၁ ယိၤဟၣ် 2:18 - Sgaw Karen Common Bible

¹⁸ ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 2:18 Iomraidhean Croise

လံာ်မးသဲ 24:11

ဒီးဝံအဘျၣ်တဖၣ်ကပၢၢ်ထီၣ်အါဂၤဒီးကလီန့ၢ်ပှၤအါဂၤလီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 24:5

ပှၤအါဂၤကဟဲလၢယမံၤဒီးစံး, ‘ယမ့ၢ်ခရံာ်’ လီၤ. ဒီးအဝဲသ့ၣ်ကလီန့ၢ်ပှၤအါဂၤလီၤ.

လံာ်မၢ်ကူး 13:6

ပှၤအါဂၤကဟဲဒီးကမၤအသးဒ်အမ့ၢ်ယၤအသိးဒီးကစံးဝဲလၢအမ့ၢ် ခရံာ်ဒီးကလီန့ၢ်လွဲန့ၢ်ပှၤအါဂၤအသးလီၤ.

လံာ်ယိၤဟၣ် 21:5

အန့ၣ်ဒီး, ယ့ၣ်ၡူးသံကွၢ်အဝဲသ့ၣ်, “ဖိသ့ၣ်လံၤသ့ၣ်ဧၢ, မ့ၢ်သုမၤအီၣ်ညၣ်တန့ၢ်ဘၣ်ဧါ.” အဝဲသ့ၣ်စံးဆၢအီၤ, “တန့ၢ်နီတဘ့ၣ်ဘၣ်.”

ရိမ့ၤ 13:11

သုကဘၣ်မၤတၢ်အံၤမ့ၢ်လၢသုသ့ၣ်ညါတၢ်ချုးခံနိးသး အကတီၢ်တုၤလံ. တၢ်ဆၢကတီၢ်ဘၣ်လံလၢသုကပၢၢ်ထီၣ်လၢ သုတၢ်မံအပူၤလံ. အဂ့ၢ်ဒ်လဲၣ်န့ၣ်, တၢ်ဆၢကတီၢ်လၢပကဘၣ်တၢ်အုၣ်က့ၤခီၣ်က့ၤပှၤ အဂီၢ်န့ၣ်ဘူးထီၣ်ဒိၣ်န့ၢ်ဒံးဖဲပနာ်က့ၤတၢ်သီသီအခါန့ၣ်လီၤ.

ရိမ့ၤ 13:12

မုၢ်နၤကလၢာ်တ့ၢ်ဒီးမုၢ်ဆါကတုၤဃီၤဘူးထီၣ်လံ. မ်ပကဆိကတီၢ်ပတၢ်မၤတၢ်ခံးတၢ်နၤအတၢ်မၤတဖၣ်, ဒီးဟံးထီၣ်သကိးစုကဝဲၤတဖၣ်လၢပကဒုးတၢ်လၢတၢ် ကပီၤအပူၤအဂီၢ်န့ၣ်တက့ၢ်.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

၁ ပ့းတရူး 1:20

အဝဲဒၣ်ဘၣ်တၢ်ဃုထၢအီၤလၢကစၢ်ယွၤတချုးဒံးဘၣ်လၢဟီၣ် ခိၣ်ဘၣ်တၢ်တ့လီၤအီၤ, ဒီးဘၣ်တၢ်လီၣ်ဖျါထီၣ်အီၤလၢသုဂီၢ်လၢမုၢ်နံၤလၢခံကတၢၢ် တဖၣ်အံၤအပူၤန့ၣ်လီၤ.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.

၂ ပ့းတရူး 3:3

အဆိကတၢၢ်န့ၣ်, သုကဘၣ်နၢ်ပၢၢ်လၢမုၢ်နံၤလၢခံကတၢၢ် တဖၣ်အပူၤပှၤကဟဲပၢၢ်ထီၣ်ဝဲတနီၤလၢအတၢ်အိၣ်မူတဖၣ်ဘၣ် တၢ်ပၢအီၤလၢအတၢ်သူၣ်လီသးကွံဒၣ်ဝဲန့ၣ်လီၤ. အဝဲသ့ၣ် ကကတိၤဒုၣ်ဒွဲၣ်သု,

၁ ယိၤဟၣ် 2:22

မ့မ့ၢ်ဒ်န့ၣ်ဒီး, ပှၤလၢအလီတၢ်မ့ၢ်မတၤတဂၤလဲၣ်. မ့ၢ်ပှၤတဂၤလၢအစံးဝဲလၢယ့ၣ်ၡူးတမ့ၢ်ခရံာ်ဘၣ် န့ၣ်လီၤ. ပှၤဒ်အံၤတဂၤမ့ၢ်ခရံာ်အဒုၣ်အဒါလီၤ. အဝဲညိကွံာ်ပၢ်ကစၢ်ဒီးဖိခွါကစၢ်ခံဂၤလၢာ်န့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

၁ ယိၤဟၣ် 4:3

ဘၣ်ဆၣ်ဒီး, ပှၤတဂၤဂၤလၢအသမၢတၢ်အံၤဘၣ်ဃးဒီးယ့ၣ်ၡူး န့ၣ်, တအိၣ်ဒီးယွၤအသးဘၣ်. သးအဝဲအံၤဟဲလၢခရံာ်အဒုၣ်အဒါအအိၣ်လီၤ. သုနၢ်ဟူတ့ၢ်လၢအကဟဲဝဲ, ဒီးခဲအံၤအိၣ်လၢဟီၣ်ခိၣ်ချၢလံန့ၣ်လီၤ.

၂ ယိၤဟၣ် 1:7

ပှၤလီတၢ်ဝ့ၤတၢ်အါဂၤအိၣ်ထီၣ်ဝဲလၢဟီၣ်ခိၣ်ချၢလီၤ. အဝဲသ့ၣ်မ့ၢ်ပှၤတဖၣ်လၢအတအၢၣ်လီၤအီလီၤဝဲလၢ ယ့ၣ်ၡူးခရံာ်ဟဲဝဲလၢတၢ်ဖံးတၢ်ညၣ်အပူၤဘၣ်. ပှၤဒ်န့ၣ်သိးတဂၤ, မ့ၢ်ပှၤလီတၢ်ဒီးမ့ၢ်ခရံာ်အဒုၣ်အဒါ န့ၣ်လီၤ.

ယူဒၤ 1:18

အဝဲသ့ၣ်စံးဘၣ်သု, “တုၤမုၢ်နံၤခံကတၢၢ်တဖၣ်ဟဲတုၤဝဲန့ၣ်, ပှၤလၢအကဒုၣ်ဒွဲၣ်နံၤဘၣ်ဖၣ်လဲသုတဖၣ်ကဟဲပၢၢ်ထီၣ်ဝဲ, လၢအမ့ၢ်ပှၤပိာ်ထွဲအကစၢ်ဒၣ်ဝဲအတၢ်တယူးတယီၣ် ယွၤအတၢ်သူၣ်လီသးကွံအခံန့ၣ်လီၤ.”