၁ ယိၤဟၣ် 4:5 - Sgaw Karen Common Bible

⁵ ဝံအဘျၣ်တဖၣ်အံၤကတိၤတၢ်ဂ့ၢ်တဖၣ်လၢအဘၣ်ဃးဒီး ဟီၣ်ခိၣ်, ဒီးဟီၣ်ခိၣ်ဒိကနၣ်အဝဲသ့ၣ်မ့ၢ်လၢအဝဲသ့ၣ်ဘၣ်ဃးဒီး ဟီၣ်ခိၣ်အဃိန့ၣ်လီၤ.

၁ ယိၤဟၣ် 4:5 Iomraidhean Croise

စံးထီၣ်ပတြၢၤ 17:4

ယတကတိၤတၢ်အၢတၢ်သီ, ဒ်ပှၤဂၤစံးကတိၤအသိးန့ၣ်ဘၣ်. ယဒိကနၣ်တ့ၢ်နတၢ်မၤလိာ် ဒီးတလူၤပိာ်ထွဲယဲ တၢ်စုဆူၣ်ခီၣ်တကးအကျဲန့ၣ်ဘၣ်.

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

လံာ်ယိၤဟၣ် 17:14

ယဟ့ၣ်လီၤအဝဲသ့ၣ်လၢနကလုၢ်ကထါဒီးဟီၣ်ခိၣ်သးဟ့ အဝဲသ့ၣ်, မ့ၢ်လၢအဝဲသ့ၣ်တဘၣ်ဃးဘၣ်ဒီးဟီၣ်ခိၣ်, ဒ်ယတဘၣ်ဃးဒီးဟီၣ်ခိၣ်အသိးန့ၣ်လီၤ.

လံာ်ယိၤဟၣ် 17:16

ဒ်ယတဘၣ်ဃးဘၣ်ဒီးဟီၣ်ခိၣ်အသိးန့ၣ်, အဝဲသ့ၣ်စ့ၢ်ကီးတဘၣ်ဃးဒီးဟီၣ်ခိၣ်ဘၣ်.

လံာ်ယိၤဟၣ် 3:31

“ပှၤလၢအဟဲလၢထးန့ၣ်ဒိၣ်န့ၢ်ပှၤခဲလၢာ်ဒီးအိၣ်လၢတၢ်ခဲလၢာ် အဖီခိၣ်လီၤ. ပှၤလၢအအိၣ်လၢဟီၣ်ခိၣ်ဘၣ်ဃးဒီးဟီၣ်ခိၣ်ဒီး ကတိၤတၢ်ဘၣ်ဃးဒီးဟီၣ်ခိၣ်လီၤ. ပှၤလၢအဟဲလၢမူခိၣ်န့ၣ်, အိၣ်လၢပှၤခဲလၢာ်အဖီခိၣ်လီၤ.

လံာ်ယိၤဟၣ် 8:23

ယ့ၣ်ၡူးစံးဆၢအဝဲသ့ၣ်, “သုဘၣ်ဃးဒီးတၢ်လၢလာ်အံၤ, မ့မ့ၢ်ယဲယဘၣ်ဃးဒီးတၢ်လၢထးလီၤ. သုဘၣ်ဃးဒီးဟီၣ်ခိၣ်အံၤ, မ့မ့ၢ်ယဲယတဘၣ်ဃးဒီးဟီၣ်ခိၣ်အံၤဘၣ်.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.