၁ ယိၤဟၣ် 3:21 - Sgaw Karen Common Bible

²¹ လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ပသးမ့ၢ်တစံၣ်ညီၣ် ပှၤဒီး, ပအိၣ်ဒီးတၢ်သူၣ်ဒူသးဒူလၢကစၢ်ယွၤအမဲာ်ညါလီၤ.

၁ ယိၤဟၣ် 3:21 Iomraidhean Croise

လံာ်စီၤယိၤဘး 22:26

တုၤနုၤတစုနကထံၣ်န့ၢ်တၢ်သးမုာ်လၢသ့တၢ်လၢာ်ကစၢ်ယွၤ အပူၤသပှၢ်တၢၢ်ဒီးနကမိာ်ထီၣ်နခိၣ်ဆူယွၤအအိၣ်န့ၣ်လီၤ.

လံာ်စီၤယိၤဘး 27:6

ယဟံးဃးယတၢ်တီတၢ်လိၤဒီးယတပျၢ်ဘၣ်အီၤဘၣ်. ယသးတသိၣ်ဃီၣ်ဘၣ်ယၤတစိၤဒၣ်ယၤလီၤ.

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

ရိမ့ၤ 14:22

ပၢၤဃာ်တၢ်လၢနနာ်ဘၣ်ထွဲဒီးတၢ်ဂ့ၢ်အံၤလၢနကစၢ်ဒၣ်နဲ ဒီးကစၢ်ယွၤအဘၢၣ်စၢၤန့ၣ်တက့ၢ်. ပှၤလၢအတစံၣ်ညီၣ်ဃၣ်လီၤအသးဖဲအမၤတၢ်လၢအဆိ ကမိၣ်ဝဲလၢအဘၣ်န့ၣ်, မ့ၢ်ပှၤတဂၤလၢအသးခုနီၢ်နီၢ်န့ၣ်လီၤ.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

၁ ယိၤဟၣ် 2:7

ယတံၤသကိးသးဘိသ့ၣ်ဧၢ, တၢ်မၤလိာ်လၢယကွဲးန့ၢ်သုအံၤ တမ့ၢ်တၢ်အသီဘၣ်. မ့ၢ်တၢ်မၤလိာ်အလီၢ်လံၤလၢသုဒိးန့ၢ်ဘၣ်တ့ၢ်လံလၢတၢ် အခီၣ်ထံးလံၤလံၤန့ၣ်လီၤ. တၢ်မၤလိာ်အလီၢ်လံၤအံၤ မ့ၢ်တၢ်ကစီၣ်လၢသုနၢ်ဟူတ့ၢ်လံန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

၁ ယိၤဟၣ် 3:20

အဂ့ၢ်ဒ်အံၤ, ပသးမ့ၢ်စံၣ်ညီၣ်ပှၤဒီး, ပသ့ၣ်ညါလၢကစၢ်ယွၤ န့ၣ်ဒိၣ်န့ၢ်ပသးတက့ၢ်ဒီးလၢအဝဲဒၣ်သ့ၣ်ညါတၢ်ခဲလၢာ် န့ၣ်လီၤ.

၁ ယိၤဟၣ် 4:17

တၢ်အဲၣ်တၢ်ကွံဘၣ်တၢ်မၤလၢထီၣ်ပှဲၤထီၣ်လၢပပူၤ, ဒ်သိးပကအိၣ်ဒီးတၢ်သးဒူလၢမုၢ်စံၣ်ညီၣ်အနံၤ အဂီၢ်န့ၣ်လီၤ. အဂ့ၢ်ဒ်အံၤ, လၢဟီၣ်ခိၣ်ချၢအံၤဒၣ်လဲာ် ပတၢ်အိၣ်မူမ့ၢ်တၢ်တမံၤဃီဒီးခရံာ်အတၢ်အိၣ်မူန့ၣ်လီၤ.

၁ ယိၤဟၣ် 5:14

ပအိၣ်ဒီးတၢ်သူၣ်ဒူသးဒူလၢကစၢ်ယွၤအမဲာ်ညါ, မ့ၢ်လၢပနာ်လၢပမ့ၢ်ဃ့တၢ်တမံၤမံၤဒ်အတၢ်ဘၣ်အသး အသိးဒီး, အဝဲဒၣ်ကဒိကနၣ်ပှၤအဃိန့ၣ်လီၤ.