လံာ်စီၤပၤအခီၣ်ထံးတဘ့ၣ် 1:13 - Sgaw Karen Common Bible

¹³ “လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 1:13 Iomraidhean Croise

လံာ်စီၤပၤအခီၣ်ထံးတဘ့ၣ် 1:11

တုၤနုၤတစု, စီၤနၤသၣ်လဲၤဃီၤဆူစီၤၡလိၤမိၤအမိၢ်နီၢ်ဘၤ သၡ့ဘၤအအိၣ်, ဒီးသံကွၢ်အီၤ, “မ့ၢ်နတနၢ်ဟူဘၣ်လၢနီၢ်ဃးကံၤအဖိခွါစီၤ အဒိနံၤယၤပာ်ထီၣ်လံအသးဒၣ်ဝဲလၢစီၤပၤအလီၢ်န့ၣ်ဘၣ်ဧါ. ဒီးစီၤပၤဒၤဝံးတသ့ၣ်ညါတၢ်မၤအသးအံၤနီတမံၤဘၣ်.

လံာ်စီၤပၤအခီၣ်ထံးတဘ့ၣ် 1:14

ဒီးစီၤနၤသၣ်စံးအါထီၣ်ကဒီးဝဲ, “ဖဲနကတိၤဒံးတၢ်ဒီးစီၤ ပၤဒၤဝံးအကတီၢ်န့ၣ်ယကဟဲနုာ်ဒီးမၤဂၢၢ်မၤကျၢၤနတၢ်ကတိၤ အဂ့ၢ်အကျိၤတဖၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:17

အဝဲစံးဆၢအီၤ, “တၢ်ဒိၣ်ကစၢ်စီၤပၤဧၢ, နမၤတ့ၢ်တၢ်အၢၣ်လီၤ သမှံၤသပှၢ်တမံၤဒီးယၤလၢယွၤနကစၢ်ယွၤအမံၤအပူၤလၢယဖိခွါ စီၤၡလိၤမိၤကကဲထီၣ်စီၤပၤလၢနလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:24

အန့ၣ်ဒီးအဝဲစံးဝဲ, “တၢ်ဒိၣ်ကစၢ်စီၤပၤဧၢ, မ့ၢ်နဘိးဘၣ်သ့ၣ်ညါတ့ၢ်နဲလၢစီၤအဒိနံၤယၤကကဲထီၣ်စီၤပၤ လၢနလီၢ်န့ၣ်ဧါ.

လံာ်စီၤပၤအခီၣ်ထံးတဘ့ၣ် 1:30

လၢတနံၤအံၤ, ယကဟံးဃာ်တၢ်အၢၣ်လီၤလၢယမၤတ့ၢ်ဒီးနၤလၢယွၤ, အံၣ်စရ့လးအကစၢ်ယွၤအမံၤအပူၤ, လၢနဖိခွါစီၤၡလိၤမိၤကကဲထီၣ်စီၤပၤလၢယလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:35

ဟဲက့ၤပိာ်ကဒါက့ၤအခံဆူအံၤ, ဖဲအဝဲဟဲက့ၤဒ်သိးကဆ့ၣ်နီၤ လၢယလီၢ်ပစိာ်အဖီခိၣ်အဂီၢ်န့ၣ်တက့ၢ်. အဝဲကကဲထီၣ်စီၤပၤလၢယလီၢ်မ့ၢ်လၢအဝဲမ့ၢ်ပှၤတဂၤလၢယဃုထၢ တ့ၢ်လၢကကဲထီၣ်ပှၤပၢတၢ်လၢကီၢ်အံၣ်စရ့လးဒီးကီၢ်ယူဒၤအဖီ ခိၣ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:48

ဒီးဃ့ဘါထုကဖၣ်ဝဲ, မ်ပကစံးထီၣ်ပတြၢၤယွၤ, ကီၢ်အံၣ်စရ့လးအကစၢ်ယွၤလၢမုၢ်မဆါတနံၤအံၤ, ဒုးကဲထီၣ်ယစၢၤယသွဲၣ်အကျါတဂၤလၢကထီၣ်ယလီၢ်ဒ်စီၤပၤတဂၤ အသိးဒီးပျဲယအိၣ်မူလၢယကထံၣ်ဘၣ်တၢ်အံၤ, အဃိန့ၣ်တက့ၢ်, န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:12

စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်သိၣ်လီၤသီလီၤတၢ် 17:18

ဖဲအဝဲကဲစီၤပၤန့ၣ်, အဝဲကဘၣ်အိၣ်ဒီးကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်အလံာ်ကွဲးဆဲတဘ့ၣ်ဒီးတၢ်သိၣ်လိတဖၣ်လၢ အဟံးန့ၢ်ဝဲလၢလံာ်အဂံၢ်ထံးတဘ့ၣ်အပူၤလၢအဘၣ်တၢ်ပၢၤဃာ်အီၤ လၢပှၤလ့ၤဝံဖိပှၤလုၢ်တၢ်အခိၣ်တဖၣ်န့ၣ်လီၤ.