၁ ယိၤဟၣ် 4:4 - Sgaw Karen Common Bible

⁴ ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

၁ ယိၤဟၣ် 4:4 Iomraidhean Croise

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

1 ကရံၣ်သူး 2:12

ပတဒိးန့ၢ်ပဝဲသးဘၣ်ဃးဒီးဟီၣ်ခိၣ်တဘ့ၣ်အံၤဘၣ်. မ့မ့ၢ်, ပဒိးန့ၢ်တ့ၢ်ပဝဲသးလၢအဘၣ်တၢ်ဆှၢလီၤအီၤလၢကစၢ်ယွၤဒ်သိး ပကသ့ၣ်ညါတၢ်ခဲလၢာ်လၢကစၢ်ယွၤဟ့ၣ်တ့ၢ်ပှၤန့ၣ်လီၤ.

1 ကရံၣ်သူး 6:13

ပှၤအဂၤတဂၤကစံးဝဲ, “တၢ်အီၣ်န့ၣ်မ့ၢ်ဝဲလၢဟၢဖၢအဂီၢ်, ဒီးဟၢဖၢန့ၣ်လၢတၢ်အီၣ်အဂီၢ်လီၤ.” မ့ၢ်လံ. ဘၣ်ဆၣ်ဒီး ယွၤကမၤဟးဂီၤကွံာ်အီၤခံမံၤလၢာ်လီၤ. နီၢ်ခိန့ၣ်တမ့ၢ်လၢတၢ်ကသူအီၤလၢတၢ်မၤကမၣ်မုၣ်ကမၣ်ခွါအဂီၢ် န့ၣ်ဘၣ်. မ့မ့ၢ်လၢတၢ်ကမၤတၢ်လၢကစၢ်ယွၤအဂီၢ်, ဒီးကစၢ်ယွၤဟ့ၣ်တၢ်လၢနီၢ်ခိလိၣ်ဘၣ်ဝဲန့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.

၁ ယိၤဟၣ် 2:13

ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါတ့ၢ်ပှၤလၢ အအိၣ်တ့ၢ်လံလၢတၢ်အခီၣ်ထံးလံၤလံၤတဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုမၤနၢၤကွံာ်တၢ်အၢတၢ်သီတဂၤန့ၣ်အဃိလီၤ.

၁ ယိၤဟၣ် 3:20

အဂ့ၢ်ဒ်အံၤ, ပသးမ့ၢ်စံၣ်ညီၣ်ပှၤဒီး, ပသ့ၣ်ညါလၢကစၢ်ယွၤ န့ၣ်ဒိၣ်န့ၢ်ပသးတက့ၢ်ဒီးလၢအဝဲဒၣ်သ့ၣ်ညါတၢ်ခဲလၢာ် န့ၣ်လီၤ.

၁ ယိၤဟၣ် 3:24

မတၤတဂၤဂ့ၤတဂၤဂ့ၤလၢအစူၢ်ကစၢ်ယွၤအတၢ်မၤလိာ်တဖၣ် န့ၣ်, မူဝဲဒၣ်လၢကစၢ်ယွၤအပူၤဒီးကစၢ်ယွၤမူဝဲဒၣ်လၢအပူၤ လီၤ. မ့ၢ်ကစၢ်လၢယွၤအသးလၢအဝဲဟ့ၣ်လီၤတ့ၢ်လံပှၤ အဃိ, ပသ့ၣ်ညါလၢယွၤမူဝဲဒၣ်လၢပပူၤန့ၣ်လီၤ.

၁ ယိၤဟၣ် 4:13

ပသ့ၣ်ညါလီၤတံၢ်လၢပအိၣ်မူလၢကစၢ်ယွၤအပူၤဒီး အဝဲဒၣ်အိၣ်မူလၢပပူၤ, မ့ၢ်လၢအဝဲဒၣ်ဟ့ၣ်လီၤလံပှၤလၢအသးဒၣ်ဝဲအဃိ န့ၣ်လီၤ.

၁ ယိၤဟၣ် 4:16

ဒီးပကစၢ်ဒၣ်ပဝဲပသ့ၣ်ညါဒီးနာ်ကစၢ်ယွၤအတၢ်အဲၣ် တၢ်ကွံပှၤန့ၣ်လီၤ. ကစၢ်ယွၤမ့ၢ်တၢ်အဲၣ်တၢ်ကွံ, ဒီးပှၤတဂၤဂ့ၤတဂၤဂ့ၤလၢ အအိၣ်ဝဲဆိးဝဲလၢတၢ်အဲၣ်တၢ်ကွံအပူၤန့ၣ်, အိၣ်ဝဲဆိးဝဲလၢ ကစၢ်ယွၤအပူၤဒီးကစၢ်ယွၤအိၣ်ဝဲဆိးဝဲလၢအပူၤလီၤ.

၁ ယိၤဟၣ် 4:6

ဘၣ်ဆၣ်ဒီး, ပဘၣ်ဃးဒီးကစၢ်ယွၤလီၤ. မတၤတဂၤဂ့ၤတဂၤဂ့ၤလၢအသ့ၣ်ညါယွၤန့ၣ်ဒိကနၣ်ပှၤ, မ့မ့ၢ်ပှၤလၢအတဘၣ်ဃးဒီးကစၢ်ယွၤန့ၣ်တဒိကနၣ်ပှၤဘၣ်. လၢတၢ်န့ၣ်အဃိ, အဝဲအံၤမ့ၢ်ကျဲလၢပကသ့နီၤဖးကစၢ်ယွၤ အသးလၢအဘၣ်ဃးဒီးတၢ်မ့ၢ်တၢ်တီဒီးတၢ်လီတၢ်ဝ့ၤ အသးန့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

၁ ယိၤဟၣ် 5:4

မ့ၢ်လၢကစၢ်ယွၤအဖိကိးဂၤဒဲးမၤနၢၤဟီၣ်ခိၣ်သ့အဃိန့ၣ်လီၤ. အအံၤမ့ၢ်ပတၢ်မၤနၢၤဟီၣ်ခိၣ်ခီဖျိပတၢ်စူၢ်တၢ်နာ်န့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.