1 ကရံၣ်သူး 9:5 - Sgaw Karen Common Bible

⁵ မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

1 ကရံၣ်သူး 9:5 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 4:12

ယတၢ်အဲၣ်ဒီးယတလးမူးပိာ်မုၣ်မ့ၢ်တၤသၣ်လီၢ်ခူသူၣ်တလီၢ်, တၤသၣ်လီၢ်လၢတၢ်ကရၢၢ်တံၢ်ဃာ်အီၤ, ဒီးထံမူထီၣ်ပၢၢ်တပူၤလၢအကစၢ်အိၣ်ဝဲ,

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 8:14

ယ့ၣ်ၡူးလဲၤဝဲဆူစီၤပ့းတရူးအဟံၣ်ဒီးဖဲန့ၣ်ထံၣ်ဘၣ်ဝဲစီၤပ့းတရူး အမံၤပှၢ်ပိာ်မုၣ်တဂၤအလိၤကိၢ်ဒီးအိၣ်မံလီၤလၢလီၢ်မံခိၣ်န့ၣ်လီၤ.

လံာ်မၢ်ကူး 1:30

အကတီၢ်ဖဲန့ၣ်စီၤၡံမိၣ်အမံၤပှၢ်ပိာ်မုၣ်အလိၤကိၢ်ဒီးဆိးက့မံနီၤ ဝဲဒၣ်လီၤ. ယ့ၣ်ၡူးဟဲတုၤတဘျီဃီဒီးပှၤတဲဘၣ်အီၤလၢအဝဲဒၣ် အဂ့ၢ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 6:15

စီၤမးသဲဒီးစီၤသိၤမါ, စီၤအၤလဖဲအဖိခွါစီၤယၤကိာ်, ဒီးစီၤၡံမိၣ် (လၢအဘၣ်တၢ်ကိးအီၤလၢပှၤစ့ၤလိၣ်ဖိ, ပှၤအဲၣ်အထံအကီၢ်),

လံာ်လူၤကၣ် 8:20

ပှၤတဂၤစံးဘၣ်ယ့ၣ်ၡူး, “နမိၢ်ဒီးနဒီပုၢ်ဝဲၢ်ခွါတဖၣ်အိၣ်ဆၢထၢၣ်လၢတၢ်ချၢ ဒီးအဲၣ်ဒိးထံၣ်နၤလီၤ.”

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

လံာ်ယိၤဟၣ် 2:12

လၢတၢ်အံၤဝံၤအလီၢ်ခံဒီး, ယ့ၣ်ၡူးဒီးအမိၢ်, ဒီးအဒီပုၢ်ဝဲၢ်တဖၣ်ဒီးအပျဲၢ်အဘီၣ်တဖၣ်လဲၤလီၤ ဝဲဆူဝ့ၢ်ကပ့းရနီၣ်ဒီးအိၣ်ဝဲဖဲန့ၣ်စှၤနံၤစှၤသီလီၤ.

မၤတၢ် 1:14

အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.

ရိမ့ၤ 16:1

ယအုၣ်ယသးလၢပဒီပုၢ်ဝဲၢ်မုၣ်နီၢ်ဖံဘ့ၤလၢအမ့ၢ်တၢ်အိၣ် ဖှိၣ်သးပှၢ်မုၣ်လၢတၢ်အိၣ်ဖှိၣ်ဖဲဝ့ၢ်က့ၣ်ဃရ့းတဂၤအဂီၢ်န့ၣ်လီၤ.

1 ကရံၣ်သူး 1:12

တၢ်လၢယအဲၣ်ဒိးစံးန့ၣ်မ့ၢ်ဒ်အံၤလီၤ. သုဝဲတဂၤဒီးတဂၤသုစံး, “ယဲယဘၣ်ဃးဒီးစီၤပီလူး,” မ့တမ့ၢ်, “ယဲယဘၣ်ဃးဒီး စီၤအပီးလိၤ,” မ့တမ့ၢ်, “ယဲယဘၣ်ဃးဒီးစီၤပ့းတရူး,” မ့တမ့ၢ်, “ယဲယဘၣ်ဃးဒီးခရံာ်” န့ၣ်လီၤ.

