၁ ယိၤဟၣ် 2:11 - Sgaw Karen Common Bible

¹¹ ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.

၁ ယိၤဟၣ် 2:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:22

ဒီးစီၤအးဘၡါလိၣ်သးဟ့ကွံာ်ဝဲစီၤအၤမနိၣ်နးမး, လၢအမၤတရီတပါအပုၢ်ပိာ်မုၣ်နီၢ်တၤမၢ်အဃိ, တုၤဒၣ်လဲာ်တကတိၤလၢၤတၢ်ဒီးအီၤနီတစုလၢၤဘၣ်န့ၣ်လီၤ.

တၢ်ကတိၤဒိ. 4:19

မ့မ့ၢ်, ပှၤတတီတလိၤအကျဲခံးဝဲဒ်မုၢ်နၤအသိးလီၤ. အဝဲသ့ၣ်လီၤဃံၤဝဲဒီးအခီၣ်ဘၣ်တိၢ်လၢမနုၤမနုၤလဲၣ်န့ၣ် အဝဲသ့ၣ်ထံၣ်ဝဲတသ့ဘၣ်.

လံာ်ပှၤစံၣ်တဲၤတဲလီၤတၢ် 2:14

ပှၤကူၣ်တၢ်သ့တဖၣ်န့ၣ်မ့ၢ်အဝဲသ့ၣ်လဲၤဆူလဲၣ်ဆူလဲၣ်န့ၣ်ထံၣ် သ့ၣ်ညါဝဲလီၤ. မ့မ့ၢ်ပှၤဟးဂီၤဖိတဖၣ်တထံၣ်သ့ၣ်ညါဝဲဘၣ်. ဘၣ်ဆၣ်ဒီးယသ့ၣ်ညါစ့ၢ်ကီးလၢတၢ်ဘူၣ်တၢ်တီၢ်တမံၤဃီန့ၣ်အိၣ် ခိးပာ်ပှၤကိးဂၤဒဲးလီၤ.

လံာ်တၢ်ဘူၣ်ထီၣ်ဘါထီၣ် 19:17

သးဟ့သုဒီပုၢ်ဝဲၢ်လၢသုသးကံၢ်ပူၤတဂ့ၤ. မ့မ့ၢ်မၤလိၤမၤဘၣ်က့ၤသုသးဒီးအီၤဒ်သိးသုသု တမၤဘၣ်တၢ်ဒဲးဘးလၢအဃိတဂ့ၤန့ၣ်တက့ၢ်.

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

၂ ပ့းတရူး 1:9

ဘၣ်ဆၣ်ဒီး, ပှၤလၢအတအိၣ်ဘၣ်ဒီးတၢ်သ့ၣ်တဖၣ်အံၤန့ၣ်, အတၢ်ထံၣ်ကဖုၣ်ဝဲတုၤဒၣ်လဲာ်တထံၣ်တၢ်လၢၤဘၣ်, ဒီးသးပ့ၤနီၣ်လံဝဲလၢအဝဲဘၣ်တၢ်မၤကဆှီတ့ၢ်လံအီၤလၢ အတၢ်ဒဲးဘးအပူၤကွံာ်တဖၣ်န့ၣ်လီၤ.

၁ ယိၤဟၣ် 1:6

ပမ့ၢ်စံးလၢပရ့လိာ်မုာ်လိာ်ပသးဒီးအီၤဒီးအိၣ်မူဒံးဒၣ်လၢတၢ်ခံးတၢ်နၤအပူၤန့ၣ်, မ့ၢ်ပလီတၢ်ဒီးပတမၤဘၣ်တၢ်မ့ၢ်တၢ်တီဘၣ်.

၁ ယိၤဟၣ် 2:10

ပှၤတဂၤဂ့ၤတဂၤဂ့ၤလၢအအဲၣ်အဒီပုၢ်ဝဲၢ်န့ၣ်အိၣ်မူလၢ တၢ်ကပီၤအပူၤ, ဒီးလၢအပူၤန့ၣ်တၢ်လီၤကမၣ်အလီၢ် တအိၣ်ဘၣ်နီတမံၤဘၣ်.

၁ ယိၤဟၣ် 2:9

ပှၤတဂၤဂ့ၤတဂၤဂ့ၤလၢအစံးဝဲလၢအအိၣ်လၢတၢ်ကပီၤအပူၤ ဘၣ်ဆၣ်ဒီးသးဟ့အဒီပုၢ်ဝဲၢ်န့ၣ်, အိၣ်ဒံးဒၣ်လၢတၢ်ခံးတၢ်နၤအပူၤတုၤခဲကနံၣ်အံၤလီၤ.

၁ ယိၤဟၣ် 3:15

မတၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, မ့ၢ်ပှၤလၢအမၤသံတၢ်, ဒီးသုသ့ၣ်ညါလၢပှၤမၤသံတၢ်န့ၣ်, တအိၣ်ဒီးတၢ်မူအထူအယိာ်လၢအပူၤဘၣ်.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.