လံာ်စီၤပၤအခီၣ်ထံးတဘ့ၣ် 1:42 - Sgaw Karen Common Bible

⁴² တချုးလၢအကတိၤတၢ်ဝံၤဒံးဘၣ်န့ၣ်, စီၤယိၤနၤသၣ်လၢအမ့ၢ်ပှၤလုၢ်တၢ်အခိၣ်စီၤအ့ဘယၤသၢ်အဖိခွါ ဟဲတုၤဝဲဒၣ်န့ၣ်လီၤ. စီၤအဒိနံၤယၤစံးဘၣ်အီၤ, “ဟဲနုာ်တက့ၢ်. နမ့ၢ်ပှၤအဂ့ၤတဂၤလီၤ. လီၤဂာ်လၢနဟဲစိာ်တၢ်ကစီၣ်လၢအဂ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:42 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:27

ဒီးအဝဲစံးဘၣ်အါထီၣ်ကဒီးစီၤစၤဒိး, “ကွၢ်ကွၢ်, နၤဒီးစီၤအဘ့ဘယၤသၢ်န့ၣ်က့ၤကဒါက့ၤမုာ်မုာ်ဆူဝ့ၢ်ပူၤ, ဒီးက့ၤကိးစ့ၢ်ကီးနဖိခွါစီၤအဃံမ့ၤဧးဒီးစီၤအ့ဘယၤသၢ် အဖိခွါ, စီၤယိၤနၤသၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 15:36

အဝဲသ့ၣ်အိၣ်ဒီးအဖိခွါတဖၣ်လၢအမ့ၢ်, စီၤအဃံမ့ၤဧးဒီးစီၤယိၤနၤသၣ်လၢအသကိးန့ၣ်လီၤ. ဒီးနဆှၢလီၤအဝဲသ့ၣ်ဆူယအိၣ်ဃုာ်ဒီးတၢ်ကစီၣ်လၢနဃုသ့ၣ်ညါပာ်ဖှိၣ်အီၤသ့ဝဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:17

စီၤအ့ဘယၤသၢ်အဖိခွါစီၤယိၤနၤသၣ်ဒီးစီၤစၤဒိးအဖိခွါ စီၤအဃံမ့ၤဧးတဖၣ်အိၣ်ခိးတၢ်ဖဲထံထီၣ်ပၢၢ်ဧ့ၢ်ရိၤက့လးလၢ ဝ့ၢ်ယရူၤၡလ့ၣ်အချၢတဘူးတယံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဒိးဖျါအသးဒီးလဲၤနုာ်ဆူဝ့ၢ်ပူၤတဘူၣ်ဘၣ်. တဘျီဘၣ်တဘျီကုၢ်ပိာ်မုၣ်ဖိတဂၤဘၣ်လဲၤဒီးတဲဘၣ်အဝဲသ့ၣ်လၢ တၢ်မနုၤမၤအသးဒီးတၢ်န့ၣ်ဝံၤအလီၢ်ခံအဝဲသ့ၣ်ကဘၣ်လဲၤတဲစီၤ ပၤစီၤဒၤဝံးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:27

ပှၤခိးကွၢ်တၢ်ဖိစံးဝဲဒၣ်, “ယထံၣ်ဘၣ်လၢပှၤအခီၣ်ထံးတဂၤ ဃ့ၢ်ဝဲလီၤဂာ်ဒ်စီၤအဃံမ့ၤဧးန့ၣ်လီၤ.” စီၤပၤစံးဝဲဒၣ်, “အဝဲမ့ၢ်ဒၣ်ပှၤအဂ့ၤတဂၤလီၤ. ဒီးအဝဲဟဲစိာ်တၢ်ကစီၣ်လၢအဂ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:41

ဖဲစီၤအဒိနံၤယၤဒီးကယဲၢ်အပှၤသမှံၤခဲလၢာ်အီၣ်တၢ်အီတၢ်ဝံၤ န့ၣ်, အဝဲသ့ၣ်နၢ်ဟူတၢ်အသီၣ်န့ၣ်လီၤ. ဒီးဖဲစီၤယိၤအာ်နၢ်ဟူဝဲကွဲၤအသီၣ်န့ၣ်သံကွၢ်ဝဲ, “ကယဲၢ်တၢ်အသီၣ်လၢဝ့ၢ်ပူၤန့ၣ်အခီပညီမ့ၢ်တၢ်မနုၤန့ၣ် လဲၣ်.”

လံာ်စီၤပၤအခီၣ်ထံးတဘ့ၣ် 1:43

စီၤယိၤနၤသၣ်စံးဆၢဝဲ, “တမ့ၢ်ဒ်န့ၣ်ဘၣ်. တၢ်ဒိၣ်ကစၢ်စီၤပၤဒၤဝံးဒုးကဲထီၣ်စီၤၡလိၤမိၤလၢစီၤပၤ လံန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:18

စီၤအၤဃာ်စံးဘၣ်စီၤယဟိၡၤဖး, “မ့ၢ်ယတတဲဘၣ်နၤလၢ, အဝဲတကတိၤတၢ်အဂ့ၤနီတမံၤလၢဝံအကျိာ်လၢယဂီၢ်န့ၣ်ဧါ. ထီဘိမ့ၢ်ထဲတၢ်လၢအတဂ့ၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:22

စီၤယဟိရၣ်သံကွၢ်အီၤ, “နဟဲလၢတၢ်ဃူတၢ်ဖိးအပူၤဧါ.” စီၤယ့ၤဟူစံးဆၢဝဲ “ဖဲပအိၣ်ဒံးဒၣ်ဒီးတၢ်သမူပယၢ်အတၢ်မၤ ဒီးတၢ်မၤကမၣ်မုၣ်ကမၣ်ခွါလၢနမိၢ်နီၢ်အံၤစ့ဘ့ၤလးစးထီၣ် ဝဲအံၤန့ၣ်တၢ်ဃူတၢ်ဖိးအိၣ်ကသ့ဒ်လဲၣ်.”

လံာ်ယၡါယၤ 57:21

ပှၤတၢ်ဒဲးဘးဖိတဖၣ်အဂီၢ်န့ၣ်, တၢ်ပူၤဖျဲးတအိၣ်ဘၣ်.” ယွၤစံးဝဲဒၣ်.