1 ကရံၣ်သူး 7:15

ဘၣ်ဆၣ်ဒီး, ပှၤလၢအမ့ၢ်ပှၤတစူၢ်က့ၤနာ်က့ၤတၢ်တဂၤ, မ့ၢ်သးအိၣ်ပာ်တီၢ်ကွံာ်အသကိးပှၤခရံာ်ဖိန့ၣ်, ပျဲအီၤတက့ၢ်. မ့မ့ၢ်ဒ်န့ၣ်ဒီးတံၤသကိးလၢအမ့ၢ်ပှၤခရံာ်ဖိတဂၤန့ၣ်, ဝၤမ့ၢ်ဂ့ၤ, မါမ့ၢ်ဂ့ၤ, အိၣ်ဒီးတၢ်သဘျ့လၢအကမၤဖဲဒၣ်အသးလီၤ. ကစၢ်ယွၤကိးတ့ၢ်သုဒ်သိးသုကအိၣ်လၢတၢ်ဃူတၢ်ဖိး အပူၤလီၤ.

1 ကရံၣ်သူး 7:39

ပိာ်မုၣ်လၢအဝၤအိၣ်တဂၤန့ၣ်, ဖဲလၢအဝၤအိၣ်မူဒံးအဆၢ ကတီၢ်, တအိၣ်ဒီးတၢ်သဘျ့ဘၣ်. မ့မ့ၢ်အဝဲဒၣ်အဝၤမ့ၢ်သံဒီး, အဝဲအိၣ်ဒီးတၢ်သဘျ့လၢအကဖျီအသးဒီးပိာ်ခွါတဂၤလၢ်လၢ်လၢ အဘၣ်သူၣ်ဘၣ်သးဝဲ, ဘၣ်ဆၣ်ဒီးပိာ်ခွါကဘၣ်မ့ၢ်ပှၤခရံာ်ဖိ တဂၤလီၤ.

1 ကရံၣ်သူး 7:7

အနီၢ်နီၢ်တခီ, ယဆၢလၢသုဝဲကိးဂၤဒဲးသုကလီၤဂာ်ဒ်ယၤ အသိးလီၤ. ဘၣ်ဆၣ်ဒီးပှၤတဂၤဒီးတဂၤအိၣ်ဒီးအတၢ်ဟ့ၣ်လီၤ ဆီဒၣ်ဝဲလၢအဟဲလၢကစၢ်ယွၤအအိၣ်န့ၣ်လီၤ. တဂၤအိၣ်ဒီးတၢ်ဟ့ၣ်တမံၤအံၤ, အဂၤတဂၤအိၣ်ဒီးတၢ်ဟ့ၣ် အဝဲန့ၣ်တမံၤလီၤ.

1 ကရံၣ်သူး 7:8

ခဲကနံၣ်အံၤ, ဆူပှၤအိၣ်သဘျ့တဖၣ်ဒီးဆူပှၤမုၣ်ကမဲ တဖၣ်န့ၣ်, ယစံးယဲလၢဂ့ၤဒိၣ်တက့ၢ်, သုကအိၣ်သဘျ့သုဝဲဆူညါဒ်ယၤအသိး န့ၣ်လီၤ.

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

၁ တံၤမသ့း 5:2

ပိာ်မုၣ်လၢအသးပှၢ်န့ၢ်နၤတဖၣ်ဒ်မိၢ်တဖၣ်အသိး, ဒီးပိာ်မုၣ်လၢအသးစၢ်န့ၢ်နၤတဖၣ်ဒ်နဒီပုၢ်ဝဲၢ်မုၣ်တဖၣ် အသိး, လၢတၢ်စီဆှံခဲလၢာ်အပူၤန့ၣ်တက့ၢ်.

တံတူး 1:6

တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.