လံာ်စီၤပၤအခီၣ်ထံးတဘ့ၣ် 1:21 - Sgaw Karen Common Bible

²¹ နမ့ၢ်တမၤဒ်န့ၣ်ဘၣ်ဒီး, တုၤမ့ၢ်နသံတဘျီဃီယဖိခွါစီၤၡလိၤ မိၤဒီးယၤန့ၣ်, ပကဘၣ်တၢ်ပာ်ပှၤဒ်ပှၤလၢအသးတတီဘၣ်ဒီးအထံအကီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:21 Iomraidhean Croise

လံာ်တၢ်ကဲထီၣ်အခီၣ်ထံး 15:15

နနီၢ်ကစၢ်ဒၣ်နဲနကအိၣ်ကၢအိၣ်ခိးတုၤနသးပှၢ်တုာ်, နကသံဘၣ်မုာ်မုာ်ခုၣ်ခုၣ်ဒီးနကဘၣ်တၢ်ခူၣ်လီၤကွံာ်နၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:12

နမ့ၢ်အဲၣ်ဒိးနသးသမူဒီးနဖိခွါစီၤၡလိၤမိၤအသးသမူပူၤ ဖျဲးန့ၣ်, ယကဟ့ၣ်ကူၣ်နၤဒ်အံၤ,

လံာ်စီၤပၤအခီၣ်ထံးတဘ့ၣ် 1:20

တၢ်ဒိၣ်ကစၢ်စီၤပၤဧၢ, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ကွၢ်ထီၣ်တၢ်ဆူနအိၣ်လၢနကတဲဘၣ်အဝဲသ့ၣ်လၢမ့ၢ်မတၤကကဲ ထီၣ်စီၤပၤလၢနလီၢ်လဲၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:22

ဖဲစီၤနၤသၣ်ဟဲတုၤဃီၤဆူနီပူၤန့ၣ်နီၢ်ဘၤသၡ့ဘၤစံးကတိၤ ဒံးတၢ်အဖၢမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:15

အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:10

တုၤစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲလၢအဖိခွါဘၣ် တၢ်မၤသံကွံာ်အီၤတဘျီဃီန့ၣ်အဝဲဟ့ၣ်လီၤအကလုၢ်လၢကယဲၢ်ကီၢ် ယူဒၤအစီၤပၤအပှၤဟံၣ်ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:5

ဒီးအဝဲလဲၤဆူအပၢ်အဟံၣ်ဖဲဝ့ၢ်ဧိးဖြၤဒီးမၤသံကွံာ်အဒီပုၢ်ဝဲၢ်ခွါအဂၤနွံဆံလၢအမ့ၢ် စီၤကံးဒဧိၣ်အဖိခွါတဖၣ်လၢလၢၢ်တဖျၢၣ်ဃီအဖီခိၣ်လီၤ. ဘၣ်ဆၣ်စီၤကံးဒဧိၣ်အဖိခွါအဆံးကတၢၢ်စီၤယိၤသၣ်တဂၤန့ၣ် အိၣ်ခူသူၣ်ဝဲအဃိတၢ်တမၤသံဘၣ်အီၤဘၣ်.