လံာ်စီၤပၤအခီၣ်ထံးတဘ့ၣ် 1:1 - Sgaw Karen Common Bible

¹ ခဲအံၤစီၤပၤစီၤဒၤဝံးမ့ၢ်ပှၤတဂၤလၢအသးပှၢ်ဒိၣ်မး, ဒီးအခ့အပှၤတဖၣ်လုးဘၢအီၤလၢယၣ်လုးတဖၣ်ဒၣ်လဲာ်တလၢၤဘၣ်အီၤ လၢၤဘၣ်.

လံာ်စီၤပၤအခီၣ်ထံးတဘ့ၣ် 1:1 Iomraidhean Croise

လံာ်တၢ်ကဲထီၣ်အခီၣ်ထံး 18:11

စီၤအၤဘြၤဟၣ်ဒီးနီၢ်စၤရါသ့ၣ်တဖၣ်အသးပှၢ်ထီၣ်ဝဲဒိၣ်မးဒီး နီၢ်စၤရါန့ၣ်အပိာ်မုၣ်အလုၢ်အလၢ်တလါတဘျီန့ၣ်ဆိကတီၢ်တ့ၢ်လံ အသးလံ.

လံာ်တၢ်ကဲထီၣ်အခီၣ်ထံး 24:1

ခဲအံၤစီၤအၤဘြၤဟၣ်အသးပှၢ်ဒိၣ်မးလံ, ဒီးယွၤဆိၣ်ဂ့ၤတ့ၢ် အီၤလၢကယဲၢ်တၢ်လၢအမၤတ့ၢ်ဝဲခဲလၢာ်အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:25

အန့ၣ်ဝံၤဒီးအဝဲမၤထီၣ်တၢ်လုၢ်ထီၣ်တခါလၢယွၤအဂီၢ် ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်မၤဃူမၤဖိးတဖၣ်န့ၣ်လီၤ. ယွၤစံးဆၢအဝဲအတၢ်ထုကဖၣ်ဒီးတၢ်သံသတြိာ် လၢကီၢ်အံၣ်စရ့လးအပူၤန့ၣ်ဆိကတီၢ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:4

ဖဲစီၤဒၤဝံးကဲထီၣ်စီၤပၤန့ၣ်အသးအိၣ်အနံၣ်သၢဆံဒီးအဝဲ ပၢတၢ်အနံၣ်လွံၢ်ဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:15

လၢတၢ်န့ၣ်အဃိနီၢ်ဘၤသၡ့ဘၤလဲၤဃီၤဝဲဒ်သိးကထံၣ်ဘၣ်စီၤပၤ လၢအမံဒၢးပူၤန့ၣ်လီၤ. ဒီးစီၤပၤဒၤဝံးအသးပှၢ်ဒိၣ်နီၢ်မးဒီးဘၣ်တၢ်ကွၢ်ထွဲကဟု ကယာ်အီၤလၢပှၤၡူန့ၣ်ဖိနီၢ်အဘံၡးန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:2

လၢတၢ်န့ၣ်အဃိအဝဲအပဒိၣ်ပပှၢ်တဖၣ်စံးဘၣ်အီၤ, “တၢ်ဒိၣ်ကစၢ်စီၤပၤဧၢ, ပျဲပဃုထံၣ်န့ၢ်နၤမုၣ်လိၤဘိသးစၢ် တဂၤလၢကအိၣ်ဒီးနၤဒီးကဟုကယာ်နၤန့ၣ်တက့ၢ်. အဝဲကမံလၢနကပၤဒီးကမၤလၢၤနၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:1

ဖဲစီၤဒၤဝံးအသးပှၢ်ထီၣ်နးမးန့ၣ်အဝဲဒုးကဲထီၣ်အဖိခွါ စီၤၡလိၤမိၤလၢအံၣ်စရ့လးအစီၤပၤန့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

လံာ်ပှၤစံၣ်တဲၤတဲလီၤတၢ် 4:11

တၢ်မ့ၢ်ခုၣ်န့ၣ်, ပှၤခံဂၤမံသကိးဒီးလၢၤဝဲသ့လီၤ. ဘၣ်ဆၣ်ဒီးနအိၣ်ထဲတဂၤဧိၤန့ၣ်, နမၤလၢၤနသးကသ့ဒ်လဲၣ်.

လံာ်လူၤကၣ် 1:7

အဝဲသ့ၣ်အဖိတအိၣ်နီတဂၤဘၣ်. အဂ့ၢ်မ့ၢ်လၢ နီၢ်အ့းလံၤစါဘ့းမ့ၢ်ပှၤတူာ်ဖိဒီးအဝဲဒၣ်ဒီးစီၤစဃၤရံခံဂၤလၢာ် အသးပှၢ်ထီၣ်ဖးဒိၣ်လံအဃိန့ၣ်လီၤ.

လံာ်စီၤယိၤၡူ 13:1

အခဲအံၤစီၤယိၤၡူအသးပှၢ်ဒီးနုာ်လီၤလၢနံၣ်ဧိၤလါဧိၤ အပူၤလံ. ယွၤစံးဘၣ်အီၤ, “နသးပှၢ်လံဒီးထံကီၢ်လၢတၢ်ကဘၣ်မၤန့ၢ်အီၤန့ၣ်အိၣ်ဒံးဝဲ အါမးလီၤ.