လံာ်စီၤပၤအခီၣ်ထံးတဘ့ၣ် 1:39 - Sgaw Karen Common Bible

³⁹ စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 1:39 Iomraidhean Croise

လံာ်စီၤပၤအခီၣ်ထံးတဘ့ၣ် 1:25

အအံၤတနံၤအံၤဒၣ်လဲာ်န့ၣ်အဝဲလဲၤတ့ၢ်ဝဲဒီးလုၢ်ထီၣ်တ့ၢ်တၢ် လုၢ်တၢ်ပာ်လၢအမ့ၢ်ဂီၤဖံးဖါအါအါကလဲာ်, သိဒီးဂီၤဖံးအဘီၣ်တဖၣ်အါအါကလဲာ်န့ၣ်လီၤ. အဝဲကွဲမုာ်နဖိခွါခဲလၢာ်, နပှၤသုးမုၢ်အခိၣ်စီၤယိၤအာ်, ဒီးပှၤလုၢ်တၢ်အခိၣ်စီၤအ့ဘယၤသၢ်, ဒီးခဲကနံၣ်အံၤအဝဲသ့ၣ်အီၣ်တၢ်အီတၢ်ဒီးအီၤဒီးကိးပသူထီၣ်ဝဲ, မ်စီၤပၤအဒိနံၤယၤအိၣ်မူဝဲအါနံၣ်အါလါတက့ၢ်, န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 1:40

အန့ၣ်ဝံၤဒီး, အဝဲသ့ၣ်ခဲလၢာ်ဟဲက့ၤပိာ်အခံ, ကိးထီၣ်လၢတၢ်သူၣ်ခုသးခုဒီးအူပံတဖၣ်တုၤဒၣ်လဲာ်ဟီၣ်ခိၣ် သထြူးဝဲလၢတၢ်သီၣ်တၢ်သဲအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:15

အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်စီၤပၤခံဘ့ၣ်တဘ့ၣ် 11:14

ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်စီၤပၤခံဘ့ၣ်တဘ့ၣ် 9:13

တဘျီဃီန့ၣ်, စီၤယ့ၤဟူအသုးခိၣ်ကဒဲကဒဲတဖၣ်, ဒါလီၤအဆ့ကၤဖးဒိၣ်တဖၣ်လၢဃီသွါတဖၣ်အဖီခိၣ်လၢစီၤယ့ၤဟူ ကဆၢထၢၣ်ဝဲအဂီၢ်, အူထီၣ်ကွဲၤတဖၣ်ဒီးကိးထီၣ်ဝဲ, “စီၤယ့ၤဟူမ့ၢ်စီၤပၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:11

အန့ၣ်ဒီး, စီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒုးကုာ်ထီၣ်အီၤစီၤပၤအခိၣ်သလုးလၢအခိၣ်လိၤ, ဒီးဟ့ၣ်ဃီၤအီၤလၢတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်ထွဲ ဒီးတၢ်မ့ၢ်စီၤပၤအလံာ်တဘ့ၣ်လီၤ. အန့ၣ်ဒီး, အဝဲဘၣ်တၢ်ဒုးကဲထီၣ်အီၤလၢစီၤပၤန့ၣ်လီၤ. ပှၤလုၢ်တၢ်အခိၣ်စီၤယဟိယဒါဒီးအဖိခွါတဖၣ်ဖှူစီၤယိၤအၣ်လၢ သိဒီးပှၤကိးဂၤဒဲးကိးထီၣ်ဝဲ, “မ်စီၤပၤမူဝဲလီၤထူလီၤယိာ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 23:13

ဖဲန့ၣ်အဝဲထံၣ်ဘၣ်စီၤပၤအသီတဂၤလၢယွၤအတၢ်လုၢ်ဟံၣ်အကျဲစၢၤ, ဆၢထၢၣ်ဝဲဖဲတၢ်လီၢ်လၢအဘၣ်တၢ်ပာ်လီၤဆီအီၤလၢစီၤပၤတဖၣ် အဂီၢ်ဒီးဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူကွဲၤ တဖၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကိးသတြီထီၣ်လၢတၢ်သူၣ်ခုသးခု ဒီးအူထီၣ်ကွဲၤတဖၣ်, ဒီးယွၤအတၢ်လုၢ်ဟံၣ်အပှၤသးဝံၣ်တၢ်သ့ၣ်တဖၣ်ဆှၢဝဲတၢ်စံးထီၣ် ပတြၢၤန့ၣ်လၢအတၢ်ဒ့တၢ်အူ အပီးအလီတဖၣ်န့ၣ်လီၤ. နီၢ်ဧသၤလယၤဖှီယာ်ကွံာ်အကူအကၤတဖၣ်လၢတၢ်သူၣ်ဆါသးဆါ အပူၤဒီးကိးထီၣ်ဝဲ, “တၢ်ပူထီၣ်, တၢ်ပူထီၣ်” န့ၣ်လီၤ.

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

လံာ်တၢ်ဟးထီၣ်ကွံာ် 30:35

သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 10:24

စီၤၡမူၤအ့လးစံးဘၣ်ပှၤဂီၢ်မုၢ်, “အဝဲအံၤ, မ့ၢ်ပှၤတဂၤလၢယွၤဃုထၢထီၣ်အီၤန့ၣ်လီၤ. လၢပဝဲဒၣ်ခဲလၢာ်အကျါပှၤလီၤဂာ်ဒီးအီၤတအိၣ်ဘၣ်နီတဂၤဘၣ်.” ဒီးကယဲၢ်ပှၤဂီၢ်မုၢ်ခဲလၢာ်ကိးထီၣ်ဝဲ, “မ်ပကစၢ်စီၤပၤအိၣ်ကၢအိၣ်ခိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.