဘၣ်သံဝဲဒၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:52 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:11

ပိာ်မုၣ်န့ၣ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤဘါထုကဖၣ်တၢ်ဆူယွၤ, နကစၢ်ယွၤအအိၣ်ဒ်သိးယဘူးယတံၢ် လၢအအိၣ်မူအိၣ်ဒါလၢတၢ်ဟ့ၣ်ကၣ်က့ၤတၢ်လၢယဖိခွါအတၢ်သံအဃိ န့ၣ်, အသုတမၤတၢ်ကမၣ်လၢအဒိၣ်န့ၢ်ဒံးအလီၢ်တမံၤ, ခီဖျိတၢ်မၤသံကွံာ်ယဖိခွါအဂၤတဂၤအဃိတဂ့ၤ.” စီၤဒၤဝံးစံးဆၢဝဲဒၣ်, “ယအၢၣ်လီၤအီလီၤနၤလၢယွၤလၢအမူဝဲတဂၤအမံၤအပူၤလၢနဖိ ခွါတဘၣ်တၢ်မၤဆါအီၤဆံးကိာ်ဖိဒၣ်လဲာ်ဘၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:51

စီၤပၤၡလိၤမိၤဘၣ်တၢ်တဲဘၣ်အီၤလၢစီၤအဒိနံၤယၤပျံၤအီၤ ဒီးဖီၣ်ဃးဝဲတၢ်လုၢ်လီၢ်အနၢၣ်တဖၣ်ဒီးစံးဝဲ, “အဆိကတၢၢ်န့ၣ်ယအဲၣ်ဒိးလၢစီၤပၤၡလိၤမိၤကဆိၣ်လီၤအသးဒီး ယၤလၢအသုတမၤသံယၤတဂ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:53

အန့ၣ်ဒီး, စီၤပၤၡလိၤမိၤမၢပှၤလဲၤကိးစီၤအဒိနံၤယၤဒီး မၢပှၤဟဲက့ၤစိာ်လီၤက့ၤအီၤလၢတၢ်လုၢ်လီၢ်အဖီခိၣ်န့ၣ်လီၤ. စီၤအဒိနံၤယၤလဲၤဆူစီၤပၤအအိၣ်, သကူးလီၤအသးလၢစီၤပၤ အမဲာ်ညါဒီးစီၤပၤစံးဘၣ်အီၤ, “နက့ၤဆူနဟံၣ်သ့ဝဲလီၤ.”

လံာ်စီၤယိၤဘး 15:22

အဝဲတအိၣ်ဘၣ်ဒီးတၢ်မုၢ်လၢ်နီတမံၤလၢ ကထူၣ်ဖျဲးထီၣ်လၢ တၢ်ခံးတၢ်နၤအပူၤန့ၣ်ဘၣ်. အဂ့ၢ်ဒ်အံၤ, ဒီတဘ့ၣ်ခိးပာ်စၢၤအီၤလၢ ကမၤသံအီၤအဂီၢ်ဖဲတၢ်လီၢ် တတီၤတီၤ,

တၢ်ကတိၤဒိ. 13:6

တၢ်တီတၢ်လိၤကဟုကယာ်ပှၤလၢအတၢ်ကမၣ်တအိၣ်ဘၣ်တဖၣ်လီၤ. တၢ်အၢတၢ်သီမ့ၢ်ပှၤတၢ်ဒဲးဘးဖိတဖၣ်အတၢ်လီၤပှီၢ်န့ၣ်လီၤ.

တၢ်ကတိၤဒိ. 21:12

ကစၢ်ယွၤ, တၢ်တီတၢ်လိၤတဂၤန့ၣ်သ့ၣ်ညါဝဲတၢ်မနုၤမၤအသးလၢပှၤ တတီတလိၤအဟံၣ်တဖၣ်အပူၤလီၤ. ဒီးအဝဲကတ့ၢ်လီၤပှၤတတီတလိၤဆူတၢ်ဟးဂီၤအပူၤလီၤ.

လံာ်မးသဲ 10:30

နခိၣ်သူအဘိဒၣ်လဲာ်ဘၣ်တၢ်ဂံၢ်နီၣ်အီၤလၢယွၤလီၤ.

လံာ်လူၤကၣ် 21:18

ဘၣ်ဆၣ်ဒီးသုခိၣ်သူတဘိဒၣ်လဲာ်တလီၤမၢ်ကွံာ်ဘၣ်ဝဲဘၣ်.

မၤတၢ် 27:34

မ်ဒ်န့ၣ်ဒီး, ယဃ့ကညးသုလၢသုကအီၣ်တၢ်အီၣ်တမံၤမံၤ လီၤ. ဒ်သိးသုကမူအဂီၢ်န့ၣ်, သုလိၣ်ဘၣ်တၢ်အီၣ်လီၤ. သုခိၣ်သူတဘိဒၣ်လဲာ်တလီၤမၢ်ကွံာ်လၢသုခိၣ်လိၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.