၁ ယိၤဟၣ် 2:4 - Sgaw Karen Common Bible

⁴ ပှၤတဂၤဂၤမ့ၢ်စံးလၢယသ့ၣ်ညါအီၤ, ဒီးမ့ၢ်တစူၢ်ဘၣ် အတၢ်မၤလိာ်တဖၣ်ဘၣ်ဒီး, ပှၤဒ်န့ၣ်အသိးတဂၤန့ၣ် မ့ၢ်ပှၤလၢအလီတၢ်ဒီးတၢ်မ့ၢ်တၢ်တီတအိၣ်လၢအပူၤဘၣ်.

၁ ယိၤဟၣ် 2:4 Iomraidhean Croise

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

၁ ယိၤဟၣ် 1:10

ပမ့ၢ်စံးလၢပတမၤဘၣ်တၢ်ဒဲးဘးန့ၣ်, ပဒုးကဲထီၣ်ကစၢ်ယွၤလၢ ပှၤလီတၢ်ဒီးအကလုၢ်ကထါတအိၣ်ဘၣ်လၢပပူၤဘၣ်.

၁ ယိၤဟၣ် 1:6

ပမ့ၢ်စံးလၢပရ့လိာ်မုာ်လိာ်ပသးဒီးအီၤဒီးအိၣ်မူဒံးဒၣ်လၢတၢ်ခံးတၢ်နၤအပူၤန့ၣ်, မ့ၢ်ပလီတၢ်ဒီးပတမၤဘၣ်တၢ်မ့ၢ်တၢ်တီဘၣ်.

၁ ယိၤဟၣ် 1:8

ပမ့ၢ်စံးလၢပတၢ်ဒဲးဘးတအိၣ်နီတမံၤဘၣ်ဒီး, မ့ၢ်ပလီလီၤပသးဒီးတၢ်မ့ၢ်တၢ်တီတအိၣ်လၢပပူၤဘၣ်.

၁ ယိၤဟၣ် 2:3

ပမ့ၢ်စူၢ်ကစၢ်ယွၤအတၢ်မၤလိာ်တဖၣ်ဒီး, ပသ့ၣ်ညါလီၤတံၢ်လၢပသ့ၣ်ညါအီၤန့ၣ်လီၤ.

၁ ယိၤဟၣ် 2:9

ပှၤတဂၤဂ့ၤတဂၤဂ့ၤလၢအစံးဝဲလၢအအိၣ်လၢတၢ်ကပီၤအပူၤ ဘၣ်ဆၣ်ဒီးသးဟ့အဒီပုၢ်ဝဲၢ်န့ၣ်, အိၣ်ဒံးဒၣ်လၢတၢ်ခံးတၢ်နၤအပူၤတုၤခဲကနံၣ်အံၤလီၤ.

၁ ယိၤဟၣ် 3:6

သတးဒီးကယဲၢ်ပှၤလၢအအိၣ်မူလၢခရံာ်အပူၤန့ၣ်, တမၤလၢၤတၢ်ဒဲးဘးဘၣ်. ဘၣ်ဆၣ်ဒီးပှၤတဂၤလၢ်လၢ်လၢ အမၤဒံးတၢ်ဒဲးဘးန့ၣ်, မ့ၢ်ပှၤလၢအတထံၣ်ဘၣ် အီၤဒီးတသ့ၣ်ညါတ့ၢ်ဘၣ်အီၤနီတဘျီဒံးဘၣ်န့ၣ်လီၤ.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.