လံာ်စီၤပၤအခီၣ်ထံးတဘ့ၣ် 1:33 - Sgaw Karen Common Bible

³³ အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်စီၤပၤအခီၣ်ထံးတဘ့ၣ် 1:33 Iomraidhean Croise

လံာ်တၢ်ကဲထီၣ်အခီၣ်ထံး 41:43

စီၤပၤဟ့ၣ်လီၤအီၤလၢစီၤပၤအလ့ၣ်ကဟၣ်ခံဆိတဆိလၢကဒိးဝဲ အဂီၢ်, ဒီးပှၤဃ့ၢ်ဆိတၢ်တဖၣ်လၢစီၤပၤအလ့ၣ်ကဟၣ်မဲာ်ညါန့ၣ် ကိးထီၣ်ဝဲ, “ဟ့ၣ်ကျဲတက့ၢ်, ဟ့ၣ်ကျဲတက့ၢ်” န့ၣ်လီၤ. အန့ၣ်ဒီးစီၤယိၤသးဘၣ်တၢ်ဃုထၢပာ်လီၤအီၤဒ်ပဒိၣ် ဖးဒိၣ်လၢကီၢ်အဲၤကူပတူးဒီဘ့ၣ်အဖီခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:29

လၢတၢ်န့ၣ်အဃိတၢ်ခ့တၢ်ပှၤတဖၣ်မၤထွဲစီၤအၤဘၡါလိၣ်အတၢ်မၤလိာ်ပိာ်လီၤတဖၣ် ဒီးမၤသံကွံာ်စီၤအၤမနိၣ်န့ၣ်လီၤ. ကယဲၢ်စီၤဒၤဝံးအဖိခွါအဂၤတဖၣ်ဒိးထီၣ်အကသ့ၣ်ဒီးထွးထီၣ်ဃ့ၢ်ကွံာ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:5

ဒီးခဲအံၤမ့ၢ်လၢစီၤအးဘၡါလိၣ်သံလံအဃိ, စီးဒၤဝံးဒီးနီၢ်ဃးကံၤအဖိခွါစီၤအဒိနံၤယၤမ့ၢ်ဖိခွါ အဒိၣ်ကတၢၢ်လၢဖိလၢအအိၣ်မူတ့ၢ်တဖၣ်အကျါန့ၣ်လီၤ. အဝဲသူၣ်ဆူၣ်သးဂဲၤလၢကကဲထီၣ်ဘၣ်စီၤပၤဒိၣ်မးလီၤ. လၢအကစၢ်ဒၣ်ဝဲအဂီၢ်, အဝဲကတဲာ်ကတီၤလ့ၣ်ကဟၣ်တဖၣ်, ကသ့ၣ်တဖၣ်ဒီးပှၤလၢအကလဲၤယုၤဒီးကဟုကယာ်အီၤယဲၢ်ဆံဂၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 2:35

စီၤပၤဒုးကဲထီၣ်စီၤဘနါယၤလၢပှၤသုးမုၢ်အသုးခိၣ်ကျၢၢ်လၢ စီၤယိၤအာ်အလီၢ်, ဒီးပာ်စီၤစၤဒိးလၢပှၤလုၢ်တၢ်အခိၣ်, လၢစီၤအ့ဘယၤသၢ်အလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:30

ပှၤလၢအမၤတံာ်တၢၤကံဃိၣ်အထံထီၣ်ပၢၢ်ဒီးဒုးယွၤတရံးထံ ကျိၤဒ်သိးကယွၤလီၤခီဖျိထံပီၤတပီၤဆူတၢ်လီၢ်တတီၤလၢဝ့ၢ် ယရူၤရှလ့ၣ်အခိၣ်ဒူတဖၣ်အသးကံၢ်ပူၤန့ၣ်, မ့ၢ်စီၤပၤဃံးစကံယၤလီၤ. ကယဲၢ်တၢ်လၢစီၤဃံးစကံယၤမၤဝဲတမံၤလၢ်လၢ်န့ၣ်ကဲထီၣ်လိၣ်ထီၣ် ဝဲ

လံာ်ကွဲးနီၣ်တၢ်ခံဘ့ၣ်တဘ့ၣ် 33:14

တၢ်မၤအသးအံၤဝံၤအလီၢ်ခံန့ၣ်, စီၤမနၤၡ့ၤမၤထီၣ်စီၤဒၤဝံး အဝ့ၢ်ခိၣ်ဒူလၢအချၢတတီၤလၢမုၢ်ထီၣ်တကပၤ, စးထီၣ်လၢကံဃိၣ်အထံထီၣ်ပၢၢ်တုၤလၢညၣ်အတြဲၤအကလံၤစိး, ဝ့ၢ်အလီၢ်ကဝီၤလၢတၢ်ကိးအီၤလၢဧိၤဖ့လးန့ၣ်လီၤ. အဝဲပာ်စ့ၢ်ကီးသုးမုၢ်တဖုအခိၣ်တဂၤလၢတၢ်ပၢဆှၢသုးဖိ တဖုအဂီၢ်, လၢကီၢ်ယူဒၤအဝ့ၢ်လၢအအိၣ်ဒီးတိာ်ဧိၤတာ်ဧိၤတဝ့ၢ် စုာ်စုာ်အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:19

တိၢ်န့ၢ်ယတၢ်မၤလိာ်တဖၣ်တက့ၢ်. ဒုးဒၢထီၣ်သုဆၣ်ဖိကီၢ်ဖိလၢအကလုာ်လီၤဆီလိာ်အသးန့ၣ်တဂ့ၤ. ဖှံလီၤတၢ်ချံခံမံၤလၢအလီၤဆီလိာ်အသးလၢသုစံာ်ပူၤတဂ့ၤ. ဒီးကူထီၣ်သိးထီၣ်တၢ်ကူတၢ်သိးလၢအဘၣ်တၢ်မၤအီၤလၢလုၣ်လီၤ ဆီလိာ်အသးခံမံၤန့ၣ်တဂ့ၤ.