၁ ယိၤဟၣ် 3:13 - Sgaw Karen Common Bible

¹³ လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ဟီၣ်ခိၣ်မ့ၢ်သးဟ့သုဒီးတဘၣ်ကမၢကမၣ်တဂ့ၤ.

၁ ယိၤဟၣ် 3:13 Iomraidhean Croise

တၢ်ကတိၤဒိ. 29:27

ပှၤတီပှၤလိၤသးဟ့ပှၤအၢပှၤသီ, ဒီးပှၤအၢပှၤသီသးဟ့ ပှၤတီပှၤလိၤလီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 24:9

တုၤနုၤတစု, သုကဘၣ်တၢ်ဖီၣ်န့ၢ်ဒီးဘၣ်တၢ်ဟ့ၣ်လီၤသုလၢ တၢ်စံၣ်ညီၣ်ဃၣ်အဂီၢ်ဒီးသုကဘၣ်တၢ်မၤသံသုလီၤ. ပှၤဟီၣ်ခိၣ်ဖိခဲလၢာ်ကသးဟ့သုလၢယဃိလီၤ.

လံာ်မၢ်ကူး 13:13

လၢယဃိပှၤခဲလၢာ်ကသးဟ့သုလီၤ. ဘၣ်ဆၣ်ဒီးပှၤတဂၤလၢ်လၢ်လၢအအိၣ်ဂၢၢ်ကျၢၤဝဲတုၤအကတၢၢ် တစုန့ၣ်, ယွၤကအုၣ်က့ၤခီၣ်က့ၤအီၤလီၤ.

လံာ်လူၤကၣ် 21:17

ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.

လံာ်လူၤကၣ် 6:22

“ဖဲပှၤသးဟ့သု, ဒီးတတူၢ်လိာ်သု, ဒီးကတိၤတရီတပါသု, ဒီးစံးအၢစံးသီသုလၢပှၤကညီဖိခွါအံၤအဃိန့ၣ်, သုဘၣ်ဆိၣ်ဂ့ၤသုဝဲနီၢ်နီၢ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

လံာ်ယိၤဟၣ် 17:14

ယဟ့ၣ်လီၤအဝဲသ့ၣ်လၢနကလုၢ်ကထါဒီးဟီၣ်ခိၣ်သးဟ့ အဝဲသ့ၣ်, မ့ၢ်လၢအဝဲသ့ၣ်တဘၣ်ဃးဘၣ်ဒီးဟီၣ်ခိၣ်, ဒ်ယတဘၣ်ဃးဒီးဟီၣ်ခိၣ်အသိးန့ၣ်လီၤ.

လံာ်ယိၤဟၣ် 3:7

မ့ၢ်လၢယတဲဘၣ်နၤလၢသုဝဲခဲလၢာ်သုကဘၣ်အိၣ်ဖျဲၣ်ကဒီး တစုအဃိဒီး, တဘၣ်ကမၢကမၣ်တဂ့ၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

မၤတၢ် 3:12

တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

၂ တံၤမသ့း 3:12

ပှၤကိးဂၤဒဲးလၢအသးအိၣ်အိၣ်မူတၢ်အဲၣ်ထူအဲၣ်ယွၤ အတၢ်အိၣ်မူလၢယ့ၣ်ၡူးခရံာ်အပူၤန့ၣ်, ကဘၣ်တၢ်မၤအၢမၤနးအီၤလီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

လံာ်လီၣ်ဖျါ 17:7

ကလူးန့ၣ်စံးဘၣ်ယၤ, “ဘၣ်မနုၤအဃိနကမၢကမၣ်လဲၣ်. ယကတဲဘၣ်နၤတၢ်အခီပညီခူသူၣ်ဘၣ်ဃးပိာ်မုၣ်, ဒီးဘၣ်ဃးတၢ်ဒူတၢ်ဃိၤလၢအစိာ်အီၤ, တၢ်ဒူတၢ်ဃိၤလၢအအိၣ်ဒီးခိၣ်နွံဖျၢၣ်ဒီးနၢၤအဘိ တဆံန့ၣ်လီၤ.