၁ ယိၤဟၣ် 5:17 - Sgaw Karen Common Bible

¹⁷ တၢ်မၤကမၣ်တၢ်ခဲလၢာ်န့ၣ်, မ့ၢ်တၢ်ဒဲးဘးလီၤ. ဘၣ်ဆၣ်ဒီးတၢ်ဒဲးဘးလၢအတဆှၢပှၤဆူတၢ်သံန့ၣ်, အိၣ်ဝဲလီၤ.

၁ ယိၤဟၣ် 5:17 Iomraidhean Croise

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

ယၤကိာ် 1:15

အန့ၣ်ဝံၤဒီး, အတၢ်သူၣ်လီသးကွံအအၢအသီဒၢထီၣ်ဒီး ဆံးစၢ်ထီၣ်တၢ်ဒဲးဘး, ဒီးတၢ်ဒဲးဘးအံၤတုၤအဒိၣ်တုာ်ခိၣ်ပှဲၤ ဒီးဆံးစၢ်ထီၣ်ဝဲတၢ်သံန့ၣ်လီၤ.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.

၁ ယိၤဟၣ် 3:4

ကယဲၢ်ပှၤတဂၤလၢ်လၢ်လၢအမၤတၢ်ဒဲးဘးန့ၣ်, လုၣ်သ့ၣ်ခါပတာ်ကစၢ်ယွၤအတၢ်သိၣ်တၢ်သီလီၤ. အဂ့ၢ်ဒ်အံၤ, တၢ်ဒဲးဘးမ့ၢ်တၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီလီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.