၁ ယိၤဟၣ် 1:2 - Sgaw Karen Common Bible

² ဖဲတၢ်မူအံၤအိၣ်ဖျါထီၣ်ဝဲန့ၣ်, ပထံၣ်ဘၣ်အီၤသတးဒီးပကတိၤတၢ်လၢအဂ့ၢ် ဒီးစံးဘၣ်တဲဘၣ်သုဘၣ်ဃးတၢ်မူအထူအယိာ် လၢအအိၣ်ဒီးပၢ်, လၢအဘၣ်တၢ်ဒုးသ့ၣ်ညါပှၤအံၤန့ၣ်လီၤ.

၁ ယိၤဟၣ် 1:2 Iomraidhean Croise

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 1:4

တၢ်ကလုၢ်န့ၣ်မ့ၢ်တၢ်မူအဂံၢ်ခီၣ်ထံးဒီးတၢ်မူအံၤမ့ၢ်ပှၤကညီ အတၢ်ကပီၤန့ၣ်လီၤ.

လံာ်ယိၤဟၣ် 10:28

ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 17:5

ပၢ်ဧၢ, ခဲအံၤဟ့ၣ်ယၤတၢ်လၤကပီၤဖဲနအိၣ်အလီၢ်, တၢ်လၤကပီၤတမံၤဃီလၢအအိၣ်ဒီးယၤဖဲယအိၣ်ဒီးနၤ တချုးဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်တက့ၢ်.

လံာ်ယိၤဟၣ် 19:35

(ပှၤလၢအထံၣ်တၢ်မၤအသးအံၤတဂၤစံးကတိၤတၢ်ဘၣ်ဃး တၢ်ဂ့ၢ်အံၤ, ဒ်သိးသုဝဲစ့ၢ်ကီးသုကနာ်တၢ်အဂီၢ်န့ၣ်လီၤ. တၢ်လၢအဝဲစံးကတိၤန့ၣ်မ့ၢ်တၢ်မ့ၢ်တၢ်တီ, ဒီးအကစၢ်ဒၣ်ဝဲသ့ၣ်ညါလၢအစံးကတိၤတၢ်မ့ၢ်တၢ်တီန့ၣ်လီၤ.)

လံာ်ယိၤဟၣ် 21:14

အအံၤမ့ၢ်ယ့ၣ်ၡူးဂဲၤဆၢထၢၣ်က့ၤလၢတၢ်သံဝံၤဒီးဒုးနဲၣ် အသးလၢအပျဲၢ်အဘီၣ်တဖၣ်ပှဲၤထီၣ်သၢဘျီတဘျီန့ၣ်လီၤ.

လံာ်ယိၤဟၣ် 3:13

မ့တမ့ၢ်ဘၣ်လၢပှၤကညီဖိခွါယၤအံၤလၢအဟဲလီၤလၢမူခိၣ် ဘၣ်ဒီး, ပှၤတလဲၤထီၣ်ဘၣ်ဆူမူခိၣ်နီတဂၤဒံးဘၣ်.

လံာ်ယိၤဟၣ် 7:29

ဘၣ်ဆၣ်ယသ့ၣ်ညါအီၤမ့ၢ်လၢယဟဲလၢအအိၣ်ဒီး အဝဲဒၣ်မၢလီၤယၤအဃိလီၤ.”

လံာ်ယိၤဟၣ် 8:38

ယကတိၤတၢ်ဘၣ်ဃးတၢ်လၢယပၢ်ဒုးနဲၣ်တ့ၢ်ယၤ, မ့မ့ၢ်သုမၤတၢ်လၢသုပၢ်စံးဘၣ်တ့ၢ်သုန့ၣ်လီၤ.”

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 3:15

သုမၤသံကွံာ်ပှၤလၢအဆှၢပှၤဆူတၢ်မူနီၢ်နီၢ်တဂၤ, ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်တမံၤအံၤပထံၣ်ဘၣ်လၢပနီၢ်ကစၢ်ဒၣ်ပဝဲလီၤ.

မၤတၢ် 5:32

ပဝဲဒၣ်တဖၣ်ပအုၣ်ပသးလၢတၢ်သ့ၣ်တဖၣ်အံၤအဂ့ၢ်, ဒီးသးစီဆှံလၢအမ့ၢ်ကစၢ်ယွၤအတၢ်ဟ့ၣ်လၢပှၤလၢအဒိကနၣ် အကလုၢ်တဖၣ်ဒိးန့ၢ်ဘၣ်ဝဲန့ၣ်, အုၣ်စ့ၢ်ကီးအသးလီၤ.”

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ယိၤဟၣ် 1:1

ပကွဲးန့ၢ်သုတၢ်ဘၣ်ဃးဒီးတၢ်မူအကလုၢ်, လၢအအိၣ်ပာ်တ့ၢ်လံဝဲလၢတၢ်အခီၣ်ထံးလံၤလံၤ န့ၣ်လီၤ. ပနၢ်ဟူဘၣ်လံ, ဒီးပထံၣ်ဘၣ်လံအီၤလၢပမဲာ်ချံဒၣ်ပဝဲန့ၣ်လီၤ. ပကွၢ်ထံအီၤဒီးပဟံးဘၣ်ဖီၣ်ဘၣ်လံအီၤလၢပစု န့ၣ်လီၤ.

၁ ယိၤဟၣ် 2:25

ဒီးတၢ်လၢခရံာ်အကစၢ်ဒၣ်ဝဲအၢၣ်လီၤလၢအကဟ့ၣ်ပှၤ အံၤန့ၣ်, မ့ၢ်တၢ်မူအထူအယိာ်န့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.

၁ ယိၤဟၣ် 4:2

သုသ့ၣ်ညါနီၤဖးယွၤအသးကသ့ဝဲလၢကျဲဒ်အံၤလီၤ. ပှၤတဂၤဂၤလၢအစံးလၢယ့ၣ်ၡူးခရံာ်ဟဲဝဲဒ်ပှၤဟီၣ်ခိၣ်ဖိတဂၤ အသိးန့ၣ်, အိၣ်ဒီးယွၤအသးလီၤ.

၁ ယိၤဟၣ် 5:11

ဒီးတၢ်အုၣ်အသးမ့ၢ်အအံၤ, ကစၢ်ယွၤဟ့ၣ်လီၤပှၤတၢ်မူအထူအယိာ်ဒီးတၢ်မူ အဝဲအံၤအိၣ်လၢအဖိခွါအပူၤန့ၣ်လီၤ.

၁ ယိၤဟၣ် 5:13

ယကွဲးန့ၢ်သုတၢ်အံၤ, ဒ်သိးဒီးသုဝဲလၢအစူၢ်က့ၤနာ်က့ၤတၢ်လၢ ကစၢ်ယွၤအဖိခွါအမံၤအပူၤတဖၣ်, သုကသ့ၣ်ညါလၢသုအိၣ်ဒီးတၢ်မူအထူအယိာ်န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.