၁ ယိၤဟၣ် 2:7 - Sgaw Karen Common Bible

⁷ ယတံၤသကိးသးဘိသ့ၣ်ဧၢ, တၢ်မၤလိာ်လၢယကွဲးန့ၢ်သုအံၤ တမ့ၢ်တၢ်အသီဘၣ်. မ့ၢ်တၢ်မၤလိာ်အလီၢ်လံၤလၢသုဒိးန့ၢ်ဘၣ်တ့ၢ်လံလၢတၢ် အခီၣ်ထံးလံၤလံၤန့ၣ်လီၤ. တၢ်မၤလိာ်အလီၢ်လံၤအံၤ မ့ၢ်တၢ်ကစီၣ်လၢသုနၢ်ဟူတ့ၢ်လံန့ၣ်လီၤ.

၁ ယိၤဟၣ် 2:7 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မးသဲ 5:43

သုနၢ်ဟူတ့ၢ်လၢတၢ်စံးတ့ၢ်ဝဲ, ‘အဲၣ်နတံၤနသကိးတဖၣ် ဒီးသးဟ့နဒုၣ်နဒါတဖၣ်တက့ၢ်.’

လံာ်ယိၤဟၣ် 13:34

ဒီးခဲကနံၣ်အံၤယဟ့ၣ်သုတၢ်မၤလိာ်အသီတထံၣ်, အဲၣ်လိာ်ကွံလိာ်သုသးတဂၤဒီးတဂၤတက့ၢ်. ဒ်ယအဲၣ်တ့ၢ်သု အသိးန့ၣ်, သုကဘၣ်အဲၣ်လိာ်ကွံလိာ်သုသးတဂၤဒီး တဂၤဒ်န့ၣ်အသိးလီၤ.

မၤတၢ် 17:19

လၢတၢ်န့ၣ်အဃိအဝဲသ့ၣ်လဲၤကိးစီၤပီလူးဆူဝ့ၢ်အကီၣ်ကး အမဲာ်ညါဖဲတၢ်လူၢ်အၤရံဒီးစံးဘၣ်အီၤ, “ပသးအိၣ်သ့ၣ်ညါဘၣ်ဃးတၢ်သိၣ်လိအသီတမံၤလၢနစံး ကတိၤလၢအဂ့ၢ်လီၤ.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

ဧ့ၤဘြံၤ 6:9

ပမ့ၢ်ကတိၤတၢ်ဒ်အံၤဘၣ်ဆၣ်ဒီး, တံၤသကိးသးဘိသ့ၣ်ဧၢ, ဖဲအဘၣ်ဃးဒီးသုန့ၣ်, ပနာ်သပှၢ်ကတၢၢ်လၢသုအိၣ်ဒီးတၢ်ဆိၣ်ဂ့ၤလၢအဂ့ၤဒၣ် တၢ်တက့ၢ်လၢအဘၣ်ဃးဒီးတၢ်အုၣ်က့ၤခီၣ်က့ၤန့ၣ်လီၤ.

၁ ယိၤဟၣ် 2:24

မၤသးဒ်န့ၣ်ဒီး, တၢ်ကစီၣ်လၢသုနၢ်ဟူတ့ၢ်လၢအခီၣ်ထံး လံၤလံၤန့ၣ်မ်အအိၣ်အဆိးလၢသုပူၤတက့ၢ်. တၢ်လၢသုနၢ်ဟူတ့ၢ်လၢအခီၣ်ထံးလံၤလံၤမ့ၢ်အိၣ်မ့ၢ်ဆိးလၢ သုပူၤဒီး, သုကအိၣ်ကဆိးလၢဖိခွါကစၢ်ဒီးလၢပၢ်ကစၢ် အပူၤထီဘိန့ၣ်လီၤ.

၁ ယိၤဟၣ် 3:11

တၢ်ကစီၣ်လၢသုနၢ်ဟူတ့ၢ်လၢအခီၣ်ထံးလံၤလံၤန့ၣ်မ့ၢ် အအံၤ, ပကဘၣ်အဲၣ်လိာ်ကွံလိာ်ပသးတဂၤဒီးတဂၤန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

၁ ယိၤဟၣ် 3:21

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ပသးမ့ၢ်တစံၣ်ညီၣ် ပှၤဒီး, ပအိၣ်ဒီးတၢ်သူၣ်ဒူသးဒူလၢကစၢ်ယွၤအမဲာ်ညါလီၤ.

၁ ယိၤဟၣ် 3:23

တၢ်လၢအဝဲမၤလိာ်မ့ၢ်အအံၤ, လၢပစူၢ်က့ၤနာ်က့ၤတၢ်လၢအဖိခွါယ့ၣ်ၡူးခရံာ်အမံၤအပူၤ, ဒီးအဲၣ်လိာ်ကွံလိာ်ပသးတဂၤဒီးတဂၤဒ်ခရံာ်မၤလိာ်တ့ၢ်ဝဲအသိးန့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

၁ ယိၤဟၣ် 4:11

တံၤသကိးသးဘိသ့ၣ်ဧၢ, ကစၢ်ယွၤမ့ၢ်အဲၣ်ပှၤထဲအံၤညါ ဒီး, ပကြၢးအဲၣ်လိာ်ကွံလိာ်ပသးတဂၤဒီးတဂၤစ့ၢ်ကီးလီၤ.

၁ ယိၤဟၣ် 4:21

ဒီးတၢ်မၤလိာ်လၢပဒိးန့ၢ်ဘၣ်လၢခရံာ်အအိၣ်မ့ၢ်အအံၤ, ပှၤလၢအအဲၣ်အကွံကစၢ်ယွၤန့ၣ်, ကဘၣ် အဲၣ်အဒီပုၢ်ဝဲၢ်စ့ၢ်ကီးလီၤ.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.