1 ကရံၣ်သူး 9:9 - Sgaw Karen Common Bible

⁹ လၢစီၤမိၤၡ့အတၢ်သိၣ်တၢ်သီအပူၤန့ၣ် ပဖးဘၣ်ပဝဲ, “ဖဲနသူဂီၤဖံးလၢကယီၢ်ဘုအဆၢကတီၢ်န့ၣ်, တဘၣ်ပသံးဃာ်အထးခိၣ်တဂ့ၤ.” ခဲကနံၣ်အံၤ, မ့ၢ်ကစၢ်ကွၢ်တၢ်လၢဂီၤဖံးအဂီၢ်ဧါ.

1 ကရံၣ်သူး 9:9 Iomraidhean Croise

စံးထီၣ်ပတြၢၤ 104:27

တၢ်ခဲလၢာ်အံၤန့ၣ်ကွၢ်ထီၣ်နၤ, ဒ်သိးလၢအကတီၢ်ဘၣ်န့ၣ်, နကဟ့ၣ်လီၤအီၤလၢအတၢ်အီၣ်လီၤ.

တၢ်ကတိၤဒိ. 12:10

ပှၤအဂ့ၤတဂၤကဟုကယာ်အဆၣ်ဖိကီၢ်ဖိတဖၣ်လီၤ. မ့မ့ၢ်, ပှၤအၢပှၤသီတဖၣ်အၢသီလၢအဆၣ်ဖိကီၢ်ဖိအဖီခိၣ်န့ၣ် လီၤ.

လံာ်ယၡါယၤ 28:28

အဝဲတမၤဟးဂီၤဘုကၠူၣ်တဖၣ်ခီဖျိတၢ်ယီၢ်အီၤတထံၣ် ဃီန့ၣ်ဘၣ်. ကဘၣ်ယီၢ်အဘုဒ်လဲၣ်န့ၣ်, အဝဲသ့ၣ်ညါဝဲကစီဒီလီၤ. ကဘၣ်ဝီလ့ၣ်လၢအဖီခိၣ်ဒီးတမၤသဘှံးဘၣ်ဘုအသၣ် တဖၣ်ဘၣ်န့ၣ်လီၤ.

လံာ်ယိၤနါ 4:11

ဒီးမ့ၢ်တကြၢးယသးအိၣ်ဘၣ်နံၤနဝ့, ဝ့ၢ်ဖးဒိၣ်တဖျၢၣ်, လၢပှၤကညီတသ့ၣ်ညါအစုထွဲဒီးအစု စ့ၣ်အိၣ်ဝဲလၢတကလီၢ်ခံကလးအဘျဲၣ်ဒီးဆၣ်ဖိကီၢ်ဖိအါအါကလဲာ် န့ၣ်ဘၣ်ဧါ.”

ရိမ့ၤ 4:23

တၢ်ကတိၤ “ဘၣ်တၢ်တူၢ်လိာ်အီၤဒ်ပှၤတီပှၤလိၤတဂၤ အသိး” အံၤ, တၢ်ကွဲးအီၤတမ့ၢ်ထဲလၢအဝဲတဂၤဧိၤအဂီၢ် ဘၣ်.

လံာ်သိၣ်လီၤသီလီၤတၢ် 25:4

ဖဲနသူဂီၤဖံးဖါတဒုလၢနကယီၢ်ဘုအဂီၢ်န့ၣ်, ဖျီၣ်ဃုာ်အထးခိၣ်တဂ့ၤ.

လံာ်သိၣ်လီၤသီလီၤတၢ် 5:14

ဘၣ်ဆၣ်ဒီးနွံသီတသီန့ၣ်, မ့ၢ်ဝဲတၢ်အိၣ်ဘှံးအမုၢ်တနံၤလၢတၢ် ကပာ်စီဆှံထီၣ်အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်, ပှၤတဘၣ်မၤတၢ်နီတဂၤဘၣ်. သုဝဲမ့ၢ်ဂ့ၤ, သုဖိသုလံၤတဖၣ်မ့ၢ်ဂ့ၤ, သုကုၢ်သုပှၤတဖၣ်မ့ၢ်ဂ့ၤ, သုဆၣ်ဖိကီၢ်ဖိတဖၣ်မ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်ဆိးလၢသုထံသုကီၢ်ပူၤမ့ၢ်ဂ့ၤ, တဘၣ်မၤတၢ်နီတဂၤဘၣ်. သုကုၢ်တဖၣ်ကဘၣ်အိၣ်ဘှံးဒၣ်ဒ်သုဝဲအသိးလီၤ.

၁ တံၤမသ့း 5:18

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ဂီၤဖံးလၢအယီၢ် ဘုန့ၣ်, သုတဖျီၣ်ပသံးဃာ်အထးခိၣ်တဂ့ၤ.” ဒီး “ပှၤမၤတၢ်ဖိတဂၤန့ၣ်, ကြၢးန့ၢ်ဘၣ်အဘူးအလဲလီၤ.”