၁ ယိၤဟၣ် 5:10 - Sgaw Karen Common Bible

¹⁰ လၢတၢ်န့ၣ်အဃိ, ပှၤလၢအစူၢ်က့ၤနာ်က့ၤကစၢ်ယွၤအဖိခွါ န့ၣ်အိၣ်ဒီးတၢ်အုၣ်အသးအံၤလၢအသးကံၢ်ပူၤ, ဘၣ်ဆၣ်ဒီးပှၤလၢအတစူၢ်တနာ်ကစၢ်ယွၤန့ၣ်ဒုးကဲထီၣ် ယွၤလၢပှၤလီတၢ်, မ့ၢ်လၢအဝဲတနာ်ယွၤအတၢ်အုၣ်အသးဘၣ်ဃးဒီးအဖိခွါ အဂ့ၢ်အကျိၤဘၣ်အဃိလီၤ.

၁ ယိၤဟၣ် 5:10 Iomraidhean Croise

လံာ်စီၤယိၤဘး 24:25

ဒီးမ့တမ့ၢ်ဘၣ်ဒ်န့ၣ်ဒီး, မ့ၢ်မတၤတဂၤကဒုးနဲၣ်ယၤလၢယမ့ၢ် ပှၤလီတၢ်, ဒီးယတၢ်ကတိၤမ့ၢ်တၢ်ကလီကလီန့ၣ်လဲၣ်.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

တၢ်ကတိၤဒိ. 3:32

အဂ့ၢ်ဒ်အံၤ, ယွၤသးဟ့ပှၤလၢအမၤတၢ်အၢတၢ်သီလီၤ. မ့မ့ၢ်ပှၤအတီအလိၤတဖၣ်န့ၣ်တူၢ်လိာ်ဝဲဆူအတၢ်ရ့လိာ်မုာ်လိာ် အပူၤလီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယံးရမံယၤ 15:18

ဘၣ်မနုၤအဃိယတူၢ်ဘၣ်ဒံးဒၣ်တၢ်နးတၢ်ဖှီၣ်န့ၣ်လဲၣ်. ဘၣ်မနုၤ အဃိတဘျါက့ၤဝဲန့ၣ်လဲၣ်. မ့ၢ်နပာ်လီၤနသးလၢနကမၤ သးဟးဂီၤယၤဒ်ထံကျိဖိတဘိလၢအလီၤသံးကွံာ်ဝဲလၢတၢ်ကိၢ်ခါ အသိးန့ၣ်ဧါ.”

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 3:18

ပှၤလၢအစူၢ်က့ၤနာ်က့ၤအီၤန့ၣ်ယွၤတစံၣ်ညီၣ်အီၤဘၣ်. မ့မ့ၢ်ပှၤလၢအတစူၢ်တနာ်အီၤန့ၣ်ယွၤစံၣ်ညီၣ်တ့ၢ်လံ အီၤမ့ၢ်လၢအဝဲတစူၢ်တနာ်ဘၣ်ယွၤအဖိခွါထဲတဂၤဧိၤ အဃိလီၤ.

လံာ်ယိၤဟၣ် 3:33

ပှၤတဂၤလၢ်လၢ်လၢအအၢၣ်လီၤတူၢ်လိာ်အတၢ်ကစီၣ်န့ၣ်, ပာ်ဂၢၢ်ပာ်ကျၢၤဝဲလီၤတံၢ်လီၤဆဲးလၢကစၢ်ယွၤ န့ၣ်တီဝဲလိၤဝဲလီၤ.

လံာ်ယိၤဟၣ် 5:38

ဒီးသုတဟံးဃာ်ယွၤအကလုၢ်ကထါလၢသုသးကံၢ်ပူၤဘၣ်. မ့ၢ်လၢသုတနာ်ပှၤလၢပၢ်မၢလီၤအီၤတဂၤန့ၣ်အဃိလီၤ.

မၤတၢ် 8:37

(စီၤဖံလံးပူးစံးဘၣ်အီၤ, “နမ့ၢ်နာ်ယ့ၣ်ၡူးခရံာ်လၢနသးဒီဖျၢၣ်ညါဒီး, နဒိးဘျၢနသးလၢထံသ့ဝဲဒၣ်လီၤ.” အဝဲဒၣ်စံးဆၢက့ၤအီၤ, “ယနာ်လၢယ့ၣ်ၡူးခရံာ်မ့ၢ်ကစၢ်ယွၤအဖိခွါန့ၣ်လီၤ.”)

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

ကလၤတံ 4:1

ခဲကနံၣ်အံၤ, တၢ်လၢယကစံးကတိၤအါထီၣ်မ့ၢ်ဒ်အံၤလီၤ. ဖိခွါတဂၤလၢအကဒိးန့ၢ်ဘၣ်အပၢ်အတၢ်စုလီၢ်ခီၣ်ခိၣ်န့ၣ်, ဖဲအသးစၢ်ဒံးအခါတၢ်ပာ်အီၤဒ်ကုၢ်တဂၤအသိးလီၤ. အနီၢ်နီၢ်တခီတၢ်စုလီၢ်ခီၣ်ခိၣ်ခဲလၢာ်မ့ၢ်အဝဲဒၣ်အတၢ်လီၤ.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

၁ ယိၤဟၣ် 1:10

ပမ့ၢ်စံးလၢပတမၤဘၣ်တၢ်ဒဲးဘးန့ၣ်, ပဒုးကဲထီၣ်ကစၢ်ယွၤလၢ ပှၤလီတၢ်ဒီးအကလုၢ်ကထါတအိၣ်ဘၣ်လၢပပူၤဘၣ်.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

လံာ်လီၣ်ဖျါ 12:17

ပယိၤသူၣ်ဒိၣ်သးဖျိးပိာ်မုၣ်ဒီးဟးထီၣ်ဝဲဒ်သိးအကဒုး တၢ်ထီဒါအဝဲဒၣ်အစၢၤအသွဲၣ်အဂၤတဖၣ်, ကယဲၢ်ပှၤတဖၣ်လၢအဒိကနၣ်ကစၢ်ယွၤအတၢ်မၤလိာ်တဖၣ်ဒီး အသးတီဝဲလၢတၢ်အုၣ်အသးလၢယ့ၣ်ၡူးအဂ့ၢ်န့ၣ်လီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 2:28

ယကဟ့ၣ်အဝဲသ့ၣ်တၢ်စိတၢ်ကမီၤလၢထံကီၢ်တဖၣ်အဖီခိၣ်, ဒ်သိးအကပၢအဝဲသ့ၣ်လၢနီၣ်တီၢ်ထးဒီးအကမၤသဘှံး အဝဲသ့ၣ်ဒ်သပၢၤဟီၣ်ခိၣ်တဖၣ်အသိးန့ၣ်လီၤ. ယကဟ့ၣ်စ့ၢ်ကီးအဝဲသ့ၣ်လၢဆၣ်တူၢ်ဂီၤန့ၣ်လီၤ.