၁ ယိၤဟၣ် 3:16 - Sgaw Karen Common Bible

¹⁶ ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.

၁ ယိၤဟၣ် 3:16 Iomraidhean Croise

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:15

ဒီးယဟ့ၣ်လီၤကွံာ်ယသးသမူလၢယသိအဂီၢ်လီၤ.

လံာ်ယိၤဟၣ် 13:34

ဒီးခဲကနံၣ်အံၤယဟ့ၣ်သုတၢ်မၤလိာ်အသီတထံၣ်, အဲၣ်လိာ်ကွံလိာ်သုသးတဂၤဒီးတဂၤတက့ၢ်. ဒ်ယအဲၣ်တ့ၢ်သု အသိးန့ၣ်, သုကဘၣ်အဲၣ်လိာ်ကွံလိာ်သုသးတဂၤဒီး တဂၤဒ်န့ၣ်အသိးလီၤ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

၂ ကရံၣ်သူး 4:12

အဝဲအံၤအခီပညီမ့ၢ်ဝဲ, တၢ်သံမၤတၢ်လၢပပူၤ, ဘၣ်ဆၣ်ဒီးတၢ်မူမၤတၢ်လၢသုပူၤန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

အ့းဖ့းစူး 5:25

ဝၤသ့ၣ်ဧၢ, အဲၣ်သုမါဒ်ခရံာ်အဲၣ်တၢ်အိၣ်ဖှိၣ်ဒီးဟ့ၣ်လီၤကွံာ် အသးသမူလၢအဂီၢ်အသိးန့ၣ်တက့ၢ်.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.

၁ သ့းစၤလနံ 2:8

မ့ၢ်လၢပအဲၣ်ဘၣ်သုအဃိပအိၣ်ကတဲာ်ကတီၤပသးတမ့ၢ်ထဲလၢ ပကဒုးသ့ၣ်ညါသုလၢတၢ်သးခုကစီၣ်အဂ့ၢ်န့ၣ်ဘၣ်. မ့မ့ၢ်ပအိၣ်ကတဲာ်ကတီၤဒၣ်လဲာ်ပသးလၢပကဟ့ၣ်လီၤ ပသးသမူလၢသုဂီၢ်လီၤ. သုလုၢ်ဒိၣ်ပှ့ၤဒိၣ်ဒိၣ်မးလၢပဂီၢ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 2:6

ပှၤတဂၤဂ့ၤတဂၤဂ့ၤလၢအစံးဝဲလၢအအိၣ်မူလၢယွၤအပူၤန့ၣ်, ကြၢးအိၣ်မူဝဲဒ်ယ့ၣ်ၡူးခရံာ်အိၣ်မူတ့ၢ်ဝဲအသိးန့ၣ်လီၤ.

၁ ယိၤဟၣ် 2:9

ပှၤတဂၤဂ့ၤတဂၤဂ့ၤလၢအစံးဝဲလၢအအိၣ်လၢတၢ်ကပီၤအပူၤ ဘၣ်ဆၣ်ဒီးသးဟ့အဒီပုၢ်ဝဲၢ်န့ၣ်, အိၣ်ဒံးဒၣ်လၢတၢ်ခံးတၢ်နၤအပူၤတုၤခဲကနံၣ်အံၤလီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.