၁ ယိၤဟၣ် 1:5 - Sgaw Karen Common Bible

⁵ တၢ်ကစီၣ်လၢပနၢ်ဟူဘၣ်တ့ၢ်လံလၢအဖိခွါအအိၣ်ဒီးစံးဘၣ် တဲဘၣ်တ့ၢ်လံသုမ့ၢ်အအံၤ, ကစၢ်ယွၤမ့ၢ်တၢ်ကပီၤ ဒီးတၢ်ခံးတၢ်နၤတအိၣ်လၢအပူၤလ့ၤတက့ၤဘၣ်.

၁ ယိၤဟၣ် 1:5 Iomraidhean Croise

စံးထီၣ်ပတြၢၤ 139:12

တၢ်ခံးတၢ်နၤန့ၣ်တခံးဘၣ်ဝဲလၢနဂီၢ်ဘၣ်. မုၢ်နၤကပီၤဝဲဒ်မုၢ်ဆါအသိး, အဂ့ၢ်ဒ်အံၤ, တၢ်ခံးမၤသးဒီးနၤဒ် တၢ်ကပီၤအသိးန့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 36:9

တၢ်မူအထံထီၣ်ပၢၢ်အိၣ်ဒီးနၤ ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ဒၤနံးယ့လး 2:22

အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.

လံာ်ယိၤဟၣ် 1:19

ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 1:4

တၢ်ကလုၢ်န့ၣ်မ့ၢ်တၢ်မူအဂံၢ်ခီၣ်ထံးဒီးတၢ်မူအံၤမ့ၢ်ပှၤကညီ အတၢ်ကပီၤန့ၣ်လီၤ.

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 9:5

ဖဲယအိၣ်ဒံးလၢဟီၣ်ခိၣ်အံၤအပူၤဒီး, ယမ့ၢ်တၢ်ကပီၤလၢဟီၣ်ခိၣ် အဂီၢ်လီၤ.”

1 ကရံၣ်သူး 11:23

အဂ့ၢ်ဒ်အံၤ, ယဒိးန့ၢ်ဘၣ်တ့ၢ်ယဲလၢကစၢ်အအိၣ်, တၢ်သိၣ်လီၤသီလီၤလၢယဟ့ၣ်လီၤကဒီးဆူသုအိၣ်တဆီ, လၢအမ့ၢ်ဝဲ, ကစၢ်ယ့ၣ်ၡူးဖဲမုၢ်တနၤလၢအဝဲဘၣ်တၢ်ဆါလီၤ အီၣ်ကွံာ်အီၤန့ၣ်, ဟံးန့ၢ်ကိၣ်တလိၣ်,

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

၁ ယိၤဟၣ် 3:11

တၢ်ကစီၣ်လၢသုနၢ်ဟူတ့ၢ်လၢအခီၣ်ထံးလံၤလံၤန့ၣ်မ့ၢ် အအံၤ, ပကဘၣ်အဲၣ်လိာ်ကွံလိာ်ပသးတဂၤဒီးတဂၤန့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.