လံာ်စီၤပၤအခီၣ်ထံးတဘ့ၣ် 1:29 - Sgaw Karen Common Bible

²⁹ အန့ၣ်ဝံၤဒီးအဝဲစံးဘၣ်အီၤ, “ယအၢၣ်လီၤနၤလၢယွၤလၢအမူဝဲ လၢအမၤပူၤဖျဲးတ့ၢ်ယၤလၢကယဲၢ်ယတၢ်ကိၢ်တၢ်ဂီၤခဲလၢာ်တဂၤ အမံၤအပူၤ,

လံာ်စီၤပၤအခီၣ်ထံးတဘ့ၣ် 1:29 Iomraidhean Croise

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 12:5

စီၤဒၤဝံးအသးဒိၣ်ထီၣ်ဘၣ်ပှၤထူးပှၤတီၤန့ၣ်ဒိၣ်ဒိၣ်ကလဲာ်ဒီး စံးဝဲဒၣ်, “ယဆိၣ်တၢ်လၢယွၤလၢအမူဝဲတဂၤအမံၤအပူၤ, လၢပှၤတဂၤလၢအမၤတၢ်န့ၣ်, ကြၢးသံဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:9

စီၤဒၤဝံးစံးဆၢအဝဲသ့ၣ်, “ယဆိၣ်တၢ်တမံၤလၢယွၤလၢအမူဝဲ, လၢအအုၣ်က့ၤခီၣ်က့ၤယၤလၢကယဲၢ်တၢ်ဘၣ်ယိၣ်ဘၣ်ဘီခဲလၢာ်တဂၤ အမံၤအပူၤလီၤ.

လံာ်စီၤပၤအခီၣ်ထံးတဘ့ၣ် 1:28

စီၤပၤဒၤဝံးစံးဝဲ, “မၢနီၢ်ဘၤသၡ့ဘၤဟဲနုာ်ကဒါက့ၤတက့ၢ်.” ဒီးအဝဲဒၣ်ဟဲက့ၤနုာ်ဝဲဒီးဆၢထၢၣ်ဝဲဒၣ်လၢစီၤပၤဒၤဝံး အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 18:10

လၢယွၤ, နကစၢ်ယွၤလၢအမူဝဲတဂၤအမံၤအပူၤန့ၣ်, ယဆိၣ်လီၤယသးလၢစီၤပၤကွၢ်ဃုနၤလၢထံကီၢ်ကိးဘ့ၣ်ဒဲးအပူၤ လၢဟီၣ်ခိၣ်ချၢန့ၣ်လီၤ. တဘျီလၢ်လၢ်ဖဲထံကီၢ်တဘ့ၣ်အစီၤပၤပာ်ဖျါဝဲလၢနတအိၣ်ဘၣ်လၢ အဝဲအထံကီၢ်အပူၤန့ၣ်, စီၤပၤအၤဃာ်ကဃ့စီၤပၤအဝဲန့ၣ်လၢကဆိၣ်လီၤအသး, လၢတၢ်တထံၣ်န့ၢ်ဘၣ်နၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:24

ယွၤပာ်လီၤယၤဂၢၢ်ဂၢၢ်ကျၢၤကျၢၤလၢယပၢ်စီၤဒၤဝံးအလီၢ်ပစိာ် အဖီခိၣ်န့ၣ်လီၤ. အဝဲဟံးဃာ်အတၢ်အၢၣ်လီၤ, ဒီးဟ့ၣ်လီၤယၤဒီးယစၢၤယသွဲၣ်တဖၣ်လၢ ဘီမုၢ်န့ၣ်လီၤ. ယဆိၣ်တၢ်လၢယွၤလၢအမူဝဲတဂၤအမံၤအပူၤလၢစီၤအဒိနံၤယၤကသံ ဝဲတနံၤအံၤဒၣ်လဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:30

ပိာ်မုၣ်န့ၣ်စံးဘၣ်စီၤအလံၤၡါ, “လၢယတၢ်သူၣ်တီသးလိၤအပူၤ န့ၣ်ယဆိၣ်တၢ်ဒီးယွၤလၢအမူဝဲ, ဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိ, အဝဲသ့ၣ်ခံဂၤလိာ်စးထီၣ်က့ၤကဒါက့ၤသကိးဝဲ ဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:16

