လံာ်စီၤပၤအခီၣ်ထံးတဘ့ၣ် 1:30 - Sgaw Karen Common Bible

³⁰ လၢတနံၤအံၤ, ယကဟံးဃာ်တၢ်အၢၣ်လီၤလၢယမၤတ့ၢ်ဒီးနၤလၢယွၤ, အံၣ်စရ့လးအကစၢ်ယွၤအမံၤအပူၤ, လၢနဖိခွါစီၤၡလိၤမိၤကကဲထီၣ်စီၤပၤလၢယလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:30 Iomraidhean Croise

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 1:17

အဝဲစံးဆၢအီၤ, “တၢ်ဒိၣ်ကစၢ်စီၤပၤဧၢ, နမၤတ့ၢ်တၢ်အၢၣ်လီၤ သမှံၤသပှၢ်တမံၤဒီးယၤလၢယွၤနကစၢ်ယွၤအမံၤအပူၤလၢယဖိခွါ စီၤၡလိၤမိၤကကဲထီၣ်စီၤပၤလၢနလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:12

စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:28

အဝဲသံဖဲအမှံၤတုာ်ပှၢ်တီၤ, အိၣ်ပှဲၤဒီးနံၣ်အါလါအါ, တၢ်ထူးဒိၣ်တၢ်တီၤအါ, ဒီးတၢ်လီၤယူးယီၣ်ပာ်ကဲ, ဒီးအဝဲအဖိခွါစီၤၡလိၤမိၤကဲထီၣ်ဘၣ်စီၤပၤလၢအလီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:4

စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.