၁ ယိၤဟၣ် 5:1 - Sgaw Karen Common Bible

¹ ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

၁ ယိၤဟၣ် 5:1 Iomraidhean Croise

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်လူၤကၣ် 7:5

အဝဲဒၣ်အဲၣ်ပပှၤကလုာ်, ဒီးအဝဲအနီၢ်ကစၢ်ဒၣ်ဝဲသူၣ်ထီၣ်ဘူၣ်ဘျီၣ်လၢ အမ့ၢ်တၢ်ဘါလီၢ်တဖျၢၣ်လၢပဂီၢ်လီၤ.”

လံာ်ယိၤဟၣ် 1:3

ခီဖျိအီၤန့ၣ်တၢ်ခဲလၢာ်ကဲထီၣ်ဝဲဒီးတၢ်လၢအဘၣ်တၢ်တ့အီၤ ခဲလၢာ်န့ၣ်တကဲထီၣ်လၢအစုပူၤဘၣ်ဒီးတအိၣ်ဘၣ်နီတမံၤဘၣ်.

လံာ်ယိၤဟၣ် 15:23

ပှၤတဂၤလၢ်လၢ်လၢအသးဟ့ယၤန့ၣ်, သးဟ့ယပၢ်စ့ၢ်ကီးလီၤ.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

မၤတၢ် 8:37

(စီၤဖံလံးပူးစံးဘၣ်အီၤ, “နမ့ၢ်နာ်ယ့ၣ်ၡူးခရံာ်လၢနသးဒီဖျၢၣ်ညါဒီး, နဒိးဘျၢနသးလၢထံသ့ဝဲဒၣ်လီၤ.” အဝဲဒၣ်စံးဆၢက့ၤအီၤ, “ယနာ်လၢယ့ၣ်ၡူးခရံာ်မ့ၢ်ကစၢ်ယွၤအဖိခွါန့ၣ်လီၤ.”)

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 1:3

မ်ပစံးဘျုးကစၢ်ယွၤ, ပကစၢ်ယ့ၣ်ၡူးခရံာ်အပၢ်န့ၣ်တက့ၢ်. မ့ၢ်လၢအတၢ်သးကညီၤဒိၣ်ဝဲအဃိ, အဝဲဟ့ၣ်လီၤပှၤတၢ်မူအသီခီဖျိအဒုးဂဲၤဆၢထၢၣ်က့ၤယ့ၣ်ၡူး ခရံာ်လၢတၢ်သံန့ၣ်လီၤ. တၢ်အံၤမၤပှဲၤပှၤဒီးတၢ်မုၢ်လၢ်အမူ,

၁ ယိၤဟၣ် 2:10

ပှၤတဂၤဂ့ၤတဂၤဂ့ၤလၢအအဲၣ်အဒီပုၢ်ဝဲၢ်န့ၣ်အိၣ်မူလၢ တၢ်ကပီၤအပူၤ, ဒီးလၢအပူၤန့ၣ်တၢ်လီၤကမၣ်အလီၢ် တအိၣ်ဘၣ်နီတမံၤဘၣ်.

၁ ယိၤဟၣ် 2:29

သုသ့ၣ်ညါလၢခရံာ်န့ၣ်တီဝဲလိၤဝဲလီၤ. မ့မ့ၢ်ဒ်န့ၣ်ဒီး, သုကြၢးသ့ၣ်ညါလၢပှၤကိးဂၤဒဲးလၢအမၤတၢ်လၢအဘၣ် န့ၣ်, မ့ၢ်ကစၢ်ယွၤအဖိန့ၣ်လီၤ.

၁ ယိၤဟၣ် 3:14

ပသ့ၣ်ညါလၢပခီဂာ်လၢတၢ်သံဆူတၢ်မူ, မ့ၢ်လၢပအဲၣ်ပဒီပုၢ်ဝဲၢ် အဃိလီၤ. မတၤတဂၤဂ့ၤတဂၤဂ့ၤလၢအတအဲၣ်ဘၣ်အဒီ ပုၢ်ဝဲၢ်န့ၣ်, အိၣ်ဒံးဒၣ်လၢတၢ်သံအပူၤန့ၣ်လီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.

၁ ယိၤဟၣ် 3:9

မတၤတဂၤဂ့ၤတဂၤဂ့ၤလၢအမ့ၢ်ကစၢ်ယွၤအဖိန့ၣ်, တမၤလၢၤ တၢ်ဒဲးဘးဘၣ်. မ့ၢ်လၢကစၢ်ယွၤအန့ဆၢၣ်အိၣ်လၢအပူၤ အဃိလီၤ. ဒီးမ့ၢ်လၢကစၢ်ယွၤမ့ၢ်အဝဲဒၣ်အပၢ်အဃိ, အဝဲဒၣ်မၤတၢ်ဒဲးဘးတသ့လၢၤဘၣ်.

၁ ယိၤဟၣ် 4:2

သုသ့ၣ်ညါနီၤဖးယွၤအသးကသ့ဝဲလၢကျဲဒ်အံၤလီၤ. ပှၤတဂၤဂၤလၢအစံးလၢယ့ၣ်ၡူးခရံာ်ဟဲဝဲဒ်ပှၤဟီၣ်ခိၣ်ဖိတဂၤ အသိးန့ၣ်, အိၣ်ဒီးယွၤအသးလီၤ.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.

၁ ယိၤဟၣ် 5:18

ပသ့ၣ်ညါလၢပှၤလၢအမ့ၢ်ကစၢ်ယွၤအဖိန့ၣ်, တမၤလၢၤတၢ်ဒဲးဘးဘၣ်. အဂ့ၢ်ဒ်လဲၣ်န့ၣ်, ယွၤအဖိခွါပၢၤဃာ်အီၤဒီးတၢ်အၢတၢ်သီတဂၤန့ၣ်မၤဘၣ်ဒိဘၣ်ထံးအီၤ တသ့ဘၣ်အဃိန့ၣ်လီၤ.

၁ ယိၤဟၣ် 5:4

မ့ၢ်လၢကစၢ်ယွၤအဖိကိးဂၤဒဲးမၤနၢၤဟီၣ်ခိၣ်သ့အဃိန့ၣ်လီၤ. အအံၤမ့ၢ်ပတၢ်မၤနၢၤဟီၣ်ခိၣ်ခီဖျိပတၢ်စူၢ်တၢ်နာ်န့ၣ်လီၤ.

၁ ယိၤဟၣ် 5:5

မတၤမၤနၢၤဟီၣ်ခိၣ်သ့တဂၤလဲၣ်. မ့ၢ်ဒၣ်ထဲပှၤလၢအနာ်ဝဲလၢယ့ၣ်ၡူးမ့ၢ်ကစၢ်ယွၤအဖိခွါဧိၤ န့ၣ်လီၤ.