စီၤအလံၤၡါစံးဆၢဝဲဒၣ်, “လၢယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယဆိၣ်လီၤယသးလၢယတတူၢ်လိာ်တၢ်ဟ့ၣ်တမံၤအံၤန့ၣ်ဘၣ်.” စီၤနဧၤမၣ်ဃ့ကညးအီၤသပှၢ်ပှၢ်လၢအဝဲ ကတူၢ်လိာ်တၢ်ဟ့ၣ်အံၤ, ဘၣ်ဆၣ်အဝဲတတူၢ်လိာ်ဝဲဒၣ်ဘၣ်.

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

စံးထီၣ်ပတြၢၤ 136:24

ဒီးမၤပူၤမၤဖျဲးပှၤလၢပဒုၣ်ပဒါန့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 138:7

တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

စံးထီၣ်ပတြၢၤ 72:14

အဝဲပှ့ၤက့ၤအဝဲသ့ၣ်အသးသမူလၢ ပှၤမၤနးမၤဖှီၣ်တၢ်အစုပူၤ ဒီးအသွံၣ်န့ၣ်မ့ၢ်တၢ်လုၢ်ဒိၣ်ပှ့ၤဒိၣ် လၢအမဲာ်ညါလီၤ.

လံာ်ပှၤစံၣ်ညီၣ်ကွီၢ် 8:19

ဒီးစီၤကံးဒဧိၣ်စံးဝဲဒၣ်, “အဝဲသ့ၣ်မ့ၢ်ယဒီပုၢ်ဝဲၢ်တဖၣ်, ယမိၢ်ဒၣ်ယဲအဖိခွါတဖၣ်န့ၣ်လီၤ. ယဆိၣ်လီၤယသးသညူးသပှၢ်လၢသုမ့ၢ်တမၤသံအဝဲသ့ၣ်ဘၣ်ဒီး ယတမၤသံဘၣ်သုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 14:39

ယအၢၣ်လီၤတ့ၢ်တၢ်လၢယွၤလၢအမူဝဲတဂၤလၢအဟ့ၣ်ကီၢ်အံၣ်စရ့လး လၢတၢ်မၤနၢၤအမံၤအပူၤ, လၢပှၤလၢအတၢ်ကမၣ်အိၣ်တဂၤန့ၣ်အဝဲမ့မ့ၢ်ဒၣ်လဲာ် ယဖိခွါစီၤယိနၤသၣ်န့ၣ်ကဘၣ်တၢ်မၤသံကွံာ်အီၤလီၤ.” ဘၣ်ဆၣ်ဒီးပှၤတစံးဘၣ်တၢ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:6

စီၤစီလူးဘၣ်တၢ်တဲနၢ်ပၢၢ်အီၤလီၤတံၢ်လီၤဆဲးခီဖျိစီၤယိ နၤသၣ်အတၢ်တဲဘၣ်အီၤဒီးမၤတၢ်ဆိၣ်တခါလၢယွၤအမံၤအပူၤလၢ အတမၤသံဘၣ်စီၤဒၤဝံးဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:21

အန့ၣ်ဝံၤဒီးယကမၢယခ့ယပှၤလဲၤဃုန့ၢ်က့ၤအီၤန့ၣ်လီၤ. ဒီးယမ့ၢ်တဲအီၤ, ကွၢ်, ပျၢ်တဖၣ်န့ၣ်အိၣ်လၢနကပၤလၢအံၤတခီ, ဟံးန့ၣ်အီၤတက့ၢ်, န့ၣ်ဒီးအခီပညီမ့ၢ်ဝဲနပူၤဖျဲးဒီးနဟဲ က့ၤဟးထီၣ်သ့ဝဲလီၤ. ယဆိၣ်တၢ်လၢယွၤအမူဝဲတဂၤအမံၤအပူၤလၢတၢ်ပျံၤတၢ်ဖုးအလီၢ် တအိၣ်ဘၣ်နီတမံၤဘၣ်လီၤ.