၁ ယိၤဟၣ် 4:3 - Sgaw Karen Common Bible

³ ဘၣ်ဆၣ်ဒီး, ပှၤတဂၤဂၤလၢအသမၢတၢ်အံၤဘၣ်ဃးဒီးယ့ၣ်ၡူး န့ၣ်, တအိၣ်ဒီးယွၤအသးဘၣ်. သးအဝဲအံၤဟဲလၢခရံာ်အဒုၣ်အဒါအအိၣ်လီၤ. သုနၢ်ဟူတ့ၢ်လၢအကဟဲဝဲ, ဒီးခဲအံၤအိၣ်လၢဟီၣ်ခိၣ်ချၢလံန့ၣ်လီၤ.

၁ ယိၤဟၣ် 4:3 Iomraidhean Croise

လံာ်မးသဲ 24:5

ပှၤအါဂၤကဟဲလၢယမံၤဒီးစံး, ‘ယမ့ၢ်ခရံာ်’ လီၤ. ဒီးအဝဲသ့ၣ်ကလီန့ၢ်ပှၤအါဂၤလီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 2:22

မ့မ့ၢ်ဒ်န့ၣ်ဒီး, ပှၤလၢအလီတၢ်မ့ၢ်မတၤတဂၤလဲၣ်. မ့ၢ်ပှၤတဂၤလၢအစံးဝဲလၢယ့ၣ်ၡူးတမ့ၢ်ခရံာ်ဘၣ် န့ၣ်လီၤ. ပှၤဒ်အံၤတဂၤမ့ၢ်ခရံာ်အဒုၣ်အဒါလီၤ. အဝဲညိကွံာ်ပၢ်ကစၢ်ဒီးဖိခွါကစၢ်ခံဂၤလၢာ်န့ၣ်လီၤ.

၂ ယိၤဟၣ် 1:7

ပှၤလီတၢ်ဝ့ၤတၢ်အါဂၤအိၣ်ထီၣ်ဝဲလၢဟီၣ်ခိၣ်ချၢလီၤ. အဝဲသ့ၣ်မ့ၢ်ပှၤတဖၣ်လၢအတအၢၣ်လီၤအီလီၤဝဲလၢ ယ့ၣ်ၡူးခရံာ်ဟဲဝဲလၢတၢ်ဖံးတၢ်ညၣ်အပူၤဘၣ်. ပှၤဒ်န့ၣ်သိးတဂၤ, မ့ၢ်ပှၤလီတၢ်ဒီးမ့ၢ်ခရံာ်အဒုၣ်အဒါ န့ၣ်လီၤ.