၁ ယိၤဟၣ် 1:8 - Sgaw Karen Common Bible

⁸ ပမ့ၢ်စံးလၢပတၢ်ဒဲးဘးတအိၣ်နီတမံၤဘၣ်ဒီး, မ့ၢ်ပလီလီၤပသးဒီးတၢ်မ့ၢ်တၢ်တီတအိၣ်လၢပပူၤဘၣ်.

၁ ယိၤဟၣ် 1:8 Iomraidhean Croise

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

လံာ်စီၤပၤခံဘ့ၣ်တဘ့ၣ် 20:15

“အဝဲသ့ၣ်ထံၣ်ဘၣ်တၢ်မနုၤလၢနူၢ်ဧိၤစီၤဧိၤအပူၤလဲၣ်.” “အဝဲသ့ၣ်ထံၣ်ဘၣ်တၢ်ခဲလၢာ်လီၤ. တၢ်လၢယတဒုးနဲၣ်ဘၣ်အဝဲသ့ၣ် လၢတၢ်ပာ်ဖှိၣ်အဒၢးတဖၣ်အပူၤန့ၣ်တအိၣ်နီတမံၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:36

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤဘၣ်, ဒီးလၢနတၢ်သးထီၣ်အပူၤနပျဲ အဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးစိာ်ထီၣ်ကွံာ်အဝဲသ့ၣ် ဒ်ပှၤဘၣ်တၢ်စၢဃာ်တဖၣ်အသိးဆူကီၢ်အဂၤတနီၤ, ဖဲကီၢ်န့ၣ်အိၣ်ဝဲယံၤမးဒၣ်လဲာ်န့ၣ်,

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

လံာ်စီၤယိၤဘး 15:14

ပှၤကညီတဂၤဂၤကဆှီဝဲနီၢ်နီၢ်ဘၣ်ကသ့ဧါ. ပှၤတဂၤဂၤတီဝဲ လိၤဝဲလၢကစၢ်ယွၤဘၣ်ကသ့ဧါ.

လံာ်စီၤယိၤဘး 25:4

လၢကစၢ်ယွၤအမဲာ်ညါန့ၣ်ပှၤတီဝဲလိၤဝဲဒီးစီဝဲဆှံဝဲကသ့တဂၤဂၤဧါ.

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

တၢ်ကတိၤဒိ. 20:9

မ့ၢ်ပှၤတဂၤစံးတီတီလၢ, အသးလၢအသ့ၣ်ညါဒၣ်တၢ်လၢအဂ့ၤန့ၣ် ကဆှီလံဒီးအဝဲတြူာ်ကွံာ်လံအတၢ်ဒဲးဘးလံန့ၣ်ကသ့ဧါ.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 2:35

သုစံးသုဝဲလၢ, ယတၢ်ကမၣ်တအိၣ်ဘၣ်. သပှၢ်ကတၢၢ်ယွၤတသးဒိၣ်လၢၤယၤဘၣ်န့ၣ်လီၤ. ဘၣ်ဆၣ်ဒီးယၤ, ယွၤအံၤကစံၣ်ညီၣ်သု, မ့ၢ်လၢသုသမၢသုဝဲလၢသုမၤတ့ၢ် တၢ်ဒဲးဘးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:12

မ့မ့ၢ်တၢ်ဆါအၢအံၤမ့ၢ်လဲၢ် တုၤအပှဲၤအနီၢ်ဒီတဂၤညါစးထီၣ်လၢအခိၣ်တုၤလၢအခီၣ်န့ၣ်,

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

ရိမ့ၤ 3:10

ဒ်တၢ်ကွဲးအသးစီဆှံစံးဝဲအသိး, “ပှၤအတီအလိၤတအိၣ်နီတဂၤဘၣ်.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

ယၤကိာ် 1:22

တဘၣ်လီလီၤသုသးခီဖျိထဲလၢတၢ်ဒိကနၣ်တၢ်ကလုၢ် ကထါဧိၤန့ၣ်တဂ့ၤ. မ့မ့ၢ်, အိၣ်မူမၤထွဲတၢ်ကလုၢ်ကထါအံၤတက့ၢ်.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.

၂ ပ့းတရူး 2:13

ဒီးကတူၢ်ဘၣ်က့ၤတၢ်လၢအဒုးတူၢ်ပှၤဂၤန့ၣ်လီၤ. တၢ်မၤလၢပှဲၤနီၢ်ခိဖံးညၣ်အတၢ်သူၣ်ဝံၤသၣ်စ့ၤလၢမုၢ် ဆါခီန့ၣ်, အဝဲသ့ၣ်ပာ်ဝဲလၢအမ့ၢ်တၢ်မုာ်လၤသးဖှံ လီၤ. ဖဲအဝဲသ့ၣ်အီၣ်တၢ်အီတၢ်ဒီးသုန့ၣ်, ကဲထီၣ်တၢ်လီၤမဲာ်ဆှးဒီးတၢ်အသူးအသ့ၣ်တအိၣ်ဘၣ် အလီၢ်, ဒီးမုာ်လၤဒံးဒၣ်ဝဲလၢအတၢ်လီတၢ်ဝ့ၤအကျဲတဖၣ် အပူၤန့ၣ်လီၤ.

၁ ယိၤဟၣ် 1:10

ပမ့ၢ်စံးလၢပတမၤဘၣ်တၢ်ဒဲးဘးန့ၣ်, ပဒုးကဲထီၣ်ကစၢ်ယွၤလၢ ပှၤလီတၢ်ဒီးအကလုၢ်ကထါတအိၣ်ဘၣ်လၢပပူၤဘၣ်.

၁ ယိၤဟၣ် 1:6

ပမ့ၢ်စံးလၢပရ့လိာ်မုာ်လိာ်ပသးဒီးအီၤဒီးအိၣ်မူဒံးဒၣ်လၢတၢ်ခံးတၢ်နၤအပူၤန့ၣ်, မ့ၢ်ပလီတၢ်ဒီးပတမၤဘၣ်တၢ်မ့ၢ်တၢ်တီဘၣ်.

၁ ယိၤဟၣ် 2:4

ပှၤတဂၤဂၤမ့ၢ်စံးလၢယသ့ၣ်ညါအီၤ, ဒီးမ့ၢ်တစူၢ်ဘၣ် အတၢ်မၤလိာ်တဖၣ်ဘၣ်ဒီး, ပှၤဒ်န့ၣ်အသိးတဂၤန့ၣ် မ့ၢ်ပှၤလၢအလီတၢ်ဒီးတၢ်မ့ၢ်တၢ်တီတအိၣ်လၢအပူၤဘၣ်.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

၂ ယိၤဟၣ် 1:2

မ့ၢ်လၢတၢ်မ့ၢ်တၢ်တီအိၣ်ဆိးလၢပပူၤဒီးကအိၣ်ဒီးပှၤလီၤ ထူလီၤယိာ်အဃိန့ၣ်လီၤ.

၃ ယိၤဟၣ် 1:3

ယသးခုယဲဒိၣ်မးဖဲဒီပုၢ်ဝဲၢ်တနီၤဟဲတုၤဝဲဒီးစံးဘၣ်တဲဘၣ်တ့ၢ်ယၤလၢ နသးတီဒီးတၢ်မ့ၢ်တၢ်တီဒ်လဲၣ်အဂ့ၢ်, ဒ်ထီဘိတထံၣ်ဃီနအိၣ်မူလၢတၢ်မ့ၢ်တၢ်တီအပူၤအသိး န့ၣ်လီၤ.