လံာ်စီၤပၤအခီၣ်ထံးတဘ့ၣ် 1:35 - Sgaw Karen Common Bible

³⁵ ဟဲက့ၤပိာ်ကဒါက့ၤအခံဆူအံၤ, ဖဲအဝဲဟဲက့ၤဒ်သိးကဆ့ၣ်နီၤ လၢယလီၢ်ပစိာ်အဖီခိၣ်အဂီၢ်န့ၣ်တက့ၢ်. အဝဲကကဲထီၣ်စီၤပၤလၢယလီၢ်မ့ၢ်လၢအဝဲမ့ၢ်ပှၤတဂၤလၢယဃုထၢ တ့ၢ်လၢကကဲထီၣ်ပှၤပၢတၢ်လၢကီၢ်အံၣ်စရ့လးဒီးကီၢ်ယူဒၤအဖီ ခိၣ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:35 Iomraidhean Croise

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 1:17

အဝဲစံးဆၢအီၤ, “တၢ်ဒိၣ်ကစၢ်စီၤပၤဧၢ, နမၤတ့ၢ်တၢ်အၢၣ်လီၤ သမှံၤသပှၢ်တမံၤဒီးယၤလၢယွၤနကစၢ်ယွၤအမံၤအပူၤလၢယဖိခွါ စီၤၡလိၤမိၤကကဲထီၣ်စီၤပၤလၢနလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 1:36

ဒီးစီၤဘနါယၤစံးဆၢဝဲ, “မ်တၢ်ကမၤအသးဒ်န့ၣ်တက့ၢ်. ဒီးမ်ယွၤနကစၢ်ယွၤပာ်ဂၢၢ်ပာ်ကျၢၤတၢ်အံၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 2:12

စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:15

အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:1

ဖဲစီၤဒၤဝံးအသးပှၢ်ထီၣ်နးမးန့ၣ်အဝဲဒုးကဲထီၣ်အဖိခွါ စီၤၡလိၤမိၤလၢအံၣ်စရ့လးအစီၤပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”