၁ ယိၤဟၣ် 3:2 - Sgaw Karen Common Bible

² ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

၁ ယိၤဟၣ် 3:2 Iomraidhean Croise

လံာ်စီၤယိၤဘး 19:26

တၢ်ဆူးတၢ်ဆါမ့ၢ်အီၣ်ကွံာ်ယဖံးဒၣ်လဲာ်, ဖဲယအိၣ်ဒံးဒီးနီၢ် ခိအံၤန့ၣ်ယကထံၣ်ဘၣ်ကစၢ်ယွၤလီၤ.

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်မၤလကံ 3:2

ဘၣ်ဆၣ်ဒီး, မုၢ်တနံၤလၢအဝဲဟဲန့ၣ်မ့ၢ်မတၤတူၢ်ကကဲန့ၣ်လဲၣ်. ဒီးတုၤအဝဲအိၣ်ဖျါထီၣ်န့ၣ်မ့ၢ်မတၤကပူၤဖျဲးန့ၣ်လဲၣ်. အဝဲကလီၤဂာ်ဒ်ပှၤဆှုၣ်တၢ်အချါသိမ့ၢ်ဂ့ၤ, ဒ်မ့ၣ်အူလၢအမၤကဆှီ, တိၢ်ဒီးထးတဖၣ်မ့ၢ်ဂ့ၤန့ၣ်လီၤ.

လံာ်မးသဲ 5:8

ပှၤလၢအသးကဆှီတဖၣ်န့ၣ်, မ့ၢ်ပှၤတဖၣ်လၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကထံၣ်ဘၣ်ကစၢ်ယွၤလီၤ.

လံာ်လူၤကၣ် 17:30

တၢ်ကမၤအသးဒ်န့ၣ်အသိးဖဲမုၢ်တနံၤလၢပှၤကညီဖိခွါဘၣ် တၢ်လီၣ်ဖျါထီၣ်အီၤန့ၣ်လီၤ.

လံာ်လူၤကၣ် 20:36

အဝဲသ့ၣ်လီၤဂာ်ဒီးကလူးတဖၣ်, ဒီးသံဝဲတသ့ဘၣ်. အဝဲသ့ၣ်မ့ၢ်ကစၢ်ယွၤအဖိတဖၣ်, အဂ့ၢ်မ့ၢ်လၢအဂဲၤဆၢထၢၣ်က့ၤလံဝဲလၢတၢ်သံအဃိန့ၣ်လီၤ.

လံာ်ယိၤဟၣ် 1:12

ဘၣ်ဆၣ်ဒီးပှၤတနီၤန့ၣ်တူၢ်လိာ်အီၤဒီးနာ်အီၤသတးဒီး အဝဲဒၣ်ဒုးကဲထီၣ်အီၤလၢကစၢ်ယွၤအဖိတဖၣ်န့ၣ်လီၤ.

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

ရိမ့ၤ 8:18

ယပာ်ယသးလၢတၢ်နးတၢ်ဖှီၣ်လၢပတူၢ်ဘၣ်အီၤလၢ ဆၢကတီၢ်ခဲအံၤန့ၣ်, ပထိၣ်သတြီၤအီၤဒီးတၢ်လၤကပီၤလၢ အကဘၣ်တၢ်လီၣ်ဖျါထီၣ်န့ၢ်ပှၤန့ၣ်တသ့လ့ၤတက့ၤဘၣ်န့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

1 ကရံၣ်သူး 15:49

ဒီးဒ်ပဒိးဘၣ်ပှၤလၢအဘၣ်တၢ်တ့အီၤလၢဟီၣ်ခိၣ်တဂၤအက့ၢ် အဂီၤအသိးန့ၣ်, ပကဒိးဘၣ်စ့ၢ်ကီးပှၤတဂၤလၢအဟဲလၢမူခိၣ် အက့ၢ်အဂီၤစ့ၢ်ကီးန့ၣ်လီၤ.

1 ကရံၣ်သူး 2:9

ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

ကလီးစဲ 3:4

သုတၢ်မူနီၢ်နီၢ်မ့ၢ်ခရံာ်ဒီးတုၤခရံာ်ဒုးနဲၣ်ဖျါကဒီးအသး အိၣ်ဒီးအစိကမီၤအလၤကပီၤန့ၣ်ဒီး, သုဝဲစ့ၢ်ကီးသုကအိၣ်ဖျါထီၣ်ဃုာ်ဒီးအီၤဒီးဒိးဃုာ်တၢ်လၤ ကပီၤဒီးအီၤန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

၁ ယိၤဟၣ် 2:7

ယတံၤသကိးသးဘိသ့ၣ်ဧၢ, တၢ်မၤလိာ်လၢယကွဲးန့ၢ်သုအံၤ တမ့ၢ်တၢ်အသီဘၣ်. မ့ၢ်တၢ်မၤလိာ်အလီၢ်လံၤလၢသုဒိးန့ၢ်ဘၣ်တ့ၢ်လံလၢတၢ် အခီၣ်ထံးလံၤလံၤန့ၣ်လီၤ. တၢ်မၤလိာ်အလီၢ်လံၤအံၤ မ့ၢ်တၢ်ကစီၣ်လၢသုနၢ်ဟူတ့ၢ်လံန့ၣ်လီၤ.

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

၁ ယိၤဟၣ် 3:21

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ပသးမ့ၢ်တစံၣ်ညီၣ် ပှၤဒီး, ပအိၣ်ဒီးတၢ်သူၣ်ဒူသးဒူလၢကစၢ်ယွၤအမဲာ်ညါလီၤ.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

လံာ်လီၣ်ဖျါ 2:28

ယကဟ့ၣ်အဝဲသ့ၣ်တၢ်စိတၢ်ကမီၤလၢထံကီၢ်တဖၣ်အဖီခိၣ်, ဒ်သိးအကပၢအဝဲသ့ၣ်လၢနီၣ်တီၢ်ထးဒီးအကမၤသဘှံး အဝဲသ့ၣ်ဒ်သပၢၤဟီၣ်ခိၣ်တဖၣ်အသိးန့ၣ်လီၤ. ယကဟ့ၣ်စ့ၢ်ကီးအဝဲသ့ၣ်လၢဆၣ်တူၢ်ဂီၤန့ၣ်လီၤ.

လံာ်လီၣ်ဖျါ 22:4

အဝဲသ့ၣ်ကထံၣ်ဘၣ်အမဲာ်သၣ်, ဒီးအဝဲဒၣ်အမံၤကအိၣ်ကွဲးအသးလၢအဝဲသ့ၣ်အခိၣ်တိသၣ်တဖၣ် အလိၤလီၤ.