၁ ယိၤဟၣ် 3:17 - Sgaw Karen Common Bible

¹⁷ ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.

၁ ယိၤဟၣ် 3:17 Iomraidhean Croise

တၢ်ကတိၤဒိ. 12:10

ပှၤအဂ့ၤတဂၤကဟုကယာ်အဆၣ်ဖိကီၢ်ဖိတဖၣ်လီၤ. မ့မ့ၢ်, ပှၤအၢပှၤသီတဖၣ်အၢသီလၢအဆၣ်ဖိကီၢ်ဖိအဖီခိၣ်န့ၣ် လီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်လူၤကၣ် 3:11

အဝဲစံးဆၢဝဲ, “ပှၤတဂၤလၢ်လၢ်လၢအဆ့ကၤအိၣ်ခံဘ့ၣ်န့ၣ်, ကဘၣ်ဟ့ၣ်ဝဲတဘ့ၣ်ဆူပှၤလၢအတၢ်တအိၣ်နီတဘ့ၣ်, ဒီးပှၤတဂၤလၢ်လၢ်လၢအအိၣ်ဒီးတၢ်အီၣ်တၢ်အီန့ၣ်, ကဘၣ်နီၤလီၤဝဲလီၤ.”

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

ယၤကိာ် 2:15

ဒီပုၢ်ဝဲၢ်ခွါမ့တမ့ၢ်ဒီပုၢ်ဝဲၢ်မုၣ်မ့ၢ်အိၣ်ဝဲလၢအလိၣ်ဘၣ်တၢ်ကူ တၢ်သိးဒီးလၢအတအိၣ်ဒီးတၢ်အီၣ်လၢလၢလီၣ်လီၣ်ဘၣ်န့ၣ်,

ယၤကိာ် 2:16

သုမ့ၢ်စံးဘၣ်အဝဲသ့ၣ်, “ကစၢ်ယွၤဆိၣ်ဂ့ၤသုလီၤ. မၤလၢၤသုသးဒီးအီၣ်လၢအီၣ်လၢအီတက့ၢ်.” ဘၣ်ဆၣ်ဒီးသုမ့ၢ်တဟ့ၣ်အဝဲသ့ၣ်လၢတၢ်အိၣ်မူအတၢ်လိၣ် တဖၣ်ဘၣ်ဒီး, အဘျုးအိၣ်မနုၤလဲၣ်.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.