၁ ယိၤဟၣ် 3:6 - Sgaw Karen Common Bible

⁶ သတးဒီးကယဲၢ်ပှၤလၢအအိၣ်မူလၢခရံာ်အပူၤန့ၣ်, တမၤလၢၤတၢ်ဒဲးဘးဘၣ်. ဘၣ်ဆၣ်ဒီးပှၤတဂၤလၢ်လၢ်လၢ အမၤဒံးတၢ်ဒဲးဘးန့ၣ်, မ့ၢ်ပှၤလၢအတထံၣ်ဘၣ် အီၤဒီးတသ့ၣ်ညါတ့ၢ်ဘၣ်အီၤနီတဘျီဒံးဘၣ်န့ၣ်လီၤ.

၁ ယိၤဟၣ် 3:6 Iomraidhean Croise

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

၁ ယိၤဟၣ် 2:3

ပမ့ၢ်စူၢ်ကစၢ်ယွၤအတၢ်မၤလိာ်တဖၣ်ဒီး, ပသ့ၣ်ညါလီၤတံၢ်လၢပသ့ၣ်ညါအီၤန့ၣ်လီၤ.

၁ ယိၤဟၣ် 2:4

ပှၤတဂၤဂၤမ့ၢ်စံးလၢယသ့ၣ်ညါအီၤ, ဒီးမ့ၢ်တစူၢ်ဘၣ် အတၢ်မၤလိာ်တဖၣ်ဘၣ်ဒီး, ပှၤဒ်န့ၣ်အသိးတဂၤန့ၣ် မ့ၢ်ပှၤလၢအလီတၢ်ဒီးတၢ်မ့ၢ်တၢ်တီတအိၣ်လၢအပူၤဘၣ်.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

၁ ယိၤဟၣ် 3:9

မတၤတဂၤဂ့ၤတဂၤဂ့ၤလၢအမ့ၢ်ကစၢ်ယွၤအဖိန့ၣ်, တမၤလၢၤ တၢ်ဒဲးဘးဘၣ်. မ့ၢ်လၢကစၢ်ယွၤအန့ဆၢၣ်အိၣ်လၢအပူၤ အဃိလီၤ. ဒီးမ့ၢ်လၢကစၢ်ယွၤမ့ၢ်အဝဲဒၣ်အပၢ်အဃိ, အဝဲဒၣ်မၤတၢ်ဒဲးဘးတသ့လၢၤဘၣ်.

၁ ယိၤဟၣ် 4:8

မတၤတဂၤဂ့ၤတဂၤဂ့ၤလၢအတအဲၣ်တၢ်ကွံတၢ်န့ၣ်, တသ့ၣ်ညါကစၢ်ယွၤဘၣ်. အဂ့ၢ်ဒ်လဲၣ်န့ၣ်, ကစၢ်ယွၤမ့ၢ်တၢ်အဲၣ်တၢ်ကွံလီၤ.

၁ ယိၤဟၣ် 5:18

ပသ့ၣ်ညါလၢပှၤလၢအမ့ၢ်ကစၢ်ယွၤအဖိန့ၣ်, တမၤလၢၤတၢ်ဒဲးဘးဘၣ်. အဂ့ၢ်ဒ်လဲၣ်န့ၣ်, ယွၤအဖိခွါပၢၤဃာ်အီၤဒီးတၢ်အၢတၢ်သီတဂၤန့ၣ်မၤဘၣ်ဒိဘၣ်ထံးအီၤ တသ့ဘၣ်အဃိန့ၣ်လီၤ.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.