၁ ယိၤဟၣ် 3:22 - Sgaw Karen Common Bible

²² တၢ်လၢပဃ့တမံၤလၢ်လၢ်န့ၣ်ပဒိးန့ၢ်လၢအီၤ, မ့ၢ်လၢပစူၢ် အတၢ်မၤလိာ်တဖၣ်ဒီးမၤတၢ်လၢအဘၣ်အသးအဃိန့ၣ်လီၤ.

၁ ယိၤဟၣ် 3:22 Iomraidhean Croise

လံာ်စီၤယိၤဘး 22:26

တုၤနုၤတစုနကထံၣ်န့ၢ်တၢ်သးမုာ်လၢသ့တၢ်လၢာ်ကစၢ်ယွၤ အပူၤသပှၢ်တၢၢ်ဒီးနကမိာ်ထီၣ်နခိၣ်ဆူယွၤအအိၣ်န့ၣ်လီၤ.

စံးထီၣ်ပတြၢၤ 10:17

ယွၤဧၢ, နကဒိကနၣ်ပှၤလၢ အဆီၣ်လီၤအသးအတၢ်ထုကဖၣ်န့ၣ်လီၤ. နကမၤဆူၣ်ထီၣ်အသးအဂံၢ်အဘါလီၤ.

စံးထီၣ်ပတြၢၤ 34:4

ယဃုယွၤဒီးအဝဲဒၣ်စံးဆၢယၤ, ဒီးမၤပူၤဖျဲးယၤလၢကယဲၢ် ယတၢ်ဘၣ်ယိၣ်ခဲလၢာ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

တၢ်ကတိၤဒိ. 15:29

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤဒိကနၣ်ဝဲလီၤ. မ့မ့ၢ်ယွၤတကနာ်ဃုာ်ဘၣ်ပှၤအအၢအသီတဖၣ်ဘၣ်.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မၢ်ကူး 11:24

လၢတၢ်န့ၣ်အဃိယစံးဘၣ်သု, တုၤသုဘါထုကဖၣ်ဒီးဃ့တၢ်တမံၤ မံၤန့ၣ်, နာ်လၢသုန့ၢ်ဘၣ်လံအီၤ, ဒီးသုကန့ၢ်ဘၣ်သုဝဲလီၤ.

လံာ်ယိၤဟၣ် 14:13

ဖဲဒၣ်သုဃ့တၢ်တမံၤလၢ်လၢ်လၢယမံၤန့ၣ် ယကမၤယဲ, ဒ်သိးပၢ်အလၤကပီၤကအိၣ်ဖျါထီၣ်ဝဲဒၣ်ခီဖျိဖိခွါအံၤန့ၣ်လီၤ.

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

လံာ်ယိၤဟၣ် 6:29

ယ့ၣ်ၡူးစံးဆၢတၢ်ဒီးစံးဝဲ, “တၢ်လၢကစၢ်ယွၤဘၣ်အသး လၢသုကမၤန့ၣ်, မ့ၢ်တၢ်စူၢ်က့ၤနာ်က့ၤပှၤလၢအဝဲမၢလီၤဝဲ တဂၤန့ၣ်လီၤ.”

လံာ်ယိၤဟၣ် 8:29

ဒီးပှၤလၢအမၢလီၤယၤတဂၤန့ၣ်, အိၣ်ဒီးယၤလီၤ. အဝဲတပာ်တ့ၢ်ယၤထဲတဂၤဧိၤဘၣ်. အဂ့ၢ်မ့ၢ်လၢယမၤအတၢ်ဘၣ်အသးထီဘိတထံၣ်ဃီအဃိလီၤ.”

လံာ်ယိၤဟၣ် 9:31

ပသ့ၣ်ညါလၢကစၢ်ယွၤတဒိကနၣ်ပှၤတၢ်ဒဲးဘးဖိတဖၣ် န့ၣ်ဘၣ်. မ့မ့ၢ်အဝဲဒိကနၣ်ပှၤလၢအယူးယီၣ်အီၤ ဒီးမၤတၢ်လၢအဘၣ်အသးန့ၣ်လီၤ.

မၤတၢ် 17:30

ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

ယၤကိာ် 4:3

ဒီးဖဲသုဃ့တၢ်န့ၣ်သုတဒိးန့ၢ်အီၤဘၣ်, အဂ့ၢ်မ့ၢ်လၢသုတၢ်တိာ်တဖၣ်အၢဝဲသီဝဲအဃိလီၤ. သုဃ့တၢ်လၢသုကသူအီၤလၢသုတၢ်မုာ်လၤသးဖှံဒၣ်ဝဲ အဂီၢ်အဃိန့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

၁ ယိၤဟၣ် 2:3

ပမ့ၢ်စူၢ်ကစၢ်ယွၤအတၢ်မၤလိာ်တဖၣ်ဒီး, ပသ့ၣ်ညါလီၤတံၢ်လၢပသ့ၣ်ညါအီၤန့ၣ်လီၤ.

၁ ယိၤဟၣ် 5:14

ပအိၣ်ဒီးတၢ်သူၣ်ဒူသးဒူလၢကစၢ်ယွၤအမဲာ်ညါ, မ့ၢ်လၢပနာ်လၢပမ့ၢ်ဃ့တၢ်တမံၤမံၤဒ်အတၢ်ဘၣ်အသး အသိးဒီး, အဝဲဒၣ်ကဒိကနၣ်ပှၤအဃိန့ၣ်လီၤ.