1 ကရံၣ်သူး 9:22 - Sgaw Karen Common Bible

²² လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.

1 ကရံၣ်သူး 9:22 Iomraidhean Croise

ရိမ့ၤ 11:14

ဘၣ်သ့ၣ်သ့ၣ်, ယမၤသးက့ၣ်ယပှၤကလုာ်ဒၣ်ယဲကသ့, ဒ်သိးလၢယဃိန့ၣ်ယွၤကအုၣ်က့ၤခီၣ်က့ၤအဝဲသ့ၣ်တနီၤနီၤ န့ၣ်လီၤ.

ရိမ့ၤ 14:1

ပှၤလၢသုကျါလၢအတၢ်နာ်အဂံၢ်အဘါစၢ်တဖၣ်န့ၣ်တူၢ်လိာ်အီၤ တက့ၢ်. ဘၣ်ဆၣ်ဒီးတဘၣ်ဂ့ၢ်လိာ်ဒီးအီၤဘၣ်ဃးအတၢ်ဆိကမိၣ် ဆိကမးတဖၣ်န့ၣ်တဂ့ၤ.

ရိမ့ၤ 14:2

ပှၤတဂၤအတၢ်နာ်ဟ့ၣ်အီၤအခွဲးလၢကအီၣ်တၢ်ကိးမံၤဒဲးဘၣ်ဆၣ်, ပှၤတဂၤလၢအတၢ်နာ်စၢ်ဝဲန့ၣ်အီၣ်ဒၣ်ထဲတၢ်ဒိးတၢ်လၣ်ဧိၤလီၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 10:33

မ့မ့ၢ်, မၤဒၣ်သုဝဲဒ်ယမၤအသိးတက့ၢ်. လၢတၢ်ဖံးတၢ်မၤတမံၤလၢ်လၢ်လၢယမၤအီၤအပူၤန့ၣ်, ယဂုာ်ကျဲးစၢးမၤဘၣ်ပှၤကိးဂၤဒဲးအသးဒီးယတဃုဒၣ်ယဘျုးဒၣ် ယဲဘၣ်. မ့မ့ၢ်လၢပှၤခဲလၢာ်အဘျုးအဂီၢ်ဒ်သိးအဝဲသ့ၣ်ကတုၤ လၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

1 ကရံၣ်သူး 7:16

မါပှၤခရံာ်ဖိဧၢ, နတအုၣ်က့ၤခီၣ်က့ၤနဝၤန့ၣ်, နသ့ၣ်ညါလီၤတံၢ် ကသ့ဝဲလၢကျဲဒ်လဲၣ်. မ့တမ့ၢ်ဘၣ်ဒီး, ဝၤပှၤခရံာ်ဖိဧၢ, နတအုၣ်က့ၤခီၣ်က့ၤနမါန့ၣ်, နသ့ၣ်ညါလီၤတံၢ်ကသ့ဝဲလၢကျဲဒ်လဲၣ်.

1 ကရံၣ်သူး 8:13

မ့မ့ၢ်ဒ်န့ၣ်ဒီး, တၢ်အီၣ်မ့ၢ်ဒုးမၤယဒီပုၢ်ဝဲၢ်လၢတၢ်ဒဲးဘးန့ၣ်, ယတအီၣ်လၢၤတၢ်ဖံးတၢ်ညၣ်နီတစုဘၣ်. ဒ်သိးယသုတဒုးလီၤဃံၤယဒီပုၢ်ဝဲၢ်လၢတၢ်ဒဲးဘးအပူၤ တဂ့ၤအဂီၢ်န့ၣ်လီၤ.

1 ကရံၣ်သူး 9:19

ယမ့ၢ်ပှၤသဘျ့တဂၤ, ဒီးတမ့ၢ်ပှၤကုၢ်နီတဂၤဘၣ်န့ၣ်လီၤ. ဘၣ်ဆၣ်ဒီးယကဲပှၤကိးဂၤဒဲးအကုၢ်ဒ်သိးယကဒိးန့ၢ်က့ၤပှၤအါ အါတသ့ဖဲအသ့ဆူခရံာ်အအိၣ်န့ၣ်လီၤ.

1 ကရံၣ်သူး 9:23

တၢ်သ့ၣ်တဖၣ်အံၤခဲလၢာ်န့ၣ်ယမၤအီၤလၢတၢ်သးခုကစီၣ် အဃိဒ်သိးယကဒိးန့ၢ်ဘၣ်ဃုာ်အတၢ်ဆိၣ်ဂ့ၤဆိၣ်ဝါတဖၣ် အဂီၢ်န့ၣ်လီၤ.

၂ ကရံၣ်သူး 11:29

ဖဲပှၤတဂၤဂၤအဂံၢ်စၢ်ဘါစၢ်န့ၣ်, ယဂံၢ်ယဘါစၢ်လီၤဘၣ်ယၤစ့ၢ် ကီးလီၤ. ဖဲပှၤတဂၤဂၤဘၣ်တၢ်ဆှၢအီၤဆူတၢ်ဒဲးဘးအပူၤန့ၣ်, ယလၢပှဲၤဒီးတၢ်ကိၢ်တၢ်ဂီၤလီၤ.

ကလၤတံ 6:1

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်ဘၣ်တၢ်ထံၣ်န့ၢ်အီၤလၢအမၤ ကမၣ်တၢ်တမံၤမံၤန့ၣ်, သုဝဲလၢယွၤအသးပၢသုတဖၣ်, သုကြၢးမၤဂ့ၤမၤဘၣ်က့ၤအီၤန့ၣ်လီၤ. ဘၣ်ဆၣ်ဒီး, သုကဘၣ်မၤအီၤလၢတၢ်ကပုာ်လုးဖိအပူၤလီၤ. ဒီးကွၢ်လီၤသုသးဒ်သိး သုသုတဘၣ်တၢ်လ့ပစီတဂ့ၤစ့ၢ်ကီးန့ၣ်တက့ၢ်.