၁ ယိၤဟၣ် 4:16 - Sgaw Karen Common Bible

¹⁶ ဒီးပကစၢ်ဒၣ်ပဝဲပသ့ၣ်ညါဒီးနာ်ကစၢ်ယွၤအတၢ်အဲၣ် တၢ်ကွံပှၤန့ၣ်လီၤ. ကစၢ်ယွၤမ့ၢ်တၢ်အဲၣ်တၢ်ကွံ, ဒီးပှၤတဂၤဂ့ၤတဂၤဂ့ၤလၢ အအိၣ်ဝဲဆိးဝဲလၢတၢ်အဲၣ်တၢ်ကွံအပူၤန့ၣ်, အိၣ်ဝဲဆိးဝဲလၢ ကစၢ်ယွၤအပူၤဒီးကစၢ်ယွၤအိၣ်ဝဲဆိးဝဲလၢအပူၤလီၤ.

၁ ယိၤဟၣ် 4:16 Iomraidhean Croise

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

လံာ်ယၡါယၤ 64:4

ကစၢ်ယွၤဒ်နၤတဂၤအသိး, လၢအမၤတၢ်ဒ်န့ၣ်တဖၣ်လၢပှၤ လၢအပာ်အတၢ်မုၢ်လၢ်လၢနပူၤအဂီၢ်န့ၣ်ပှၤတထံၣ်တ့ၢ်ဒီးနၢ်ဟူ တ့ၢ်နီတဂၤဘၣ်.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

လံာ်ယိၤဟၣ် 9:3

ယ့ၣ်ၡူးစံးဆၢတၢ်ဒီးစံးဝဲ, “အဝဲအတၢ်မဲာ်ဘျီၣ်န့ၣ်တဘၣ်ဃးလၢအတၢ်ဒဲးဘးမ့ၢ်ဂ့ၤ, အမိၢ်အပၢ်အတၢ်ဒဲးဘးမ့ၢ်ဂ့ၤန့ၣ်ဘၣ်. မ့ၢ်ဒၣ်လၢကစၢ်ယွၤအစိကမီၤကမၤတၢ်လၢအပူၤ ဒီးကဘၣ်တၢ်ထံၣ်န့ၢ်အီၤအဂီၢ်တခီန့ၣ်လီၤ.

1 ကရံၣ်သူး 2:9

ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.

၁ ယိၤဟၣ် 3:24

မတၤတဂၤဂ့ၤတဂၤဂ့ၤလၢအစူၢ်ကစၢ်ယွၤအတၢ်မၤလိာ်တဖၣ် န့ၣ်, မူဝဲဒၣ်လၢကစၢ်ယွၤအပူၤဒီးကစၢ်ယွၤမူဝဲဒၣ်လၢအပူၤ လီၤ. မ့ၢ်ကစၢ်လၢယွၤအသးလၢအဝဲဟ့ၣ်လီၤတ့ၢ်လံပှၤ အဃိ, ပသ့ၣ်ညါလၢယွၤမူဝဲဒၣ်လၢပပူၤန့ၣ်လီၤ.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.