၁ ယိၤဟၣ် 2:14 - Sgaw Karen Common Bible

¹⁴ ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါ ပၢ်ကစၢ်အဃိလီၤ. ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုသ့ၣ်ညါပှၤလၢအအိၣ်တ့ၢ်လံလၢတၢ်အခီၣ်ထံးလံၤလံၤ တဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုဂံၢ်ဆူၣ်ဘါဆူၣ်အဃိလီၤ. ကစၢ်ယွၤအကလုၢ်ကထါမူလၢသုပူၤ, ဒီးသုမၤနၢၤကွံာ်တၢ် အၢတၢ်သီတဂၤလီၤ.

၁ ယိၤဟၣ် 2:14 Iomraidhean Croise

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

လံာ်ယိၤဟၣ် 5:38

ဒီးသုတဟံးဃာ်ယွၤအကလုၢ်ကထါလၢသုသးကံၢ်ပူၤဘၣ်. မ့ၢ်လၢသုတနာ်ပှၤလၢပၢ်မၢလီၤအီၤတဂၤန့ၣ်အဃိလီၤ.

လံာ်ယိၤဟၣ် 8:31

မၤသးဒ်န့ၣ်ဒီး, ယ့ၣ်ၡူးစံးဘၣ်ပှၤယူဒၤဖိလၢအစူၢ်က့ၤနာ်က့ၤအီၤ တဖၣ်, “သုမ့ၢ်စူၢ်ယတၢ်သိၣ်လိသီလိဒီးသုမ့ၢ်နီၢ်နီၢ်ယပျဲၢ် ယဘီၣ်တဖၣ်လီၤ.

လံာ်ယိၤဟၣ် 8:37

ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

၁ ယိၤဟၣ် 1:1

ပကွဲးန့ၢ်သုတၢ်ဘၣ်ဃးဒီးတၢ်မူအကလုၢ်, လၢအအိၣ်ပာ်တ့ၢ်လံဝဲလၢတၢ်အခီၣ်ထံးလံၤလံၤ န့ၣ်လီၤ. ပနၢ်ဟူဘၣ်လံ, ဒီးပထံၣ်ဘၣ်လံအီၤလၢပမဲာ်ချံဒၣ်ပဝဲန့ၣ်လီၤ. ပကွၢ်ထံအီၤဒီးပဟံးဘၣ်ဖီၣ်ဘၣ်လံအီၤလၢပစု န့ၣ်လီၤ.

၁ ယိၤဟၣ် 1:10

ပမ့ၢ်စံးလၢပတမၤဘၣ်တၢ်ဒဲးဘးန့ၣ်, ပဒုးကဲထီၣ်ကစၢ်ယွၤလၢ ပှၤလီတၢ်ဒီးအကလုၢ်ကထါတအိၣ်ဘၣ်လၢပပူၤဘၣ်.

၁ ယိၤဟၣ် 2:13

ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါတ့ၢ်ပှၤလၢ အအိၣ်တ့ၢ်လံလၢတၢ်အခီၣ်ထံးလံၤလံၤတဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုမၤနၢၤကွံာ်တၢ်အၢတၢ်သီတဂၤန့ၣ်အဃိလီၤ.

၂ ယိၤဟၣ် 1:2

မ့ၢ်လၢတၢ်မ့ၢ်တၢ်တီအိၣ်ဆိးလၢပပူၤဒီးကအိၣ်ဒီးပှၤလီၤ ထူလီၤယိာ်အဃိန့ၣ်လီၤ.

၃ ယိၤဟၣ် 1:3

ယသးခုယဲဒိၣ်မးဖဲဒီပုၢ်ဝဲၢ်တနီၤဟဲတုၤဝဲဒီးစံးဘၣ်တဲဘၣ်တ့ၢ်ယၤလၢ နသးတီဒီးတၢ်မ့ၢ်တၢ်တီဒ်လဲၣ်အဂ့ၢ်, ဒ်ထီဘိတထံၣ်ဃီနအိၣ်မူလၢတၢ်မ့ၢ်တၢ်တီအပူၤအသိး န့ၣ်လီၤ.

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”