လံာ်စီၤပၤအခီၣ်ထံးတဘ့ၣ် 1:47 - Sgaw Karen Common Bible

⁴⁷ လၢတၢ်န့ၣ်အမဲာ်ညါ, ကွီၢ်အပဒိၣ်ပပှၢ်တဖၣ်လဲၤနုာ်ဒ်သိးကဟ့ၣ်ထီၣ် တၢ်ယူးယီၣ်ဆူတၢ်ဒိၣ်ကစၢ်စီၤပၤဒၤဝံးဒီးစံးဝဲ, မ်နကစၢ်ယွၤဒုးမၤမံၤဟူသၣ်ဖျါစီၤၡလိၤမိၤအါန့ၢ်ဒံးနၤ ဒၣ်လဲာ်, တက့ၢ်န့ၣ်လီၤ. အန့ၣ်တစု, စီၤပၤဒၤဝံးသကူးလီၤအသးဒီးဘူၣ် ထီၣ်ဘါထီၣ်တၢ်လၢအလီၢ်မံအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:47 Iomraidhean Croise

လံာ်တၢ်ကဲထီၣ်အခီၣ်ထံး 47:31

စီၤယၤကိာ်စံးဝဲ, “မၤတၢ်ဆိၣ်တမံၤလၢနကမၤအီၤန့ၣ်တ က့ၢ်.” ဒီးစီၤယိၤသးမၤတၢ်ဆိၣ်န့ၣ်, ဒီးစီၤယၤကိာ်စံးဘျုးစံး ဖှိၣ်တၢ်ဖဲန့ၣ်, လၢလီၢ်မံခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:3

လၢတၢ်န့ၣ်အဃိစီၤဒၤဝံးကိးဖှိၣ်ကံးဘိၣ်အပှၤဂီၢ်မုၢ်ဒီး စံးဘၣ်အဝဲသ့ၣ်ဒ်အံၤ, “ယမၤတၢ်လၢသုဂီၢ်သ့မနုၤတမံၤလဲၣ်. ယသးအိၣ်မၤလိၤမၤဘၣ်က့ၤတၢ်ကမူၤကမၣ်လၢတၢ်မၤဘၣ်တ့ၢ်သု, ဒ်သိးသုကဆိၣ်ဂ့ၤယွၤအပှၤဂီၢ်မုၢ်အဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 8:10

လၢတၢ်န့ၣ်အဃိ, အဝဲဆှၢလီၤအဖိခွါစီၤယိၤရၣ်လၢကလဲၤဆၢဂ့ၤဆၢဝါစီၤပၤ စီၤဒၤဝံးအဂီၢ်ဒီးလဲၤဒုးနဲၣ်အတၢ်သးခုဃုာ်ဒီးအီၤလၢအတၢ် မၤနၢၤစီၤဟးဒးဧ့စ့ၢ်အဃိန့ၣ်လီၤ. အဝဲမ့ၢ်ပှၤလၢစီၤပၤတိဧံၤဒုးတၢ်ထီဒါအီၤအါဘျီန့ၣ်လီၤ. စီၤယိၤရၣ်လဲၤစိာ်န့ၢ်စီၤဒၤဝံးလၢတၢ်ဟ့ၣ်ကနၢၤတဖၣ်လၢအဘၣ် တၢ်မၤအီၤလၢထူ, စ့ဒီးတိၢ်ဘီန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:37

ဒ်ယွၤအိၣ်တ့ၢ်လံဒီးတၢ်ဒိၣ်ကစၢ်စီၤပၤအသိး, မ်အဝဲဒၣ်အိၣ်စ့ၢ်ကီးဒီးစီၤၡလိၤမိၤဒီးဒုးဘီၣ်ထီၣ်ညီ ထီၣ်အတၢ်ပၢတၢ်ပြးဒိၣ်န့ၢ်အါန့ၢ်ဒံးနတၢ်ပၢတၢ်ပြးန့ၣ်တ က့ၢ်.”

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 12:32

ဟံးန့ၢ်သုသိတဖၣ်, မဲာ်တဲးလဲးတဖၣ်ဒီးဂီၤဖံးတဖၣ်ဒီးဟးထီၣ်ကွံာ်တက့ၢ်. ဒီးဃ့ဘါထုကဖၣ်န့ၢ်စ့ၢ်ကီးလၢယတၢ်ဆိၣ်ဂ့ၤတမံၤအဂီၢ်တက့ၢ်.”

လံာ်လူၤကၣ် 19:38

“မ်ကစၢ်ယွၤဆိၣ်ဂ့ၤစီၤပၤလၢအဟဲလၢကစၢ်အမံၤတဂၤန့ၣ်တက့ၢ်. မ်တၢ်ဃူတၢ်ဖိးအိၣ်ဝဲလၢမူခိၣ်, ဒီးတၢ်လၤကပီၤဘၣ်ကစၢ်ယွၤတက့ၢ်.”

ဧ့ၤဘြံၤ 11:21

လၢတၢ်စူၢ်တၢ်နာ်ဖဲစီၤယၤကိာ်ဘူးထီၣ်လၢအကသံန့ၣ်, ဆိၣ်ဂ့ၤဆိၣ်ဝါစီၤယိၤသးအဖိခွါခံဂၤလိာ်လီၤ. အဝဲအိၣ်သန့ၤအသးလၢအနီၣ်ထိးဘိအလိၤဒီးဘူၣ်ထီၣ်ဘါထီၣ် ကစၢ်ယွၤလီၤ.