၁ ယိၤဟၣ် 2:25 - Sgaw Karen Common Bible

²⁵ ဒီးတၢ်လၢခရံာ်အကစၢ်ဒၣ်ဝဲအၢၣ်လီၤလၢအကဟ့ၣ်ပှၤ အံၤန့ၣ်, မ့ၢ်တၢ်မူအထူအယိာ်န့ၣ်လီၤ.

၁ ယိၤဟၣ် 2:25 Iomraidhean Croise

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်လူၤကၣ် 18:30

ကဒိးန့ၢ်ဘၣ်တၢ်အါန့ၢ်အလီၢ်အစးတဖၣ်အစးလၢစိၤအခဲအံၤ, ဒီးတၢ်မူအထူအယိာ်လၢစိၤလၢအကဟဲန့ၣ်လီၤ.”

လံာ်ယိၤဟၣ် 10:28

ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

လံာ်ယိၤဟၣ် 12:50

ဒီးယသ့ၣ်ညါလၢအဝဲအတၢ်မၤလိာ်အံၤဟဲစိာ်တၢ်မူအထူ အယိာ်လီၤ. အဃိဒီး, တၢ်လၢယစံးကတိၤအီၤအံၤမ့ၢ်တၢ်လၢပၢ်မၢယစံး ကတိၤအီၤန့ၣ်လီၤ.”

လံာ်ယိၤဟၣ် 3:15

ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ်, ကန့ၢ်ဘၣ်တၢ်မူအထူအယိာ်န့ၣ်လီၤ.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

လံာ်ယိၤဟၣ် 6:47

ယစံးဘၣ်တဲဘၣ်သုတၢ်မ့ၢ်တၢ်တီလီၤ. ပှၤလၢအစူၢ်က့ၤနာ် က့ၤတၢ်န့ၣ်အိၣ်ဒီးတၢ်မူအထူအယိာ်လီၤ.

လံာ်ယိၤဟၣ် 6:54

ပှၤတဂၤလၢ်လၢ်လၢအအီၣ်ယညၣ်ဒီးအီယသွံၣ်န့ၣ်, အိၣ်ဒီးတၢ်မူအထူအယိာ်, ဒီးယကဒုးဂဲၤဆၢထၢၣ်က့ၤ အီၤဆူတၢ်မူလၢမုၢ်နံၤခံကတၢၢ်န့ၣ်လီၤ.

လံာ်ယိၤဟၣ် 6:68

စီၤၡံမိၣ်ပ့းတရူးစံးဆၢတၢ်ဒီးစံးဝဲ, “ကစၢ်ဧၢ, ပကလဲၤဆူမတၤတဂၤအအိၣ်လဲၣ်. နအိၣ်ဒီးတၢ်ကတိၤတဖၣ်လၢအဟ့ၣ်တၢ်မူအထူ အယိာ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 5:21

လၢတၢ်န့ၣ်အဃိ, ဒ်တၢ်ဒဲးဘးပၢတၢ်ခီဖျိတၢ်သံ အသိးန့ၣ်, ကစၢ်ယွၤအဘျုးအဖှိၣ်ပၢစ့ၢ်ကီးတၢ်ခီဖျိ တၢ်ပာ်တီပာ်လိၤပှၤ, ဒီးဆှၢပှၤဆူတၢ်မူအထူ အယိာ်ခီဖျိပကစၢ်ယ့ၣ်ၡူးခရံာ်န့ၣ်လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ကလၤတံ 6:8

အဂ့ၢ်ဒ်အံၤ, အဝဲဒၣ်မ့ၢ်သူၣ်လီၤဖျးလီၤတၢ်လၢအတၢ်သူၣ်လီ သးကွံတဖၣ်အပူၤန့ၣ်, တၢ်လၢအကကူးဘၣ်က့ၤဝဲမ့ၢ်တၢ်သံ န့ၣ်လီၤ. မ့မ့ၢ်အဝဲဒၣ်မ့ၢ်သူၣ်လီၤဖျးလီၤတၢ်လၢယွၤအသး အပူၤဒီး, ယွၤအသးကမၤစၢၤအီၤဒ်သိးအကကူးဘၣ်က့ၤဝဲတၢ်မူ အထူအယိာ်န့ၣ်လီၤ.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

၁ တံၤမသ့း 6:12

တၢ်စူၢ်တၢ်နာ်အတၢ်ဃ့ၢ်န့ၣ်ဃ့ၢ်အီၤအဂ့ၤကတၢၢ်, ဒီးမၤန့ၢ်တၢ်မူအထူအယိာ်လၢနကစၢ်ဒၣ်နဲအဂီၢ်တက့ၢ်. အဂ့ၢ်ဒ်လဲၣ်န့ၣ်, ကစၢ်ယွၤကိးတ့ၢ်နၤဆူတၢ်မူအဝဲအံၤ အပူၤဖဲနအၢၣ်လီၤဒီးမၤဂၢၢ်မၤကျၢၤနတၢ်စူၢ်တၢ်နာ်လၢပှၤအုၣ် အသးအါဂၤအမဲာ်ညါအခါန့ၣ်လီၤ.

၁ တံၤမသ့း 6:19

လၢကျဲဒ်အံၤအပူၤ, အဝဲသ့ၣ်ကပာ်ဖှိၣ်တၢ်လၢအဂီၢ်ဒၣ်ဝဲ, တၢ်ထူးတၢ်တီၤတမံၤလၢကမ့ၢ်တၢ်အခီၣ်ထံးအဂၢၢ်အကျၢၤ တခါလၢတၢ်ခဲကိာ်တဃၣ်အဂီၢ်န့ၣ်လီၤ. အန့ၣ်တစု, အဝဲသ့ၣ်ကမၤန့ၢ်တၢ်မူလၢအမ့ၢ်တၢ်မူနီၢ်နီၢ်န့ၣ်လီၤ.

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

၁ ယိၤဟၣ် 1:2

ဖဲတၢ်မူအံၤအိၣ်ဖျါထီၣ်ဝဲန့ၣ်, ပထံၣ်ဘၣ်အီၤသတးဒီးပကတိၤတၢ်လၢအဂ့ၢ် ဒီးစံးဘၣ်တဲဘၣ်သုဘၣ်ဃးတၢ်မူအထူအယိာ် လၢအအိၣ်ဒီးပၢ်, လၢအဘၣ်တၢ်ဒုးသ့ၣ်ညါပှၤအံၤန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

ယူဒၤ 1:21

ဒီးဟံးဃာ်ပၢၤဃာ်သုသးလၢကစၢ်ယွၤအတၢ်အဲၣ်တၢ်ကွံ အပူၤ, ဖဲသုအိၣ်ခိးပကစၢ်ယ့ၣ်ၡူးခရံာ်ကဟ့ၣ်လီၤသုတၢ်မူ အထူအယိာ်လၢအတၢ်သးကညီၤဒၣ်ဝဲအပူၤအခါန့ၣ်တက့ၢ်.