1 ကရံၣ်သူး 9:8 - Sgaw Karen Common Bible

⁸ မုၢ်ဆ့ၣ်မုၢ်ဂီၤအတၢ်ဒိတၢ်တဲာ်တဖၣ်အံၤ, တမ့ၢ်ယနီၢ်ကစၢ်ပာ်ဖျါဒၣ်ယဲဖဲယသးန့ၣ်ဘၣ်. အဂ့ၢ်ဒ်အံၤ, တၢ်သိၣ်တၢ်သီပာ်ဖျါထီၣ်တၢ်တမံၤဃီန့ၣ်လီၤ.

1 ကရံၣ်သူး 9:8 Iomraidhean Croise

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

1 ကရံၣ်သူး 14:34

ပှၤပိာ်မုၣ်တဖၣ်ကဘၣ်အိၣ်ဘှ့ၣ်လၢတၢ်အိၣ်ဖှိၣ်တဖၣ် အပူၤလီၤ. တၢ်တပျဲအဝဲသ့ၣ်စံးကတိၤတၢ်ဘၣ်. ဒ်ယူဒၤအတၢ်သိၣ်တၢ်သီစံးဝဲအသိးန့ၣ်အဝဲသ့ၣ် ကဘၣ်အိၣ်လၢတၢ်ပၢတၢ်ဆှၢအဖီလာ်လီၤ.

1 ကရံၣ်သူး 7:40

ဘၣ်ဆၣ်ဒီးအဝဲမ့ၢ်အိၣ်သဘျ့န့ၣ်, ကသူၣ်ခုသးခုဘၣ်ဝဲဒိၣ်ဒၣ်တၢ် တက့ၢ်လီၤ. အဝဲန့ၣ်မ့ၢ်ယတၢ်ထံၣ်, ဒီးယဆိကမိၣ်လၢယနီၢ်ကစၢ်ဒၣ် ယဲစ့ၢ်ကီးယအိၣ်ဒီးကစၢ်ယွၤအသးစီဆှံန့ၣ်လီၤ.

ကလၤတံ 1:11

ယဒီပုၢ်ဝဲၢ်သ့ၣ်ဧၢ, ပျဲယစံးဘၣ်တဲဘၣ်သုတက့ၢ်. တၢ်သးခုကစီၣ်လၢယစံၣ်တဲၤတဲလီၤအံၤန့ၣ်တမ့ၢ် တၢ်ဒုးအိၣ်ထီၣ်အီၤလၢပှၤကညီဘၣ်.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.