လံာ်စီၤပၤအခီၣ်ထံးတဘ့ၣ် 1:40 - Sgaw Karen Common Bible

⁴⁰ အန့ၣ်ဝံၤဒီး, အဝဲသ့ၣ်ခဲလၢာ်ဟဲက့ၤပိာ်အခံ, ကိးထီၣ်လၢတၢ်သူၣ်ခုသးခုဒီးအူပံတဖၣ်တုၤဒၣ်လဲာ်ဟီၣ်ခိၣ် သထြူးဝဲလၢတၢ်သီၣ်တၢ်သဲအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:40 Iomraidhean Croise

လံာ်စီၤပၤအခီၣ်ထံးတဘ့ၣ် 1:39

စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 1:41

ဖဲစီၤအဒိနံၤယၤဒီးကယဲၢ်အပှၤသမှံၤခဲလၢာ်အီၣ်တၢ်အီတၢ်ဝံၤ န့ၣ်, အဝဲသ့ၣ်နၢ်ဟူတၢ်အသီၣ်န့ၣ်လီၤ. ဒီးဖဲစီၤယိၤအာ်နၢ်ဟူဝဲကွဲၤအသီၣ်န့ၣ်သံကွၢ်ဝဲ, “ကယဲၢ်တၢ်အသီၣ်လၢဝ့ၢ်ပူၤန့ၣ်အခီပညီမ့ၢ်တၢ်မနုၤန့ၣ် လဲၣ်.”

လံာ်စီၤပၤအခီၣ်ထံးတဘ့ၣ် 1:45

ဒီးစီၤစၤဒိးဒီးစီၤနၤသၣ်ဖှူအီၤဒ်စီၤပၤအသိးဖဲကံဃိၣ် အထံထီၣ်ပၢၢ်န့ၣ်လီၤ. အန့ၣ်ဝံၤအဝဲသ့ၣ်လဲၤဆူဝ့ၢ်ပူၤ, ကိးထီၣ်လၢတၢ်သးခုဒီး, ပှၤဂီၢ်မုၢ်သ့ၣ်တဖၣ်ခဲကနံၣ်အံၤ, သီၣ်တထူၣ်ဘးလီန့ၣ်လီၤ. တၢ်အသီၣ်န့ၣ်, မ့ၢ်တၢ်လၢနနၢ်ဟူတ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:14

ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:20

ကယဲၢ်ပှၤဂီၢ်မုၢ်ခဲလၢာ်ပှဲၤဝဲဒီးတၢ်သူၣ်ဖှံသးညီ, ဒီးဝ့ၢ်န့ၣ်အိၣ်ဘှ့ၣ်အိၣ်ဘှီၣ်ဝဲမ့ၢ်လၢခဲအံၤနီၢ်ပၤမုၣ်ဧသၤလယၤ ဘၣ်တၢ်မၤသံကွံာ်အီၤလၢနူၢ်ပူၤစီၤပူၤလံအဃိန့ၣ် လီၤ.

စံးထီၣ်ပတြၢၤ 97:1

ယွၤမ့ၢ်စီၤပၤ, မ်ဟီၣ်ခိၣ်သူၣ်ဖှံသးညီတက့ၢ်. မ်ကီးတဖၣ်သူၣ်ခုသးခုတက့ၢ်.

လံာ်ဒၤနံးယ့လး 3:5

တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးကယဲၢ်တၢ်ဒ့တၢ်အူအသီၣ် သီၣ်ထီၣ်ဝဲန့ၣ်သုကဘၣ်ချံးခီၣ်တီၤလီၤဒီးဘူၣ်ထီၣ် ဘါထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်လူၤကၣ် 19:37

ဖဲအဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်ဖဲတၢ်လီၢ်တတီၤလၢ ကျဲလဲၤလီၤလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်ဂီၢ်မုၢ်ဂီၢ်ပၤ စံးဘျုးကစၢ်ယွၤဒီးစံးထီၣ်ပတြၢၤအီၤလၢအကလုၢ်ဖးဒိၣ်မ့ၢ်လၢတၢ် အဒိၣ်အမုၢ်လၢအဝဲသ့ၣ်ထံၣ်ဘၣ်တ့ၢ်ဝဲခဲလၢာ်တဖၣ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:15

မၤသးဒ်န့ၣ်ဒီး, အဝဲသ့ၣ်ခဲလၢာ်လဲၤဆူဝ့ၢ်ကံလကၤလးဒီးဖဲ တၢ်လီၢ်စီဆှံန့ၣ်, အဝဲသ့ၣ်ဘိးဘၣ်သ့ၣ်ညါထီၣ်လၢစီၤစီလူး မ့ၢ်စီၤပၤန့ၣ်လီၤ. အဝဲသ့ၣ်လုၢ်ထီၣ်တၢ်လုၢ်မၤဃူမၤဖိးအတၢ်လုၢ်တၢ်ပာ်တဖၣ်ဒီး စီၤစီလူးဒီးကယဲၢ်ကီၢ်အံၣ်စရ့လးအပှၤဂီၢ်မုၢ် မၤတၢ်သူၣ်ခုသးခုအမူးဘၣ်ဃးဒီးတၢ်မၤအသးဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:5

ဒီးတုၤယွၤအတၢ်အၢၣ်လီၤအီလီၤအတလါစီဆှံဟဲတုၤဝဲန့ၣ်ပှၤ အံၣ်စရ့လးဖိတဖၣ်ကိးထီၣ်လၢတၢ်သးခုဖးဒိၣ်အကလုၢ်တုၤဟီၣ် ခိၣ်သတြုးထီၣ်ဝဲလီၤ.